Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚಿತ್ರವಿಮರ್ಶೆ: ವಿಭಿನ್ನ ಚಿತ್ರಕತೆವುಳ್ಳ ಪೆರೋಲ್
ಹೊಸ ಹುಡುಗರನ್ನು ಬಳಸಿ ಸಿನಿಮಾ ಮಾಡುವುದು ಎಂದರೆ ಸುಲಭದ ಮಾತಲ್ಲ. ಅಲ್ಲಿ ಒಂದಷ್ಟು ಶ್ರಮ, ಹೇಳಿಕೊಳ್ಳಲಾರದ ನೋವು, ಒದ್ದಾಟ ಇದ್ದೇ ಇರುತ್ತದೆ. ಅವರಿಂದ ಪ್ರತೀ ಹಂತದಲ್ಲೂ ಕೆಲಸ ತೆಗೆಸಬೇಕಾದ್ದು ಅನಿವಾರ್ಯ. ಅದನ್ನು ಶ್ರದ್ಧೆಯಿಟ್ಟು ಮಾಡಿದ್ದಾರೆ ನಿರ್ದೇಶಕ ರಾಜಶೇಖರ್. ಅವರ ಹಿಂದಿನ ಚಿತ್ರಕ್ಕೆ ಹೋಲಿಸಿದರೆ ಇದು ನಿಜಕ್ಕೂ ಗಮನಾರ್ಹ. ಒಂದಷ್ಟು ಹುಡುಗರಿಗೆ ಹೊಸ ರೂಪ ಕಟ್ಟಿಕೊಡುವ ಪರಿ ಇಷ್ಟವಾಗುತ್ತದೆ.
ಇದು ಕೆಲವು ಹುಂಬ ಹುಡುಗರ ವಯಸ್ಸಿನ ಅಮಲಿನಲ್ಲಿ ಏನೋ ಮಾಡಲು ಹೋದವರ ಕತೆ. ಅದಕ್ಕೆ ಭಿನ್ನ ರೀತಿಯ ಚಿತ್ರಕತೆ ಮಾಡಲಾಗಿದೆ. ಕತೆಯ ಮಧ್ಯೆ ಒಂದಷ್ಟು ತಿರುವುಗಳಿವೆ. ಅಲ್ಲಲ್ಲಿ ಪ್ರೇಮಪ್ರಲಾಪ ಇಣುಕಿ ಹೋಗುತ್ತವೆ. ಅಲ್ಲಲ್ಲಿ ಹೊಡೆದಾಟಗಳಿಗೆ ಕಂಬಳಿ ಹಾಸಲಾಗುತ್ತದೆ. ಮತ್ತೆ ನಾಯಕಿಯರು ಕಣ್ಣರಳಿಸಿಕೊಂಡು ಬರುತ್ತಾರೆ. ಅಲ್ಲಿಗೆ ಎಲ್ಲ ಮುಗಿಯಿತು ಎನ್ನುವ ಹೊತ್ತಿಗೆ ಹಾಡು, ಸಸ್ಪೆನ್ಸ್ ಇತ್ಯಾದಿ...
ಹಾಡುಗಳು ಮದುವೆ ಮನೆಯ ವಾಲಗವನ್ನು ನೆನಪಿಸುತ್ತವೆ. ಸಂಕಲನದಲ್ಲಿ ಕೆಲವು ಕಡೆ ನ್ಯೂನತೆ ಕಾಣುತ್ತದೆ. ಒಂದು ಕೊಲೆಯಲ್ಲಿ ಚಿತ್ರ ಶುರುವಾಗುತ್ತದೆ. ಅದು ನಾಲ್ಕಾಗುವ ಹೊತ್ತಿಗೆ ಒಂದಷ್ಟು ಮಸಾಲೆ ಆಫ್ ಇಂಡಿಯಾ. ಪೊಲೀಸ್ ತನಿಖೆಯ ಮಧ್ಯೆ ಮಧ್ಯೆ ತಂದೆ ಮಕ್ಕಳ ಸೆಂಟಿಮೆಂಟ್, ಬೋಲ್ಡ್ ಹುಡುಗಿಯರ ಕಾಂಡಿಮೆಂಟ್ನಿಂದ ಒಂದಷ್ಟು ಮಜಾ ಸಿಗುತ್ತದೆ. ಹೊಸ ಹುಡುರಲ್ಲಿ ಸೂರಜ್, ಲಿಖಿತ್ ನಟನೆ ಬೋರ್ ಹೊಡೆಸುವುದಿಲ್ಲ. ಉಳಿದ ಹುಡುಗರು ಅಷ್ಟಕ್ಕಷ್ಟೇ. ಪ್ರದೀಪ್, ವಿಶ್ವಾಸ್ ಮೊದಲಾದವರು ಪಳಗಬೇಕಿದೆ. ನಾಯಕಿಯರಲ್ಲಿ ಸುಪ್ರೀತಾ ಪ್ರೆಟಿ ಆಗಿ ಕಾಣುತ್ತಾಳೆ. ರಾಣಿಗೆ ನಗುವುದಷ್ಟೇ ಗೊತ್ತಿರುವುದು. ಬಿ.ಸುರೇಶ್ 'ಕಾಮಿಡಿ' ಮೆಚ್ಚುವಂತದ್ದೇ !
ಕಿಶೋರ್ಗೆ ಇನ್ನಷ್ಟು ಗಟ್ಟಿ ಪಾತ್ರ ಕೊಡಬಹುದಿತ್ತು. ಹೀಗಿದ್ದೂ ಅವರದ್ದು ಸಹಜ ನಟನೆ. ಸುಚೇಂದ್ರ ಪ್ರಸಾದ್ ಮಾತು ಅರ್ಥವಾವುದಿಲ್ಲ ಎನ್ನುವುದೇ ಒಂದು ಮುತ್ತಿನ ಕತೆ. ಗುಂಡ್ಲುಪೇಟೆ ಸುರೇಶ್ ಛಾಯಾಗ್ರಹಣದಲ್ಲಿ ಒಂದು ಮೂಡ್ ಸೃಷ್ಟಿಯಾಗುತ್ತದೆ. ಒಟ್ಟಾರೆ ಪೆರೋಲ್ ನೋಡಬಹುದು, ನೋಡದೆಯೂ ಇರಬಹುದು...ಯಾಕೆ ನೋಡಬೇಕೆಂದು ಹೇಳುವುದಕ್ಕೆ ಒಂದು ಕಾರಣ...ಬೇಡ ಎನ್ನುವುದಕ್ಕೆ ನೂರು... ಚಾಯ್ಸ್ ಈಸ್ ಯುವರ್ಸ್ .