ಸುಶಾಂತ್‌ ಸಿಂಗ್ ಕೊನೆಯ ಸಿನಿಮಾ ಬಿಡುಗಡೆ: ಉಚಿತವಾಗಿ ನೋಡಿ!

ಉಚಿತವಾಗಿ ಸಿನಿಮಾ ನೋಡಬಹುದು

ಹೌದು, ದಿಲ್ ಬೇಚಾರ ಸಿನಿಮಾವನ್ನು ಉಚಿತವಾಗಿ ಎಲ್ಲರೂ ನೋಡಬಹುದಾಗಿದೆ. ಡಿಸ್ನಿ ಹಾಟ್‌ಸ್ಟಾರ್ ಆಪ್ ಹೊಂದಿರುವ ಎಲ್ಲರೂ ಸಬ್‌ಸ್ಕ್ರೈಬ್ ಆಗಿರಲಿ, ಆಗಿರದೇ ಇದ್ದರೂ ಸಹ ಸಿನಿಮಾ ನೋಡಬಹುದಾಗಿದೆ. ಈ ಸಿನಿಮಾವನ್ನು ಉಚಿತವಾಗಿ ತನ್ನ ಆಪ್‌ನಲ್ಲಿ ಬಿಡುಗಡೆ ಮಾಡಿದೆ ಹಾಟ್‌ಸ್ಟಾರ್.

ಸಂಜನಾ ಸಂಘಿ ನಾಯಕಿ

ದಿಲ್ ಬೇಚಾರಾ ಸಿನಿಮಾದಲ್ಲಿ ಸುಶಾಂತ್ ಜೊತೆ ಸಂಜನಾ ಸಂಘಿ, ಸೈಫ್ ಅಲಿ ಖಾನ್ ನಟಿಸಿದ್ದಾರೆ. ಸಿನಿಮಾದ ನಿರ್ದೇಶನವನ್ನು ಮುಖೇಶ್ ಚಬ್ರಾ ಮಾಡಿದ್ದು, ಸಂಗೀತ ನಿರ್ದೇಶನ ಎ.ಆರ್.ರೆಹಮಾನ್. ಹಾಡುಗಳು ಈಗಾಗಲೇ ಸೂಪರ್ ಹಿಟ್ ಆಗಿದೆ.

ಸ್ವಜನಪಕ್ಷಪಾತ, ಗುಂಪುಗಾರಿಕೆ ವಿರುದ್ಧ ದನಿ

ಸುಶಾಂತ್ ಸಿಂಗ್ ಸಾವು ಬಾಲಿವುಡ್‌ನಲ್ಲಿ ದೊಡ್ಡ ಚರ್ಚೆಯನ್ನು ಹುಟ್ಟುಹಾಕಿದೆ. ಸುಶಾಂತ್ ಆತ್ಮಹತ್ಯೆಗೆ ಸ್ವಜನಪಕ್ಷಪಾತ ಹಾಗೂ ಬಾಲಿವುಡ್‌ನ ಗುಂಪುಗಾರಿಕೆಯೇ ಕಾರಣ ಎಂದು ಹಲವರು ಆರೋಪಿಸಿದ್ದಾರೆ. ಕೆಲವು ಬಾಲಿವುಡ್ ಸೆಲೆಬ್ರಿಟಿಗಳ ಮೇಲೆ ದೂರು ಸಹ ದಾಖಲಾಗಿತ್ತು.

ಸಂಜಯ್ ಲೀಲಾ ಬನ್ಸಾಲಿ ವಿಚಾರಣೆ

ಸುಶಾಂತ್ ಸಿಂಗ್ ಸಾವಿನ ತನಿಖೆಯನ್ನು ಮುಂಬೈ ಪೊಲೀಸರು ಮಾಡುತ್ತಿದ್ದು, ಸುಶಾಂತ್ ಸಿಂಗ್ ಗೆಳತಿಯರು, ಕುಟುಂಬ, ಸಿಬ್ಬಂದಿ ಜೊತೆಗೆ ಸಂಜಯ್ ಲೀಲಾ ಬನ್ಸಾಲಿ ಸೇರಿ ಇನ್ನೂ ಕೆಲವು ಬಾಲಿವುಡ್ ಸೆಲೆಬ್ರಿಟಿಗಳನ್ನು ವಿಚಾರಣೆಗೆ ಒಳಪಡಿಸಿದ್ದಾರೆ. ಸುಶಾಂತ್ ಪ್ರಕರಣವನ್ನು ಸಿಬಿಐ ಗೆ ಒಪ್ಪಿಸುವಂತೆ ಒತ್ತಾಯಗಳು ಕೇಳಿಬರುತ್ತಿವೆ.