ಅಲ್ಲು ಕುಟುಂಬಕ್ಕೆ ಸಾಥ್ ಕೊಡುತ್ತಾ ಸ್ಯಾಂಡಲ್‌ವುಡ್ ದೊಡ್ಮನೆ?

2020ರಲ್ಲಿ 'ಆಹಾ' ಆರಂಭ

ಕೊರೊನಾ ವೈರಸ್ ಹಿನ್ನೆಲೆ ಮೊದಲ ಲಾಕ್‌ಡೌನ್ ಘೋಷಣೆಯಾದ ಸಮಯದಲ್ಲಿ' ಆಹಾ' ಒಟಿಟಿ ಲಾಂಚ್ ಆಯಿತು. ತೆಲುಗಿನ ಕೆಲವು ಸಿನಿಮಾಗಳ ಹಕ್ಕು ಖರೀದಿಸಿದ ಎಕ್ಸ್‌ಕ್ಲೂಸಿವ್ ಆಗಿ ಪ್ರಸಾರ ಮಾಡಿವೆ. ಮೂಲ ಸಿನಿಮಾಗಳನ್ನು ನಿರ್ಮಿಸುತ್ತಿದೆ. ಹಲವು ಶೋಗಳನ್ನು ಸಹ ಆಹಾ ಪ್ರಸ್ತುತ ಪಡಿಸಿದೆ. ಸಮಂತಾ ನಿರೂಪಣೆಯ 'ಸ್ಯಾಮ್ ಜಾಮ್' ಶೋ ಹೆಚ್ಚು ಖ್ಯಾತಿ ಪಡೆದುಕೊಂಡಿದೆ. ಬರಿ ತೆಲುಗಿನಲ್ಲಿ ಪ್ರಭಾವ ಬೀರಿರುವ ಆಹಾ ಈಗ ಕನ್ನಡ ಸಿನಿಮಾನ್ನು ಖರೀದಿಸಿ ಪ್ರಸಾರ ಮಾಡುವ ಆಸಕ್ತಿ ತೋರಿದೆ. ಇನ್ನು ಕನ್ನಡದಿಂದಲೂ ಎಕ್ಸ್‌ಕ್ಲೂಸಿವ್ ಕಂಟೆಂಟ್ ನಿರ್ಮಿಸಲು ಸಹ ಮುಂದಾಗಿದೆ.

ಕರ್ನಾಟಕದಲ್ಲಿ ಸಮೀಕ್ಷೆ ಆಗಿದೆ

ಕರ್ನಾಟಕದಲ್ಲಿ ಆಹಾ ಘಟಕ ವಿಸ್ತರಿಸುವುದು, ಕನ್ನಡ ಸಿನಿಮಾಗಳ ಹೆಚ್ಚು ಫೋಕಸ್ ಮಾಡುವ ಬಗ್ಗೆ ಅದಾಗಲೇ ಸಮೀಕ್ಷೆ ಸಹ ಆಗಿದೆ ಎಂಬ ಮಾತಿದೆ. ಆಹಾ ತಂಡದಿಂದ ಕರ್ನಾಟಕಕ್ಕೆ ಬಂದು ಸರ್ವೆ ಮಾಡಿದ್ದಾರೆ ಹಾಗೂ ಆಹಾಗೆ ಕರ್ನಾಟಕದಲ್ಲಿ ಎಷ್ಟು ಜನ ಚಂದಾದಾರರಿದ್ದಾರೆ ಎಂಬ ಮಾಹಿತಿ ಕಲೆ ಹಾಕಿದೆ ಎನ್ನುವ ವಿಚಾರವೂ ವರದಿಯಾಗಿದೆ.

ಆಹಾ! ಕನ್ನಡಕ್ಕೆ ಬರುತ್ತಿದೆ ಹೊಸ ಒಟಿಟಿ!

ಆಹಾಗೆ ಬೇಕು ದೊಡ್ಮನೆ ಸಾಥ್?

ದೊಡ್ಮನೆ ಕುಟುಂಬದ ಜೊತೆ ಅಲ್ಲು ಅರ್ಜುನ್ ಕುಟುಂಬ ಒಳ್ಳೆಯ ಸ್ನೇಹ ಹೊಂದಿದೆ. ಕರ್ನಾಟಕದಲ್ಲಿ ಆಹಾ ಯಶಸ್ಸಿನ ಹಾದಿಯಲ್ಲಿ ಸಾಗಬೇಕಾದರೆ ದೊಡ್ಮನೆ ಸಾಥ್ ಬೇಕು ಎನ್ನುವುದನ್ನು ಅರಿತಿರುವು ಅಲ್ಲು ಕುಟುಂಬ ಈಗಾಗಲೇ ದೊಡ್ಮನೆಗೆ ಭೇಟಿ ನೀಡಿ ಈ ಸಂಬಂಧ ಚರ್ಚಿಸಿದೆ ಎನ್ನುವ ವಿಷಯವೂ ಕುತೂಹಲ ಮೂಡಿಸಿದೆ. ಅಲ್ಲು ಸಿರೀಶ್ ಬೆಂಗಳೂರಿನ ಸದಾಶಿವನಗರದಲ್ಲಿರುವ ರಾಘಣ್ಣ ಮತ್ತು ಪುನೀತ್ ನಿವಾಸಕ್ಕೆ ಭೇಟಿ ನೀಡಿ ಬೆಂಬಲಿಸಲು ವಿನಂತಿಸಿದ್ದಾರೆ ಎನ್ನಲಾಗಿದೆ.

'ಆಹಾ' ಜೊತೆ ದಯಾಳ್-ಪವನ್ ಕುಮಾರ್

ತೆಲುಗಿನ 'ಆಹಾ' ಜೊತೆ ಕನ್ನಡದ ಖ್ಯಾತ ನಿರ್ದೇಶಕರಾದ ದಯಾಳ್ ಪದ್ಮನಾಭನ್ ಹಾಗೂ ಲೂಸಿಯಾ ಖ್ಯಾತಿಯ ಪವನ್ ಕುಮಾರ್ ಕೈ ಜೋಡಿಸಿದ್ದು, ಈಗಾಗಲೇ ಸ್ವತಂತ್ರವಾಗಿ ಸಿನಿಮಾ ಮಾಡಿಕೊಟ್ಟಿದ್ದಾರೆ. ಮುಂದಿನ ದಿನಗಳಲ್ಲಿ ಕನ್ನಡ ಸಿನಿಮಾಗಳನ್ನು ಖರೀದಿಸುವುದು ಹಾಗೂ ಕರ್ನಾಟಕದಲ್ಲಿ 'ಆಹಾ' ವಿಸ್ತರಿಸುವ ಲೆಕ್ಕಾಚಾರದಲ್ಲಿ ಅಲ್ಲು ಕುಟುಂಬ ಚಿಂತಿಸುತ್ತಿರುವುದು ಗಾಂಧಿನಗರದಲ್ಲಿ ಚರ್ಚೆಯ ವಿಷಯವಾಗಿದೆ.