Don't Miss!
- Lifestyle ನರಿ ಮತ್ತು ಕೋಳಿಗೂ ಮೂರ್ಖರ ದಿನಕ್ಕೂ ಇದೆ ನಂಟು..! ಏನದು.?
- News RBI: ಬ್ಯಾಂಕ್ ಕೆಲಸ ಮುಗಿದಿಲ್ವಾ? ಭಯ ಬೇಡ ಮಾರ್ಚ್ 30, 31ಕ್ಕೂ ಓಪನ್ ಇರುತ್ತೆ ಆರ್ಬಿಐ ಕಚೇರಿಗಳು!
- Automobiles ಶಿಯೋಮಿಯ ಈ ಎಲೆಕ್ಟ್ರಿಕ್ ಕಾರು ಸ್ಮಾರ್ಟ್ಫೋನ್ಗಳಂತೆ ಅಗ್ಗದ ಬೆಲೆ: ರೇಂಜ್ ಕೇಳಿದ್ರೆ ತಲೆ ತಿರುಗುತ್ತೆ!
- Technology ಈ Amoled ಡಿಸ್ಪ್ಲೇ ಫೋನ್ ಬೆಲೆಯಲ್ಲಿ ಭಾರೀ ಇಳಿಕೆ!..ಈ ಆಫರ್ಗೆ ನೀವು ಫಿದಾ ಆಗ್ತೀರಾ!
- Finance ಮೊದಲ ಬಾರಿಗೆ ಅಂಬಾನಿ ಅದಾನಿ ಸೇರಿ ವ್ಯಾಪಾರ ಒಪ್ಪಂದ, ಇಲ್ಲಿದೆ ಒಪ್ಪಂದ ವಿವರ
- Sports IPL 2024: ವಿರಾಟ್ ಕೊಹ್ಲಿ ಕೆಕೆಆರ್ ಡಗೌಟ್ ನೋಡಿದ್ರೆ ಉರಿದು ಬೀಳ್ತಾರೆ; ಆರ್ಸಿಬಿ ಮಾಜಿ ಕ್ರಿಕೆಟಿಗ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮೊಟ್ಟ ಮೊದಲ ವಿಮರ್ಶೆ: ಪ್ರೇಕ್ಷಕರ ಮನಗೆದ್ದ 'ಕಥೆಯೊಂದು ಶುರುವಾಗಿದೆ'
'ಸಿಂಪಲ್ ಸ್ಟಾರ್' ರಕ್ಷಿತ್ ಶೆಟ್ಟಿ ಹಾಗೂ ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಾಣದ 'ಕಥೆಯೊಂದು ಶುರುವಾಗಿದೆ' ಸಿನಿಮಾ ಇದೇ ಶುಕ್ರವಾರ (ಆಗಸ್ಟ್ 3) ನಿಮ್ಮೆಲ್ಲರ ಮುಂದೆ ಬರಲಿದೆ.
ರಾಜ್ಯಾದ್ಯಂತ 'ಕಥೆಯೊಂದು ಶುರುವಾಗಿದೆ' ಬಿಡುಗಡೆ ಆಗುವ ಮುನ್ನವೇ ವಿದೇಶಗಳಲ್ಲಿ ಈ ಸಿನಿಮಾದ ಪ್ರೀಮಿಯರ್ ಶೋ ಮುಗಿದಿದೆ. ಯು.ಎಸ್.ಎ, ಯು.ಕೆ, ಆಸ್ಟ್ರೇಲಿಯಾ ಹಾಗೂ ಯೂರೋಪ್ ನಲ್ಲಿ 'ಕಥೆಯೊಂದು ಶುರುವಾಗಿದೆ' ಚಿತ್ರದ ಪ್ರೀಮಿಯರ್ ಶೋ ಹಮ್ಮಿಕೊಳ್ಳಲಾಗಿತ್ತು.
ಸಪ್ತಸಾಗರದಾಚೆ ನೆಲೆಸಿರುವ ಕನ್ನಡಿಗರು ದಿಗಂತ್ ಅಭಿನಯದ ಸೆನ್ನಾ ಹೆಗ್ಡೆ ನಿರ್ದೇಶನದ 'ಕಥೆಯೊಂದು ಶುರುವಾಗಿದೆ' ಚಿತ್ರವನ್ನ ನೋಡಿ ಜೈಕಾರ ಹಾಕಿದ್ದಾರೆ ಅಂದ್ರೆ ನೀವು ನಂಬಲೇ ಬೇಕು. ನಂಬಲ್ಲ ಅಂದ್ರೆ ವಿದೇಶದಲ್ಲಿ ಇರುವ ಕನ್ನಡಿಗರು 'ಕಥೆಯೊಂದು ಶುರುವಾಗಿದೆ' ಸಿನಿಮಾವನ್ನ ಕಣ್ತುಂಬಿಕೊಂಡು ಸಾಮಾಜಿಕ ಜಾಲತಾಣಗಳಲ್ಲಿ ನೀಡಿರುವ ವಿಮರ್ಶೆಗಳನ್ನ ಒಮ್ಮೆ ನೋಡಿ....
ಅತ್ಯುತ್ತಮ ಚಿತ್ರ
''ಕಥೆಯೊಂದು ಶುರುವಾಗಿದೆ' ಕನ್ನಡದಲ್ಲಿ ತಯಾರಾಗಿರುವ ಒಂದು ಅತ್ಯುತ್ತಮ ಚಿತ್ರ. ಆಕ್ಟಿಂಗ್, ವಿಶ್ಯುವಲ್ಸ್, ಮ್ಯೂಸಿಕ್, ಸೌಂಡ್.. ಎಲ್ಲವೂ ಚೆನ್ನಾಗಿದೆ. ದಿಗಂತ್ ಗೆ ಇದು ಹೇಳಿ ಮಾಡಿಸಿದ ಪಾತ್ರ. ನಾವಂತೂ ಈ ಚಿತ್ರವನ್ನ ಎಂಜಾಯ್ ಮಾಡಿದ್ವಿ. ಇಂತಹ ಹಲವು ಸಿನಿಮಾಗಳಲ್ಲಿ ಕನ್ನಡದಲ್ಲಿ ಬರಲಿ ಅಂತ ಆಶಿಸುತ್ತೇವೆ'' ಎಂದು ಆಸ್ಟ್ರೇಲಿಯಾದ ಮೆಲ್ಬರ್ನ್ ನಲ್ಲಿ ನೆಲೆಸಿರುವ ಮನೀಶ್ ಭಂಡಾರಿ ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ.
ಮತ್ತೊಂದು 'ಕಥೆ' ಶುರು ಮಾಡಿದ ಸುನಿ-ದಿಗಂತ್-ಪುಷ್ಕರ್
ಸಿಂಪಲ್ ಸಿನಿಮಾ
''ಕಥೆಯೊಂದು ಶುರುವಾಗಿದೆ' ಎಂದು ಸಿಂಪಲ್, ಸ್ವೀಟ್, ಮನಸ್ಸಿಗೆ ಮುದ ನೀಡುವ ಚಿತ್ರ. ಕನ್ನಡ ಚಿತ್ರರಂಗದಲ್ಲಿ ಇಂತಹ ಸಿನಿಮಾಗಳು ಬರುವುದು ತೀರಾ ಅಪರೂಪ. ಇದರಲ್ಲಿ ಐಟಂ ಸಾಂಗ್ ಇಲ್ಲ. ಹೈ ಬೇಸ್ ಮ್ಯೂಸಿಕ್ ಇಲ್ಲ, ಡಬಲ್ ಮೀನಿಂಗ್ ಡೈಲಾಗ್ಸ್ ಹಾಗೂ ಫೈಟ್ಸ್ ಇಲ್ಲ. ಸಿಂಪಲ್ ಆಗಿರುವ ಕಥೆಯನ್ನ ನಿರೂಪಣೆ ಮಾಡಿರುವ ಶೈಲಿ ಚೆನ್ನಾಗಿದೆ. ದಿಗಂತ್ ರವರ ಫ್ರೆಶ್ ಲುಕ್ ಇಷ್ಟ ಆಯ್ತು'' ಎಂದು ಮೆಲ್ಬರ್ನ್ ನಲ್ಲಿ ನೆಲೆಸಿರುವ ರಾಜಶೇಖರ್ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
ತಲೆ ನೋವು ತರಿಸುವುದಿಲ್ಲ
''ಸಿನಿಮಾದಲ್ಲಿ ಎಲ್ಲರ ನಟನೆ ಚೆನ್ನಾಗಿದೆ. ಯಾರದ್ದೂ ಓವರ್ ಆಕ್ಟಿಂಗ್ ಅಂತ ಅನಿಸಲಿಲ್ಲ. ಇದು ಖಂಡಿತ ಒಳ್ಳೆಯ ಸಿನಿಮಾ. ಬೇರೆ ಸಿನಿಮಾಗಳಂತೆ ಇದು ತಲೆ ನೋವು ತರಿಸುವುದಿಲ್ಲ'' ಅಂತ ರಾಣಿ ಎಂಬುವರು ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ.
'ಕಥೆಯೊಂದು ಶುರುವಾಗಿದೆ' ಕುರಿತು...
ದಿಗಂತ್, ಪೂಜಾ ದೇವರಿಯಾ, ಬಾಬು ಹಿರಣ್ಣಯ್ಯ, ಅರುಣಾ ಬಾಲರಾಜ್, ಅಶ್ವಿನ್ ರಾವ್ ಪಲ್ಲಕ್ಕಿ, ಶ್ರೇಯಾ ಆಂಚನ್ ಸೇರಿದಂತೆ ದೊಡ್ಡ ತಾರಾಬಳಗ ಹೊಂದಿರುವ ಚಿತ್ರ 'ಕಥೆಯೊಂದು ಶುರುವಾಗಿದೆ'. ರಕ್ಷಿತ್ ಶೆಟ್ಟಿ ಹಾಗೂ ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಾಣದ ಈ ಚಿತ್ರ ಆಗಸ್ಟ್ 3 ರಂದು ಕರ್ನಾಟಕ ರಾಜ್ಯಾದ್ಯಂತ ರಿಲೀಸ್ ಆಗಲಿದೆ.