ನಟ ಸೂರ್ಯ ಸಿನಿಮಾಗಳನ್ನು ಪ್ರದರ್ಶಿಸುವುದಿಲ್ಲ: ಚಿತ್ರಮಂದಿರಗಳಿಂದ ಬಹಿಷ್ಕಾರ

ನೇರವಾಗಿ ಪ್ರೈಂ ಗೆ ಬಿಡುಗಡೆ ಮಾಡಿದ ಸೂರ್ಯ

'ಪೊನ್ಮಗಳ್ ವಂದಾಳ್' ಸಿನಿಮಾದಲ್ಲಿ ಜ್ಯೋತಿಕ ನಟಿಸಿದ್ದು, ಸಿನಿಮಾವನ್ನು ಸೂರ್ಯಾ ನಿರ್ಮಾಣ ಸಂಸ್ಥೆಯಾದ 2ಡಿ ಎಂಟರ್ಟೇನ್‌ಮೆಂಟ್ ನಿರ್ಮಿಸಿದೆ. ಸಿನಿಮಾವನ್ನು ನೇರವಾಗಿ ಅಮೆಜಾನ್ ಪ್ರೈಂ ಗೆ ಬಿಡುಗಡೆ ಮಾಡಲಾಗುತ್ತಿದೆ. ಇದನ್ನು ತಡೆಯುವಂತೆ ಚಿತ್ರಮಂದಿರಗಳ ಮಾಲೀಕರ ಸಂಘ ಕೋರಿದ್ದರೂ ಸಹ ಅದಕ್ಕೆ ಯಾವುದೇ ಪ್ರತಿಕ್ರಿಯೆನ್ನು ನೀಡಲಾಗಿಲ್ಲ.

ಚಿತ್ರಮಂದಿರ, ಮಲ್ಟಿಫ್ಲೆಕ್ಸ್ ಮಾಲೀಕರ ಸಂಘ ನಿರ್ಧಾರ

ಈ ಬಗ್ಗೆ ಇಂದು ವಿಡಿಯೋ ಬಿಡುಗಡೆ ಮಾಡಿರುವ ತಮಿಳುನಾಡು ರಾಜ್ಯ ಚಿತ್ರಮಂದಿರ ಮತ್ತು ಮಲ್ಟಿಫ್ಲೆಕ್ಸ್ ಮಾಲೀಕರ ಸಂಘದ ಕಾರ್ಯದರ್ಶಿ ಪನ್ನೀರ ಸೆಲ್ವಂ, 'ಸೂರ್ಯ ಅಭಿನಯಿಸಿರುವ ಯಾವುದೇ ಸಿನಿಮಾ ಹಾಗೂ ಸೂರ್ಯ ಮಾಲೀಕತ್ವದ 2 ಡಿ ಸಂಸ್ಥೆಯ ಯಾವುದೇ ಸಿನಿಮಾವನ್ನು ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಮಾಡುವುದಿಲ್ಲ' ಎಂದು ಹೇಳಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ವಿರೋಧ

ಸೂರ್ಯ ಸಿನಿಮಾ ನಿಷೇಧಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ವಿರೋಧ ವ್ಯಕ್ತವಾಗುತ್ತಿದೆ. ಚಿತ್ರಮಂದಿರಗಳ ಮಾಲೀಕರು ತಮ್ಮ ಕಾಲ ಮೇಲೆ ಕಲ್ಲು ಹಾಕಿಕೊಳ್ಳುತ್ತಿದ್ದಾರೆ ಎಂದು ಕೆಲವರು ಅಭಿಪ್ರಾಯ ಪಟ್ಟಿದ್ದಾರೆ.

ಸೂರರೈ ಪೊಟ್ರು ಮೇಲೆ ಭಾರಿ ಭರವಸೆ

ಸೂರ್ಯ ಅವರು ಮುಂಬರುವ ಚಿತ್ರ 'ಸೂರರೈ ಪೊಟ್ರು' ಸಿನಿಮಾ ಭಾರಿ ಕ್ರೇಜ್ ಹುಟ್ಟಿಸಿದ್ದು, ಬ್ಲಾಕ್ ಬಸ್ಟರ್ ಆಗುವ ಸಂಭವ ಇದೆ. ಆದರೆ ಈ ಸಮಯದಲ್ಲಿ ಸೂರ್ಯ ಮೇಲೆ ನಿಷೇಧ ಹೇರಿರುವುದು ಸಿನಿಮಾಕ್ಕೆ ಭಾರಿ ಹೊಡೆತ ಬೀಳಲಿದೆ. ಸೂರ್ಯ ಏನು ಮಾಡುತ್ತಾರೋ ಕಾದು ನೋಡಬೇಕಿದೆ. ಈ ಸಿನಿಮಾ ಕನ್ನಡಿಗ ಕ್ಯಾಪ್ಟನ್ ಗೋಪಿನಾಥ್ ಜೀವನ ಆಧಾರಿತವಾಗಿದೆ.