Don't Miss!
- Finance ಭಾರತದ ಮೊದಲ ಬುಲೆಟ್ ರೈಲಿನ ಬ್ಯಾಲೆಸ್ಟ್ಲೆಸ್ ಟ್ರ್ಯಾಕ್ ಸಿಸ್ಟಮ್ ಹಳಿ ಚಿತ್ರ ಬಹಿರಂಗ
- Lifestyle ಮೈ ತೂಕ ಕಡಿಮೆಯಾಗಲು ಈ ಪುದೀನಾ ನೀರು ಸಹಕಾರಿಯೇ? ಇದರ ಇತರ ಪ್ರಯೋಜನಗಳೇನು?
- News Poornachandra Tejaswi: ವಿಸ್ಮಯಲೋಕವನ್ನೇ ತೆರೆದಿಡುವ ತೇಜಸ್ವಿಯವರ ಪುಸ್ತಕಗಳು
- Technology ಬಜೆಟ್ ದರದಲ್ಲಿ ಬೆಸ್ಟ್ 5G ಫೋನ್ ಬೇಕಿದ್ರೆ, ಈ ಲಿಸ್ಟ್ ಒಮ್ಮೆ ಗಮನಿಸಿ!
- Sports Kohli vs Gambhir: ಹೈ-ವೋಲ್ಟೇಜ್ ಪಂದ್ಯದ ಬಗ್ಗೆ ಕೌಂಟರ್ ನೀಡಿದ ದಿನೇಶ್ ಕಾರ್ತಿಕ್
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದೇವಾಲಯದಲ್ಲಿ ಚುಂಬನ ದೃಶ್ಯ: ನೆಟ್ಫ್ಲಿಕ್ಸ್ ಬೆಂಬಲಕ್ಕೆ ನಿಂತ ನಟಿ
ನೆಟ್ಫ್ಲಿಕ್ಸ್ನಲ್ಲಿ ಪ್ರಸಾರವಾಗುತ್ತಿರುವ 'ಎ ಸೂಟೆಬಲ್ ಬಾಯ್' ವೆಬ್ ಸರಣಿಯು ವಿವಾದಕ್ಕೆ ಈಡಾಗಿದೆ. ವೆಬ್ ಸರಣಿಯಲ್ಲಿ ಮುಸ್ಲಿಂ ಪಾತ್ರಧಾರಿಯೊಬ್ಬ, ಹಿಂದು ಯುವತಿ ಪಾತ್ರಧಾರಿಗೆ ದೇವಾಲಯದಲ್ಲಿ ಚುಂಬಿಸುವ ದೃಶ್ಯವಿದೆ. ಇದರ ವಿರುದ್ಧ ಹಲವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಬಿಜೆಪಿ ಕೇಂದ್ರ ಸಚಿವರು, ಯುವಮೋರ್ಚಾ ರಾಷ್ಟ್ರೀಯ ಕಾರ್ಯದರ್ಶಿ ಸೇರಿದಂತೆ ಹಲವರು ನೆಟ್ಫ್ಲಿಕ್ಸ್ ನ ಇಬ್ಬರು ಹಿರಿಯ ಅಧಿಕಾರಿಗಳ ವಿರುದ್ಧ ದೂರು ನೀಡಿದ್ದು, ಎಫ್ಐಆರ್ ಸಹ ದಾಖಲಾಗಿದೆ.
ದೇವಸ್ಥಾನದಲ್ಲಿ ಚುಂಬನ: ಕೇಂದ್ರ ಸಚಿವ ಗರಂ, ವೆಬ್ ಸರಣಿ ವಿರುದ್ಧ ಪ್ರಕರಣ ದಾಖಲು
ಇದೀಗ ನಟಿ ಸ್ವರಾ ಭಾಸ್ಕರ್, ಎ ಸೂಟೆಬಲ್ ಬಾಯ್ ವೆಬ್ ಸರಣಿಯ ಚುಂಬನ ದೃಶ್ಯ ಎಬ್ಬಿಸಿರುವ ವಿವಾದದ ಬಗ್ಗೆ ಮಾತನಾಡಿದ್ದು, ಕಟುವ ಅತ್ಯಾಚಾರ ಹಾಗೂ ಈಗಿನ ವಿವಾದವನ್ನು ಸಮೀಕರಿಸಿ ಹೇಳಿಕೆ ನೀಡಿದ್ದಾರೆ. ಸ್ವರಾ ಟ್ವೀಟ್ ಸಹ ಸಖತ್ ವೈರಲ್ ಆಗಿದೆ.
ದೇವಾಲಯದಲ್ಲಿ ಚುಂಬನ ದೃಶ್ಯ: ನೆಟ್ಫ್ಲಿಕ್ಸ್ನ ಇಬ್ಬರು ಅಧಿಕಾರಿಗಳ ವಿರುದ್ಧ ಎಫ್ಐಆರ್
'ದೇವಾಲಯದಲ್ಲಿ ಅತ್ಯಾಚಾರವಾದಾಗ ನಿಮ್ಮ ರಕ್ತ ಕುದಿಯಲಿಲ್ಲವೇಕೆ?'
ಕಠುವಾದಲ್ಲಿ ಎಂಟು ವರ್ಷದ ಹೆಣ್ಣುಮಗಳನ್ನು ದೇವಾಲಯದ ಒಳಗೆ ಅತ್ಯಾಚಾರ ಮಾಡಲಾಯಿತು, ಆಗ ಕುದಿಯದಿದ್ದ ನಿಮ್ಮ ರಕ್ತ ಈಗ ದೇವಾಲಯದಲ್ಲಿ ಚುಂಬಿಸುವ ದೃಶ್ಯ ನೋಡಿದಾಗ ಕುದಿಯುತ್ತಿದ್ದೆಯೇ ಎಂದು ಸ್ವರಾ ಭಾಸ್ಕರ್ ಪ್ರಶ್ನಿಸಿದ್ದಾರೆ.
2018 ರಲ್ಲಿ ನಡೆದ ಘಟನೆ
2018 ರಲ್ಲಿ ಕಠುವಾದ ರಸಾನಾ ಎಂಬ ಹಳ್ಳಿಯಲ್ಲಿ ಎಂಟು ವರ್ಷದ ಬಾಲಕಿಯ ಮೇಲೆ ದೇವಾಲಯದ ಒಳಗೆ ಅತ್ಯಾಚಾರ ಮಾಡಿ ಕೊಲೆ ಮಾಡಲಾಗಿತ್ತು. ಈ ಪ್ರಕರಣ ದೇಶದೆಲ್ಲೆಡೆ ಸದ್ದು ಮಾಡಿತ್ತು. ಸ್ವರಾ ಭಾಸ್ಕರ್ ಸಹ ಕಠವಾ ಘಟನೆಯನ್ನು ಖಂಡಿಸಿ ಪ್ರತಿಭಟಿಸಿದ್ದರು.
ಬಾಯ್ಕಾಟ್ ನೆಟ್ಫ್ಲಿಕ್ಸ್ ಟ್ರೆಂಡ್
ಇದೀಗ ದೇವಾಲಯದಲ್ಲಿ ಚುಂಬನ ದೃಶ್ಯದ ವಿರುದ್ಧ ಸಾಮಾಜಿಕ ಜಾಲತಾಣದಲ್ಲಿ ನೆಟ್ಫ್ಲಿಕ್ಸ್ ಅನ್ನು ಬ್ಯಾನ್ ಮಾಡುವಂತೆ ಅಭಿಯಾನ ನಡೆಸಲಾಗುತ್ತಿದೆ. ಆದರೆ ನೆಟ್ಫ್ಲಿಕ್ಸ್ ಪರವಾಗಿ ಸಹ ಹಲವಾರು ಮಂದಿ ಟ್ವೀಟ್ ಮಾಡಿ ಅಭಿಪ್ರಾಯ ಹೊರಹಾಕುತ್ತಿದ್ದಾರೆ.
Recommended Video
'ದೇವಾಲಯಗಳ ಮೇಲೆ ಮಿಥುನ ಶಿಲ್ಪಗಳಿವೆ'
ಭಾರತದ ಹಲವು ದೇವಾಲಯಗಳಲ್ಲಿಯೇ ಮಿಥುನ ಶಿಲ್ಪಗಳು ಸಾಕಷ್ಟು ಇವೆ. ಕಾಮ ಭಂಗಿಗಳನ್ನು ದೇವಾಲಯದ ಗೋಡೆಗಳ ಮೇಲೆ ಕೆತ್ತಲಾಗಿದೆ. ಹೀಗಿದ್ದ ಮೇಲೆ ದೇವಾಲಯದ ಒಳಗೆ ಮುತ್ತಿನ ದೃಶ್ಯ ಚಿತ್ರೀಕರಿಸಿದ್ದು ಹೇಗೆ ತಪ್ಪು ಎಂದು ಪ್ರಶ್ನೆ ಮಾಡಲಾಗುತ್ತಿದೆ.