ಸದಾನಂದಗೌಡರೆ ತಮ್ಮಲ್ಲೊಂದು 'ಪ್ರಾರ್ಥನೆ'

ಪ್ರಾರ್ಥನೆ ಖಂಡಿತ ಕನ್ನಡಕ್ಕೊಂದು ಅಗಣಿತ ಚಿತ್ರರೂಪಕವಾಗುವಲ್ಲಿ ಸಂಶಯವಿಲ್ಲ. ಅದರ ಜೊತೆಗೆ ನಮ್ಮ ತನ, ನಮ್ಮ ನಾಡು, ನಮ್ಮ ನೆಲ-ಜಲ-ಭಾಷೆ-ಸಂಸ್ಕೃತಿಯನ್ನು ಉಳಿಸಿಕೊಳ್ಳಲು ಪ್ರಾರ್ಥನೆ ಚಿತ್ರ ಕ್ಲೈಮ್ಯಾಕ್ಸ್ ವರೆಗೂ ಹೋರಾಡುತ್ತದೆ!ಈ ಸಂದರ್ಭದಲ್ಲಿ ತೀರಾ ಇತ್ತೀಚೆಗೆ ಜಯಮಾಲಾ ಅವರು ಆಡಿದ ಒಂದು ಮಾತು ನೆನಪಿಗೆ ಬರುತ್ತದೆ...

ಎಪ್ಪತ್ತರ ದಶಕದಲ್ಲಿ ಬಂದ ಬರ, ಸಂಸ್ಕಾರ, ಘಟಶ್ರಾದ್ಧದಂಥ ಚಿತ್ರಗಳು ಇತ್ತೀಚೆಗೆ ಬರುತ್ತಿಲ್ಲ...ಜಯಮಾಲಾ ಅವರ ಈ ಕೊರಗಿನ ಕೂಗಿಗೆ ಶೆಣೈ ಅವರ ಪ್ರಾರ್ಥನೆ ಚಿತ್ರ ಉತ್ತರವಾದರೆ ಅಚ್ಚರಿಯಿಲ್ಲ! ಅದೇನೇ ಇದ್ದರೂ ಮಾನ್ಯ ಮುಖ್ಯಮಂತ್ರಿ ಸದಾನಂದ ಗೌಡರು ತಮ್ಮೆಲ್ಲಾ ರಾಜ್ಯ ರಾಜಕೀಯ ತಲೆಬಿಸಿಗಳ ನಡುವೆ ಅಲ್ವ ಅವಧಿಯನ್ನು ಮೀಸಲಿಟ್ಟು, ಪ್ರಾರ್ಥನೆ ಚಿತ್ರವನ್ನು ಇಡೀ ರಾಜ್ಯದ ಶಾಲಾ ಮಕ್ಕಳಿಗೆ ತೋರಿಸುವ ವ್ಯವಸ್ಥೆ ಮಾಡಿಸಿದರೆ ಖಂಡಿತ ಹಳ್ಳಿಗಳಲ್ಲಿ ಉಸಿರುಗಟ್ಟುವ ಹಂತದಲ್ಲಿರುವ ಸರಕಾರೀ ಬಡ ಪ್ರಾಥಮಿಕ ಶಾಲೆಗಳಿಗೆ ಮರುಜೀವ ಬಂದೀತೇನೋ!