ಬಂಪರ್ ಆಫರ್: ಎರಡು ದಿನ ನೆಟ್‌ಫ್ಲಿಕ್ಸ್ ಅನ್ನು ಉಚಿತವಾಗಿ ನೋಡಿ

ಡಿಸೆಂಬರ್ 5,6 ರಂದು ಉಚಿತವಾಗಿ ನೋಡಬಹುದು

ಡಿಸೆಂಬರ್ 5, 6 ರಂದು ನೆಟ್‌ಫ್ಲಿಕ್ಸ್‌ನ ಕಂಟೆಂಟ್ ಅನ್ನು ಭಾರತದಲ್ಲಿ ಉಚಿತವಾಗಿ ನೋಡಬಹುದಾಗಿದೆ. ಡಿಸೆಂಬರ್ 4 ರ ಮಧ್ಯರಾತ್ರಿ 12 ಗಂಟೆ ನಂತರ ಪ್ರಾರಂಭವಾಗುವ ಈ ಆಫರ್, ಡಿಸೆಂಬರ್ 6 ರ ಮಧ್ಯರಾತ್ರಿ 11:59 ರ ವರೆಗೆ ಇರಲಿದೆ.

ಖಾತೆ ತೆರೆದು ಹಣ ನೀಡದೇ ನೆಟ್‌ಫ್ಲಿಕ್ಸ್ ನೋಡಿ

ನೆಟ್‌ಫ್ಲಿಕ್ಸ್‌ ಅಪ್ಲಿಕೇಶನ್ ಡೌನ್‌ಲೋಡ್ ಮಾಡಿಕೊಂಡು, ಖಾತೆ ತೆರೆದು ಯಾವುದೇ ಪೇಮೆಂಟ್ ಮಾಡದೆ ನೆಟ್‌ಫ್ಲಿಕ್ಸ್‌ನ ಕಂಟೆಂಟ್ ಅನ್ನು ನೋಡಬಹುದಾಗಿದೆ. ಶನಿವಾರ-ಭಾನುವಾರ ಈ ಆಫರ್ ನೀಡಿರುವ ಕಾರಣ ಹೆಚ್ಚು ಜನರು ನೆಟ್‌ಫ್ಲಿಕ್ಸ್‌ನಲ್ಲಿ ಕಂಟೆಂಟ್ ನೋಡುವ ಸಾಧ್ಯತೆ ಇದೆ. ಆದರೆ ಒಂದೇ ಇಮೇಲ್ ಐಡಿ-ಪಾಸ್‌ವರ್ಡ್‌ ಅನ್ನು ಬಳಲಿ ಒಂದಕ್ಕಿಂತಲೂ ಹೆಚ್ಚು ಮಂದಿ ನೆಟ್‌ಫ್ಲಿಕ್ಸ್‌ ನೋಡುವಂತಿಲ್ಲ.

ಬಳಕೆದಾರರ ಸಂಖ್ಯೆ ಮೇಲೆ ಮಿತಿಯೂ ಇದೆ

ಆ ಎರಡು ದಿನಗಳಿಗೆ ನೆಟ್‌ಫ್ಲಿಕ್ಸ್‌ ಬಳಕೆದಾರರ ಮೇಲೆ ಮಿತಿ ಸಹ ಹೇರಲಾಗಿದೆ. ಹೆಚ್ಚು ಮಂದಿ ನೆಟ್‌ಫ್ಲಿಕ್ಸ್‌ ನೋಡಲು ಆರಂಭಿಸಿದರೆ ಹೊಸದಾಗಿ ಲಾಗ್‌ಇನ್ ಆದವರಿಗೆ 'ನೆಟ್‌ಫ್ಲಿಕ್ಸ್‌ ಅಟ್ ಇಟ್ಸ್ ಕೆಪಾಸಿಟಿ' ಎಂಬ ಸಂದೇಶ ಬರಲಿದೆ. ಆದರೆ ಸಂಖ್ಯೆ ಕಡಿಮೆ ಆದ ನಂತರ 'ಯು ಕ್ಯಾನ್ ಸ್ಟಾರ್ಟ್ ಸ್ಟ್ರೀಮಿಂಗ್ ನೌ' ಎಂಬ ಸಂದೇಶ ಬರಲಿದೆ, ಆಗ ಲಾಗಿನ್‌ ಆಗಿ ಇಷ್ಟದ ಕಂಟೆಂಟ್ ನೋಡಬಹುದಾಗಿರುತ್ತದೆ.

3000 ಕೋಟಿ ಬಂಡವಾಳ ಹೂಡಿರುವ ನೆಟ್‌ಫ್ಲಿಕ್ಸ್

ನೆಟ್‌ಫ್ಲಿಕ್ಸ್‌, ಭಾರತೀಯ ಸಿನಿಮಾ, ವೆಬ್‌ಸರಣಿ, ರಿಯಾಲಿಟಿ ಶೋಗಳ ಮೇಲೆ ಅಂದಾಜು 3000 ಕೋಟಿ ಬಂಡವಾಳ ಹೂಡಿದೆ. ಆದರೆ ಇಲ್ಲಿ ಜೀ ಪ್ಲಸ್ ಹಾಗೂ ಅಮೆಜಾನ್ ಪ್ರೈಂ ನಿಂದ ಭಾರಿ ಸ್ಪರ್ಧೆ ಎದುರಿಸುತ್ತಿದೆ. ಹಾಗಾಗಿ ಈ ಸ್ಟ್ರೀಮ್ ಫೆಸ್ಟ್ ಮೂಲಕ ಇನ್ನಷ್ಟು ಬಳಕೆದಾರರನ್ನು ತನ್ನತ್ತ ಸೆಳೆಯುವ ಕಾರ್ಯ ಮಾಡುತ್ತಿದೆ ನೆಟ್‌ಫ್ಲಿಕ್ಸ್.