ಬಾಸ್ ವಿಮರ್ಶೆ: ಹಳೆ ಮಸಾಲೆ, ಹೊಸ ಶೈಲಿ ರುಚಿ

ಬಾಸ್ ಗೆ ಯಾರೂ ಜೋಡಿ ಇಲ್ಲ

ಈ ಚಿತ್ರದಲ್ಲಿ ಕುತೂಹಲಕಾರಿ ಅಂಶ ಎಂದರೆ ಅಕ್ಷಯ್ ಕುಮಾರ್ ಅವರಿಗೆ ನಾಯಕಿಯೇ ಇಲ್ಲ. ಚಿತ್ರಕ್ಕೂ ಮುನ್ನ ಅದಿತಿ ರಾವ್ ಜೋಡಿ ಎನ್ನಲಾಗಿತ್ತು. ಆದರೆ, ಅದಿತಿ ಈ ಚಿತ್ರದಲ್ಲಿ ಶಿವ್ ಪಂಡಿತ್ ಜೋಡಿಯಾಗಿದ್ದಾರೆ. ಒಂದು ರೀತಿ ವಿಷ್ಣುವರ್ಧನ್ ಅವರ ಬಳ್ಳಾರಿ ನಾಗ ತರಾ ಅನ್ಸುತ್ತೆ.

ಸೋನಾಕ್ಷಿ ಸಿನ್ಹಾ

ಅಕ್ಷಯ್ ನಾಯಕಿ ಇಲ್ಲದಿದ್ದರೂ ಹಳೆ ಚಿತ್ರದ ಜೋಡಿ ಸೋನಾಕ್ಷಿ ಸಿನ್ಹಾ ಈ ಚಿತ್ರದಲ್ಲಿ ಫ್ಲಾಶ್ ಬ್ಲಾಕ್ ಸಾಂಗ್ ನಲ್ಲಿ ಅಕ್ಕಿ ಜೋಡಿ ಕುಣಿಯಲಿದ್ದಾರೆ. ಶ್ರೀದೇವಿ ಅಭಿನಯದ 'ಹರ್ ಕಿಸಿ ಕೊ' ಹಾಡಿಗೆ ಸೋನಾಕ್ಷಿ ಕುಣಿದಿದ್ದಾರೆ.

ಅಕ್ಷಯ್ ಸೋನಾಕ್ಷಿ ಜೋಡಿ

ರೌಡಿ ರಾಥೋರ್ ನಲ್ಲಿ ಕಮಾಲ್ ಮಾಡಿದ ಅಕ್ಷಯ್ ಕುಮಾರ್ ಹಾಗೂ ಸೋನಾಕ್ಷಿ ಜೋಡಿ ಹಾಡಿ ಕುಣಿಯುವ ದೃಶ್ಯಗಳೇ ಚಿತ್ರದ ಪಾಸಿಟಿವ್ ಭಾಗ ಎನ್ನಬಹುದು.

ಅದಿತಿ ರಾವ್ ಹೈದರಿ

ಕೆಲಕಾಲ ಪಡ್ಡೆಗಳು ಪರದೆಯನ್ನು ಕುಕ್ಕುವಂತೆ ನೋಡುವ ಸೀನ್ ಇದೆ. ಪಿಂಕ್ ಬಣ್ಣದ ಬಿಕಿನಿಯಲ್ಲಿ ಕಾಣಿಸಿಕೊಂಡಿರುವ ಸಪೂರ ಮೈಕಟ್ಟಿನ ಅದಿತಿ ಕಾಣಿಸಿಕೊಂಡಿದ್ದಾರೆ.

ಅದಿತಿ-ಶಿವ್

ಚಿತ್ರದಲ್ಲಿ ಅದಿತಿ ರಾವ್ ಹೈದರಿ ಹಾಗೂ ಶಿವ್ ಪಂಡಿತ್ ಇಬ್ಬರು ಜೋಡಿಯಾಗಿ ನಟಿಸಿದ್ದು ಉತ್ತಮ ಹೊಂದಾಣಿಕೆ ಕಂಡು ಬಂದಿದೆ.

ಸಾಹಸ ದೃಶ್ಯ

ಸಾಹಸ ಪ್ರಿಯ ಅಕ್ಷಯ್ ಕುಮಾರ್ ಅವರು ಸಾಹಸ ದೃಶ್ಯಗಳಲ್ಲಿ ಲೀಲಾಜಾಲವಾಗಿ ನಟಿಸಿದ್ದಾರೆ.ಆದರೆ, ಅಕ್ಷಯ್ ಗೆ ಸವಾಲೊಡ್ಡುವ ಸಾಹಸ ದೃಶ್ಯಗಳೇನು ಚಿತ್ರದಲ್ಲಿಲ್ಲ.

ಪ್ರಭುದೇವ ಡ್ಯಾನ್ಸ್

'ಹಮ್ ನಾ ತೊಡೆ' ಹಾಡಿನಲ್ಲಿ ಪ್ರಭುದೇವ ಕಾಣಿಸಿಕೊಂಡು ಕೆಲಹೊತ್ತು ಡ್ಯಾನ್ಸ್ ಮೂಲಕ ರಂಜಿಸುತ್ತಾರೆ.

ಸಂಗೀತ

ಚಿತ್ರದಲ್ಲಿ ಸುಮಾರು 9 ಹಾಡುಗಳಿವೆ. ಅಂಜಾನ್, ದೀಪಕ್, ಚಿರಂತನ್ ಭಟ್ ಸಂಯೋಜನೆಯ ಹಾಡುಗಳು ಚಿತ್ರಕ್ಕೆ ಒಗ್ಗಿಕೊಂಡಿದ್ದರೂ ಪ್ರೇಕ್ಷಕರ ಮನಸ್ಸಿಗೆ ನಾಟಲು ಸಾಧ್ಯವಿಲ್ಲ. ಚಿತ್ರಮಂದಿರ ತೊರೆದ ಮೇಲೆ ಹಾಡು ನೆನಪಲ್ಲಿ ಉಳಿಯುವುದೇ ಕಷ್ಟ

ಬಾಸ್ ಕಥೆ

ಈ ಚಿತ್ರಕ್ಕೆ ಮೊದಲಿಗೆ ನಾಮ್ ಹೈ ಬಾಸ್ ಎಂದು ಹೆಸರಿಡಲಾಗಿತ್ತು. ಬಾಸ್ ಎಂಬ ಶೀರ್ಷಿಕೆಯನ್ನು ಹಾಗೂ ಹೀಗೂ ಪಡೆಯುವಲ್ಲಿ ಅಕ್ಷಯ್ ಕುಮಾರ್ ತಂಡ ಯಶಸ್ವಿಯಾಯಿತು.

ರಿಮೇಕ್ ಚಿತ್ರ

ಮೊದಲೇ ಹೇಳಿದಂತೆ ಬಾಸ್ ಚಿತ್ರ ಮಲೆಯಾಳಂನ ಸೂಪರ್ ಹಿಟ್ ಚಿತ್ರ ಪೊಕ್ಕಿರಿ ರಾಜ ರಿಮೇಕ್. 82.5 ಮಿಲಿಯನ್ ರುಪಾಯಿ ಬಂಡವಾಳದಲ್ಲಿ ತಯಾರಾದ ಪೊಕ್ಕಿರಿ ರಾಜ ಚಿತ್ರ 2010ರಲ್ಲಿ ತೆರೆ ಕಂಡು 670 ಮಿಲಿಯನ್ ರುಪಾಯಿ ಗಳಿಸಿತ್ತು.

ಗಿನ್ನೆಸ್ ರೆಕಾರ್ಡ್

ಮುಂಬೈನ ಅಂಧೇರಿ ಕ್ರೀಡಾಂಗಣದಲ್ಲಿ ಸುಮಾರು 193 ಅಡಿ 1 ಇಂಚು ಅಗಲ ಹಾಗೂ 180 ಅಡಿ ಹಾಗೂ 2 ಇಂಚು ಉದ್ದದ ಪೋಸ್ಟರ್ ನಿರ್ಮಿಸಿ ಅಕ್ಷಯ್ ಕುಮಾರ್ ಅವರ ಚಿತ್ರ ಗಿನ್ನೆಸ್ ದಾಖಲೆ ನಿರ್ಮಿಸಿದೆ.

ಇದಕ್ಕೂ ಮುನ್ನ ಮೈಕಲ್ ಜಾಕ್ಸನ್ ಅವರ this is it ಚಿತ್ರದ ಹೆಸರಿನಲ್ಲಿ ಅತಿದೊಡ್ಡ ಪೋಸ್ಟರ್ ದಾಖಲೆ ಇತ್ತು.