Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಮರ್ಶೆ: ಜೋಕಾಲಿ, ಮತ್ತೊಂದು ಪ್ರೇಮಕಥೆ
ಈ ತಿರುಳಿನ ಕತೆಗಳು ಕನ್ನಡದಲ್ಲಿಹಲವಾರು ಬಂದಿವೆ. ಅದೇ ಹಾದಿಯಲ್ಲಿ ಬಂದಿರುವ ಮತ್ತೊಂದು ಚಿತ್ರ-ಜೋಕಾಲಿ. ನಿರ್ದೇಶಕ ದೀಪಕ್ ಇಲ್ಲಿ ಇರುವುದರಲ್ಲೇ ಇನ್ನೊಂದು ಆಯಾಮ ತೋರುವ ಪ್ರಯತ್ನ ಮಾಡಿದ್ದಾರೆ.
ಒಬ್ಬ ಟೆಂಟ್ನಲ್ಲಿ ಟಿಕೆಟ್ ಹರಿಯುವ ಹುಡುಗ ಅದೇ ಊರಿನ ರಾಜಕಾರಣಿಯ ತಂಗಿಯ ಪ್ರೇಮ ಪ್ರಕರಣವನ್ನು 'ಜೋಕಾಲಿ' ಮೇಲಿಟ್ಟು ತೂಗಿದ್ದಾರೆ ದೀಪಕ್. ಇಲ್ಲಿ ಎಲ್ಲ ಇವೆ. ಪ್ರೀತಿಯ ಪರದಾಟ, ಹೊಡೆದಾಟ, ಕಾದಾಟ, ಕಿತ್ತಾಟ, ಮತ್ತೆ ರಾಮ ರಾವಣರ ಆಟ... ಎಲ್ಲವನ್ನೂ ಸಹಿಸಿಕೊಂಡು ನೋಡಿದರೆ ಒಂದಷ್ಟು ಅಂಶಗಳು ಇಷ್ಟವಾಗುತ್ತದೆ.
ಅದನ್ನು ಬಿಟ್ಟು ಬಿಡಿ ಬಿಡಿಯಾಗಿ ಒಂದೊಂದನ್ನೇ ತೋರಿಸಿಬಿಡಿ ಎನ್ನುವ ಪ್ರೇಕ್ಷಕ ಇಲ್ಲಿ ನಿರಾಶೆಯಿಂದ ನಿರಶನಕ್ಕೆ ನಿಲ್ಲುತ್ತಾನೆ! ನಾಯಕ ಗೌರಿಶಂಕರ್ ಗವ್ ಎನ್ನುವ ಮಧ್ಯರಾತ್ರಿಯಲ್ಲಿ ಮೂಡುವ ಚಂದ್ರನಂತೆ ಕಾಣುತ್ತಾನೆ. ಹೊಸ ಲುಕ್ಕು, ಹೊಸ ಹಾವಭಾವ... ಅಂದರೆ, ತೆಲುಗು-ತಮಿಳು ಚಿತ್ರರಂಗದಲ್ಲಿ ಸದ್ಯ ಸದ್ದು ಮಾಡುತ್ತಿರುವ ಯುವಕರಂತೆ ಲವಲಿಯಾಗಿದ್ದಾನೆ ಗೌರಿ!
ನಾಯಕಿ ಉದಯ ತಾರಾ ನಕ್ಕರೆ ನಾಲ್ಕು ಮುತ್ತು ಉದುರಿದಂತೆ ಅನಿಸುತಿದೆ ಯಾಕೋ ಇಂದು... ರಂಗಾಯಣ ರಘು ಎಂದಿನಂತೇ ರಂಗುರಂಗಾಗಿ ಬಂಗಿ ನೆಡುತ್ತಾರೆ. ರವಿಕಾಳೆ, ಮುನಿ, ಉಮಾಶ್ರೀ ಎಲ್ಲರೂ ಆಗ ಈಗ ಬಂದುಹೋಗುವ ಬಸ್ಸುಗಳಂತೇ. ಬುಲೆಟ್ ಪ್ರಕಾಶ್ ಕಾಮಿಡಿ ಹೆಚ್ಚು ಪ್ರಕಾಶಿಸುವುದಿಲ್ಲ. ಎಸ್.ಎ. ರಾಜ್ ಕುಮಾರ್ ಸಂಗೀತದಲ್ಲಿ ಎರಡು ಹಾಡುಗಳು ಪರವಾಗಿಲ್ಲ. ಹಾಡುಗಳ ಲೊಕೇಷನ್ ಮತ್ತು ಛಾಯಾಗ್ರಹಣದ ಬಗ್ಗೆ
ಮರುಮಾತಿಲ್ಲ.