Don't Miss!
- News ಐತಿಹಾಸಿಕ ಪ್ರಸಿದ್ಧ ವದ್ದಿಕೆರೆ ಸಿದ್ದಪ್ಪನ ಬಗ್ಗೆ ನಿಮಗೆಷ್ಟು ಗೊತ್ತು?-ಇಲ್ಲಿದೆ ಸಂಪೂರ್ಣ ವಿವರ
- Sports PBKS vs MI IPL 2024: ಮತ್ತೊಮ್ಮೆ ಕೊನೆಯ ಓವರ್ನಲ್ಲಿ ಮುಗ್ಗರಿಸಿದ ಪಂಜಾಬ್ ಕಿಂಗ್ಸ್ ಪ್ಲೇಆಫ್ ಸನ್ನಿವೇಶ ಹೇಗಿದೆ?
- Finance ಕಚ್ಚಾ ತೈಲ ಆಮದು ಗಣನೀಯ ಇಳಿಕೆ, ಪೆಟ್ರೋಲ್ ಡಿಸೇಲ್ ಬೆಲೆ ಹೆಚ್ಚಾಗುತ್ತಾ?
- Technology Poco: ಹೊಸದಾಗಿ ಲಾಂಚ್ ಆದ ಪೊಕೊ X6 ಪ್ರೊ 5G ಸ್ಮಾರ್ಟ್ಫೋನ್ಗೆ 17% ರಿಯಾಯಿತಿ!8 GB RAM
- Lifestyle ಶುಕ್ರವಾರ ವೈಭವ ಲಕ್ಷ್ಮಿ ವ್ರತ ಮಾಡೋದೇಕೆ..? ಹೇಗೆ ಆಚರಿಸಬೇಕು ಎಂಬ ಮಾಹಿತಿ ಇಲ್ಲಿದೆ..!
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಮರ್ಶೆ : ಪಕ್ಕಾ ಕಮರ್ಷಿಯಲ್ ಪ್ರೀತಿ ಪಾಠ ಹೇಳಿದ ವಾಸು
ಕಮರ್ಷಿಯಲ್ ಸಿನಿಮಾ ಇರುತ್ತೆ. ಅದೇ ರೀತಿ ಕಮರ್ಷಿಯಲ್ ಹಾಡು ಇರುತ್ತೆ. ಫುಲ್ ಕಮರ್ಷಿಯಲ್ ಆಗಿಯೇ ಯೋಚನೆ ಮಾಡುವವರು ಇರ್ತಾರೆ. ಆದರೆ ಕಮರ್ಷಿಯಲ್ ಆಗಿ ಪ್ರೀತಿ ಮಾಡೋರು ಇರ್ತಾರಾ? ಕಮರ್ಷಿಯಲ್ ಆಗಿ ಫ್ಯಾಮಿಲಿಯನ್ನ ಪ್ರೀತಿಸುವವರು ಇರ್ತಾರಾ? ಅವಳು ಪಕ್ಕಾ ಕಮರ್ಷಿಯಲ್, ಇವನು ಪಕ್ಕಾ ಮಾಸ್..ಇವರಿಬ್ಬರ ಸ್ಟೋರಿ ವಾಸು ನಾನ್ ಪಕ್ಕಾ ಕಮರ್ಷಿಯಲ್ ಸಿನಿಮಾ..ಪೂರ್ತಿ ವಿಮರ್ಶೆ ಇಲ್ಲಿದೆ ಮುಂದೆ ಓದಿ
ಸಿಂಪಲ್ ಕಥೆ, ಕಮರ್ಷಿಯಲ್ ಟಚ್
ನಾಯಕ ವಾಸು ಪಕ್ಕಾ ಮಾಸ್, ಬಾಕ್ಸರ್ ಆಗಿರೋ ವಾಸು ಇದ್ದ ಕಡೆ ಎಲ್ಲರೂ ಸೇಫ್ ಅನ್ನೋದು ಹೀರೋ ಪಾತ್ರಕ್ಕೆ ಹೇಳಿ ಮಾಡಿಸಿದಂತಿದೆ. ಮಗನಿಗೆ ಯಾವುದೇ ಸಮಸ್ಯೆ ಇಲ್ಲದೆ ಸಾಕುವ ಅಪ್ಪ, ಮುದ್ದು ಮಾಡೋ ಅಮ್ಮ. ತಮ್ಮ ಮಾಡಿದ್ದೇ ಸರಿ ಎನ್ನುವ ಅಕ್ಕ. ಇವರೆಲ್ಲರ ಜೊತೆಗೆ ಸದಾ ಎಲ್ಲಾ ಕೆಲಸದಲ್ಲಿಯೂ ಸಾಥ್ ಕೊಡುವ ಸ್ನೇಹಿತರು. ಕಷ್ಟಕ್ಕೆ ವಿರುದ್ಧವಾಗಿ ಬದುಕುತ್ತಿದ್ದ ವಾಸು ಲೈಫ್ ನಲ್ಲಿ ನಾಯಕಿ ಮಹಾಲಕ್ಷ್ಮಿ ಆಗಮನ ಸಿನಿಮಾದ ಸ್ಟೋರಿಗೆ ಫುಲ್ ಟ್ವಿಸ್ಟ್ ಕೊಡುತ್ತೆ. ಇದು 'ವಾಸು ನಾನ್ ಪಕ್ಕಾ ಕಮರ್ಷಿಯಲ್' ಸಿನಿಮಾ ಕಥಾಹಂದರ.
ನ್ಯಾಚುರಲ್ ಆಗಿದೆ ಅಭಿನಯ
ನಾಯಕ ನಟ ಅನಿಶ್ ತೇಜೇಶ್ವರ್ ಅಭಿನಯ ತುಂಬಾ ಚೆನ್ನಾಗಿ ಮೂಡಿ ಬಂದಿದೆ. ಈಗಾಗಲೇ ಸಾಮಾನ್ಯರ ಜೀವನಕ್ಕೆ ಹತ್ತಿರ ಎನ್ನಿಸುವ ಕಥೆಗಳಲ್ಲಿ ನಟಿಸಿ ಅಭ್ಯಾಸ ಇರುವ ಅನಿಶ್, ವಾಸು ಪಾತ್ರವನ್ನು ಸುಲಭವಾಗಿ ನಿಭಾಯಿಸಿದ್ದಾರೆ. ಇನ್ನು ನಾಯಕಿಯಾಗಿ ಕಾಣಿಸಿಕೊಂಡಿರುವ ನಿಶ್ವಿಕಾ ನಾಯ್ಡು ತಮ್ಮ ಪಾತ್ರವನ್ನು ಅಚ್ಚುಕಟ್ಟಾಗಿ ನಿರ್ವಹಿಸಿದ್ದಾರೆ.
ಖಳನಾಯಕರ ಅಭಿನಯಕ್ಕೆ ಮೆಚ್ಚುಗೆ
ಚಿತ್ರದಲ್ಲಿ ನಾಯಕಿ ತಂದೆ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ದೀಪಕ್ ಶೆಟ್ಟಿ ಅಭಿನಯ ಚೆನ್ನಾಗಿದೆ. ನಾಯಕನನ್ನು ಒಂದು ಬಾರಿ ಆದರೂ ಸೋಲಿಸಬೇಕು ಎನ್ನು ಹಠ ಮಾಡುವ ಪಾತ್ರದಲ್ಲಿ ನಿರಂಜನ್ ಅಭಿನಯ ಚೆನ್ನಾಗಿದ್ದು ಅಭಿನಯಕ್ಕೂ ಅವಕಾಶ ಸಿಕ್ಕಿದೆ.
ಮನಮುಟ್ಟುತ್ತೆ ಪೋಷಕರ ಅಭಿನಯ
ಇನ್ನು ಪೋಷಕರ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಅರುಣಾ ಬಾಲ ರಾಜ್, ಮಂಜುನಾಥ್ ಹೆಗ್ಡೆ ಅಭಿನಯ ವೀಕ್ಷಕರಿಗೆ ಇಷ್ಟವಾಗುತ್ತೆ, ಅನಿಶ್ ಮತ್ತು ಮಂಜುನಾಥ್ ಹೆಗ್ಡೆ ನಡೆಯುವ ಸಂಭಾಷಣೆಗಳು ನೋಡುಗರ ಕಣ್ಣಲ್ಲಿ ನೀರು ತರಿಸುತ್ತೆ.
ಇನ್ನು ಬೇಕಿತ್ತು ಹೊಸತನ
'ಅಕಿರ' ಸಿನಿಮಾ ನಂತರ ಅನಿಶ್ ಅಭಿನಯ ಮಾಡುತ್ತಿರುವ ಚಿತ್ರ 'ವಾಸು ನಾನ್ ಪಕ್ಕಾ ಕಮರ್ಷಿಯಲ್'. ಕಮರ್ಷಿಯಲ್ ಆಗಿ ಚಿತ್ರ ಚೆನ್ನಾಗಿದ್ದು ಕ್ಯಾಮೆರಾ ಮತ್ತು ಸಂಗೀತ ವಿಭಾಗಕ್ಕೆ ಚಿತ್ರತಂಡ ಮತ್ತಷ್ಟು ಗಮನ ಕೊಡಬೇಕಿತ್ತು ಎನ್ನಿಸುತ್ತದೆ. ಕೆಲ ಹಾಡುಗಳು ಚಿತ್ರಮಂದಿರದಿಂದ ಹೊರ ಬರುವ ಮುಂಚೆಯೇ ಮರೆತು ಹೋಗುತ್ತೆ.
ಸಿನಿಮಾ ಬಗೆಗಿನ ಅಭಿಪ್ರಾಯ
ಟೀಸರ್ ಮತ್ತು ಹಾಡುಗಳಿಂದ ಸುದ್ದಿ ಮಾಡಿದ್ದ 'ವಾಸು ನಾನ್ ಪಕ್ಕಾ ಕಮರ್ಷಿಯಲ್' ಸಿನಿಮಾ ನಿಜಕ್ಕೂ ಕಮರ್ಷಿಯಲ್ ಸಿನಿಮಾ. ಒಂದಿಷ್ಟು ವಿಚಾರಗಳ ಬಗ್ಗೆ ತಲೆ ಕೆಡಿಸಿಕೊಳ್ಳದೆ ಕಂಪ್ಲೀಟ್ ಕಮರ್ಷಿಯಲ್ ಆಗಿರುವ ಸಿನಿಮಾ ಬೇಕು ಎನ್ನುವವರಿಗೆ ವಾಸು ಹೇಳಿ ಮಾಡಿಸಿದ ಚಿತ್ರ.