ಬಿಗ್ ಬಾಸ್ ರಿಯಾಲಿಟಿ ಶೋನಲ್ಲಿ ಏನೆಲ್ಲಾ ಬದಲಾವಣೆ ಆಗಬೇಕು..?

ಮತ್ತೆ ಮತ್ತೆ ಅದೇ ಟಾಸ್ಕ್ ಬೇಡ

ಬಿಗ್‌ಬಾಸ್‌ ಸೀಸನ್‌ಗಳನ್ನು ಫಾಲೋ ಮಾಡುತ್ತಿರುವವರಿಗೆ ಅಲ್ಲಿ ಟಾಸ್ಕ್‌ಗಳು ಪುನರಾವರ್ತನೆ ಆಗ್ತಿರೋದು ಗೊತ್ತಾಗುತ್ತಿದೆ. ಹೊಸ ಹೊಸ ಟಾಸ್ಕ್‌ಗಳನ್ನು ಕ್ರಿಯೇಟ್ಮಾಡುವಲ್ಲಿ ಆಯೋಜಕರು ಸೋಲುತ್ತಿದ್ದಾರೆ. ಕ್ರಿಯೇಟಿವ್ ಆಗಿ ಹೊಸ ಹೊಸ ಟಾಸ್ಕ್‌ಗಳನ್ನು ಡಿಸೈನ್ ಮಾಡುವ ಪ್ರತಿಭೆಗಳನ್ನು ಕೆಲಸಕ್ಕೆ ತೆಗೆದುಕೊಳ್ಳಬೇಕಿದೆ. ಬೇರೆ ಭಾಷೆಯ ಬಿಗ್‌ಬಾಸ್‌ ಶೋನಲ್ಲಿ ಇದ್ದ ಟಾಸ್ಕ್‌ ಅನ್ನು ಅಥವಾ ಈ ಹಿಂದಿನ ಸೀಸನ್‌ನಲ್ಲಿ ಕೊಟ್ಟಿದ್ದ ಟಾಸ್ಕ್‌ ಅನ್ನು ಹೊಸ ರೂಪದಲ್ಲಿ ಸ್ಪರ್ಧಿಗಳಿಗೆ ನೀಡಲಾಗುತ್ತಿದೆ. ಅದಾಗಲೇ ಆ ಟಾಸ್ಕ್ ನೋಡಿದವರಿಗೆ ಮತ್ತೆ ಅದು ಮಜಾ ಕೊಡೋದಿಲ್ಲ. ಆಗ ಸಹಜವಾಗಿಯೇ ರಿಮೋಟ್‌ ಕಡೆ ನೋಡುವಂತಾಗುತ್ತದೆ.

ಕಸಿವಿಸಿ ಉಂಟು ಮಾಡುವ ಅಫೇರ್‌ಗಳು

ಪ್ರೀತಿ ಪ್ರೇಮದ ವಿಷಯಗಳನ್ನಿಟ್ಟುಕೊಂಡು ಶೋನ ಎಳೆದಾಡುವುದನ್ನು ಮೊದಲು ಬಿಡಬೇಕು. ಯಾಕಂದ್ರೆ, ಬಿಗ್‌ಬಾಸ್ ಮನೆಯಲ್ಲಿ ಪ್ರೇಮಿಗಳಾಗಿ ಇದ್ದವರು, ಹೊರ ಬಂದ ಮೇಲೆ ಬ್ರೇಕಪ್ ಮಾಡಿಕೊಂಡಿದ್ದಾರೆ. ಮನೆಯೊಳಗೆ ಅಣ್ಣ ತಂಗಿ ರೀತಿ ಇದ್ದವರು ಶೋ ಮುಗಿದ ಮೇಲೆ ಹಸೆಮಣೆ ಏರಿದ್ದಾರೆ. ಅಫೇರ್ ಹೆಸರಿನಲ್ಲಿ ಕೃತಕವಾಗಿ ಪ್ರಪೋಸ್ ಮಾಡೋದು, ರೊಮ್ಯಾನ್ಸ್ ಮಾಡೋದು ಕೆಲವೊಮ್ಮೆ ಪ್ರೇಕ್ಷಕರಿಗೆ ಕಸಿವಿಸಿ ಉಂಟು ಮಾಡುತ್ತಿದೆ.

ಹೊಸ ಪ್ರತಿಭೆಗಳ ಕೊರತೆ

ಸಾಮಾನ್ಯರನ್ನು ಸ್ಟಾರ್‌ಗಳನ್ನಾಗಿ ಮಾಡಿದ ಶೋ ಬಿಗ್‌ಬಾಸ್. ಆದರೆ ಆ ಮ್ಯಾಜಿಕ್ ಪದೇ ಪದೇ ರಿಪೀಟ್ ಆಗುತ್ತಿಲ್ಲ. ಬಿಗ್‌ಬಾಸ್‌ ಮನೆ ಎಷ್ಟೋ ಜನಕ್ಕೆ ಪ್ರತಿಭೆ ಪ್ರದರ್ಶನಕ್ಕೆ ಚಿಮ್ಮು ಹಲಗೆ ಆಗುತ್ತದೆ. ಆದರೆ ಇತ್ತೀಚಿನ ದಿನಗಳಲ್ಲಿ ಇದು ಸಾಧ್ಯವಾಗದೇ ಇರೋದಕ್ಕೆ ಏನು ಕಾರಣ ಅನ್ನೋದನ್ನು ಆಯೋಜಕರು ಅರಿತುಕೊಳ್ಳಬೇಕಿದೆ.

ಸ್ಪರ್ಧಿಗಳಲ್ಲಿ ಪಕ್ಷಪಾತ ಬೇಡ

ನಿಜವಾಗಿಯೂ ಪ್ರತಿಭೆ ಇದ್ದವರು, ಚೆನ್ನಾಗಿ ಆಟ ಆಡುವವರು, ನಿಜವಾದ ವಿಜೇತರಿಗೆ ಗೆಲುವಿನ ಮಾಲೆ ಸಿಗಬೇಕು. ಆದರೆ ಪಕ್ಷಪಾತ ಮಾಡಿ ಮತ್ಯಾರಿಗೋ ಬಿಗ್‌ಬಾಸ್‌ ಟ್ರೋಫಿ ನೀಡುವುದು ಸರಿಯಲ್ಲ. ಶೋ ನಿಮಯಗಳನ್ನು ಪಾಲಿಸಿ ಆಡಿ ಗೆದ್ದವರು ವಿಜೇತರಾಗಬೇಕು. ಪಕ್ಷಪಾತ ಮಾಡುವುದರಿಂದ ವೀಕ್ಷಕರಿಗೆ ಶೋ ಬಗ್ಗೆ ನಂಬಿಕೆ ಹೊರಟು ಹೋಗುತ್ತದೆ.