Don't Miss!
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Automobiles ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- Lifestyle ಹನುಮಂತನ ಪವಾಡ: ಈ ದೇವಾಲಯದಲ್ಲಿ ಹನುಮಾನ್ ಮೂರ್ತಿ ವರ್ಷದಿಂದ ವರ್ಷಕ್ಕೆ ಎತ್ತರ ಬೆಳೆಯುತ್ತಿದೆ!
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿ; ಮುಸ್ಲಿಂ ಸಮುದಾಯಕ್ಕೆ 4% ಮೀಸಲಾತಿ: ಸಿದ್ದರಾಮಯ್ಯ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Technology Qubo InstaView ವಿಡಿಯೋ ಡೋರ್ ಫೋನ್ ಲಾಂಚ್!..ಬೆಲೆ ಎಷ್ಟು, ಫೀಚರ್ಸ್ ಏನಿವೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಮರ್ಶೆ:ಸಿಹಿಗಾಳಿ,ಕೆರಳಿಸುವ ಬಿರುಗಾಳಿ
ಹಿಟ್ ಸಿನಿಮಾ ಒಂದರಲ್ಲಿ ಬಂದು ಹೋದ ಹಾಡಿನ ಸಾಲು ಬಳಸಿ, ಇನ್ನೊಂದು ಸಿನಿಮಾ ಮಾಡಿದರೆ ಅದೂ ಹಿಟ್ ಆಗುತ್ತಾ? ನೋ ಛಾನ್ಸ್ ಎನ್ನುತ್ತಿದೆ 'ಸಿಹಿಗಾಳಿ' ಚಿತ್ರ. ಇದು ಆ ದಿನಗಳು ಚಿತ್ರದ-ಸಿಹಿಗಾಳಿ ಸಿಹಿಗಾಳಿ... ಸಹಿ ಹಾಕಿದೆ ಮನಸಿನಲೀ... ಹಾಡಿನ ಸಾಲಿನಿಂದ ಹೆಕ್ಕಿಕೊಂಡ ಶಬ್ದ. ಹೆಸರೇನೋ ಸಿಹಿಯಾಗಿದೆ. ಆದರೆ, ಚಿತ್ರದಲ್ಲಿ ಇರುವುದು ಮನುಷ್ಯನ ದೇಹದೊಳಗೆ ಅಳತೆ ಮೀರಿ ತುಂಬಿಕೊಳ್ಳುವ ಶುಗರ್' ಅಂಶ. ಅದನ್ನು ಬಿಟ್ಟರೆ ಬೀಪಿ ಕೆರಳಿಸುವ ಬಿರುಗಾಳಿ.
ನಿರ್ದೇಶಕ ಲೇಖನಿ ಅದ್ಯಾವ ಆಂಗಲ್ನಲ್ಲಿ ಕತೆಗೆ ಲೇಖನಿ ಹಿಡಿದಿದ್ದಾರೋ ಗೊತ್ತಿಲ್ಲ..ಮಾತಿಲ್ಲ, ಕತೆಯಿಲ್ಲ. ಗಾಳಿ ಎಲ್ಲಾ ಕಡೆಯಿಂದ ಬೀಸುತ್ತದೆ. ಅದು ಕೂಲಾಗಿ ಬೀಸಿದರೆ ತಂಗಾಳಿ. ಹಿತವಾಗಿ ಬೀಸಿದರೆ ಸಿಹಿಗಾಳಿ. ಇಲ್ಲಿ ಅದು ಅಡ್ಡಡ್ಡ ಬೀಸುತ್ತದೆ. ಚಂಡಮಾರುತವಾಗಿ ಪ್ರೇಕ್ಷಕರನ್ನು ಹಗಲಲ್ಲೇ ಹೈಜಾಕ್ ಮಾಡುತ್ತದೆ.
ಒಬ್ಬ ಇದ್ದನಂತೆ. ಅವನ ತಾಯಿಗೆ ಮಗ ಎಂಜಿನಿಯರ್ ಆಗಬೇಕು ಎಂಬ ಆಸೆಯಂತೆ. ಅವನಿಗೊಬ್ಬಳು ಗರ್ಲ್ ಫ್ರೆಂಡಂತೆ. ಇನ್ನೇನು ಎಲ್ಲಾ ಮುಗಿಯಿತು ಎನ್ನುವ ಹೊತ್ತಿಗೆ ಪುಸಕ್ ಅಂತ ಆತ ಜೈಲಿಗೆ ಹೋಗುತ್ತಾ ನಂತೆ... ಅಲ್ಲಿ ಕಂಬಿ ಎಣಿಸಿ ಮುಗಿಸುವಷ್ಟರಲ್ಲಿ ತಾಯಿ ದೇಹ ತಣ್ಣಗಾಗುತ್ತದೆಯಂತೆ... ಒಳ್ಳೆ ಹರಿಕತೆ' ಕೇಳಿದ ಸಿಹಿ' ಅನುಭವ ಆಗುತ್ತಿದೆಯಾ? ಎಲ್ಲಾ ಗಾಳಿ ಗಮ್ಮತ್ತು ಕಣ್ರೀ...!
ಶ್ರೀ ಮುರಳಿಗೆ ಉದ್ದುದ್ದ ಕೂದಲು ಸೆಟ್ ಆಗುವುದಿಲ್ಲ. ಸಿರಿನ್ ನಟನೆಯಲ್ಲಿ ನಯಾಪೈಸೆ ಬದಲಾವಣೆಯಿಲ್ಲ. ತುಳಸಿ ಶಿವಮಣಿ ತಾಯಿಯ ಪಾತ್ರವನ್ನು ಅನುಭವಿಸಿ ಮಾಡಿದ್ದಾರೆ. ಶರಣ್ ಕಾಮಿಡಿಗೆ ಟೊಪ್ಪಿ ಹಾಕಿಲ್ಲ. ಉಳಿದಂತೆ ಒಂದಷ್ಟು ಹೊಡೆದಾಟ, ಹಾರಾಟ, ಕುಣಿದಾಟ... ಗಾಳಿ' ಆಂಜನೇಯಾ... ನೀನೇ ಕಾಪಾಡಪ್ಪಾ!