Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಮರ್ಶೆ : ಕೋಮಲ ಕುಮಾರಿ ಜೊತೆ ಸರಳ ಸಿದ್ದುವಿನ ಪ್ರಣಯ ಪ್ರಸಂಗ
ಟಾಲಿವುಡ್ ನಲ್ಲಿ ಹಿಟ್ ಆಗಿದ್ದ 'ಕುಮಾರಿ 21F' ಸಿನಿಮಾ ಕನ್ನಡಲ್ಲಿಯೂ ಬಂದಿದೆ. ಇಂದು ಈ ಸಿನಿಮಾ ಬಿಡುಗಡೆಯಾಗಿದ್ದು, ಯುವ ಜನತೆಗೆ ಇಷ್ಟ ಆಗುವ ರೀತಿ ಚಿತ್ರ ಮೂಡಿ ಬಂದಿದೆ. ಇಡೀ ಸಿನಿಮಾದ ತುಂಬ ಕೋಮಲ ಕುಮಾರಿ ಜೊತೆ ಸರಳ ಸಿದ್ದು ಪ್ರಣಯ ಪ್ರಸಂಗ ನಡೆಯುತ್ತದೆ. ಹೀಗಾಗಿ ಇದು ಟೀನೇಜ್ ಹೃದಯಗಳಿಗೆ ಟಚ್ ಆಗುವ ಕಥೆ.
ಗ್ಲಾಮರ್ ಕುಮಾರಿ - ಸಿಂಪಲ್ ಸಿದ್ದು
ಮಾಡೆಲ್ ಆಗಿರುವ ಕುಮಾರಿ ಹಾಗೂ ಒಬ್ಬ ಸಾಮಾನ್ಯ ಹುಡುಗ ಸಿದ್ದು ಇಬ್ಬರ ಪ್ರೀತಿ, ಪ್ರೇಮ ಸೆಳೆತದ ಕಥೆಯೇ 'ಕುಮಾರಿ 21F'. ತಾನಾಗೆ ಬಂದು ತನ್ನ ಮಾದಕತೆಯ ಮೂಲಕ ಕುಮಾರಿ ಸಿದ್ದು ಗಮನ ಸಳೆಯುತ್ತಾಳೆ. ಕುಮಾರಿಯ ಅಮಲಿನಲ್ಲಿ ಸಿದ್ದು ಪ್ರೀತಿಯಲ್ಲಿ ಬೀಳುತ್ತಾನೆ. ಹೀಗಿರುವಾಗ ಮಧ್ಯಂತರದ ಹೊತ್ತಿಗೆ ಸರಿಯಾಗಿ ಕಥೆಯಲ್ಲಿ ಒಂದು ತಿರುವು ಸಿಗುತ್ತದೆ. 'ನಿನಗೆ ಮೆಚ್ಯೂರಿಟಿ ಇಲ್ಲ' ಎಂಬ ಕಾರಣ ಹೇಳಿ ಕುಮಾರಿ ದೂರ ಆಗುತ್ತಾಳೆ. ಮುಂದೆ ಇಬ್ಬರ ಕಥೆ ಏನಾಯ್ತೂ ಎನ್ನುವುದೇ ಚಿತ್ರದ ಜೀವಾಳ.
ಸಿನಿಮಾದಲ್ಲಿದೆ ಒಂದು ಸಂದೇಶ
ಸಾಮಾನ್ಯವಾಗಿ ನಮ್ಮ ಸುತ್ತ ಮುತ್ತಲೇ ಅನೇಕರು ಯಾರಾದರೂ ಹುಡುಗಿಯರ ಬಗ್ಗೆ ಏನೇನೇ ಮಾತನಾಡಿಕೊಳ್ಳುತ್ತಾರೆ. ತಾವೇ ಗಾಸಿಪ್ ಗಳನ್ನು ಹಬ್ಬಿಸುತ್ತಿರುತ್ತಾರೆ. ಈ ರೀತಿ ಮಾಡುವವರಿಗೆ ಸಿನಿಮಾ ಒಂದು ಸಂದೇಶ ನೀಡುತ್ತದೆ. ಆದರೆ, ಚಿಕ್ಕ ಬಟ್ಟೆ ಹಾಕಿದರೂ, ಹುಡುಗರ ಜೊತೆಗೆ ಓಡಾಡಿದ ಮಟ್ಟಿಗೆ ಒಂದು ಹುಡುಗಿಯನ್ನು ಕೆಟ್ಟವಳು ಎಂದು ಬಿಂಬಿಸಬೇಡಿ ಎಂಬ ಸಂದೇಶ ಸಿನಿಮಾ ಹೇಳಿದೆ.
ವಿಮರ್ಶೆ : ಪಕ್ಕಾ ಕಮರ್ಷಿಯಲ್ ಪ್ರೀತಿ ಪಾಠ ಹೇಳಿದ ವಾಸು
ಪ್ರಣಮ್ - ನಿಧಿ ಕೆಮಿಸ್ಟ್ರಿ ಚೆನ್ನಾಗಿದೆ
ಈ ರೀತಿಯ ಸಿನಿಮಾಗೆ ಮುಖ್ಯವಾಗಿ ನಟ ಮತ್ತು ನಟಿಯ ನಡುವಿನ ಕೆಮಿಸ್ಟ್ರಿ ಹೊಂದಿಕೆ ಆಗಬೇಕು. ಆ ವಿಚಾರದಲ್ಲಿ ಈ ಸಿನಿಮಾ ಗೆದ್ದಿದೆ. ಪ್ರಣಮ್ ಹಾಗೂ ನಿಧಿ ಜೋಡಿ ತೆರೆ ಮೇಲೆ ತುಂಬ ಚೆನ್ನಾಗಿ ಕಾಣುತ್ತದೆ. ಮುತ್ತಿನ ದೃಶ್ಯದಿಂದ ಹಿಡಿದು ಅಳುವ ದೃಶ್ಯದ ವರೆಗೆ ಇಬ್ಬರ ಭಾವನೆಗಳು ಮ್ಯಾಚ್ ಆಗಿವೆ. ಈ ಕಾರಣ ಚಿತ್ರದಲ್ಲಿ ಈ ಎರಡು ಪಾತ್ರಗಳು ಹೈಲೆಟ್ ಆಗಿವೆ.
ಯುವಕ, ಯುವತಿಯರ ಸಿನಿಮಾ
ಇಂದಿನ ಯುವಕ ಯುವತಿಯರಿಗೆ ಸಿನಿಮಾ ಇಷ್ಟ ಆಗುತ್ತದೆ. ವಿಭಿನ್ನ ಪ್ರೇಮ ಕಥೆ ಚಿತ್ರದಲ್ಲಿದೆ. ಸಿನಿಮಾ ನೋಡುವುದರ ಜೊತೆಗೆ ಒಂದು ಸಂದೇಶ ಅವರಿಗೆ ಸಿಗುತ್ತದೆ. ಸಿನಿಮಾದ ಸೆಕೆಂಡ್ ಹಾಫ್ ಗಟ್ಟಿಯಾಗಿದೆ. ಶುರುವಿನಲ್ಲಿ ಮಜಾವಾಗಿ ಪ್ರಾರಂಭ ಆಗುವ ಕಥೆ ಕೊನೆ ಕೊನೆಗೆ ಸೀರಿಯಸ್ ಆಗುತ್ತದೆ.
'ಕಥೆಯೊಂದು ಶುರುವಾಗಿದೆ' ವಿಮರ್ಶೆ: ಇದು ದಿಗಂತ್ ಕಮ್ ಬ್ಯಾಕ್ ಸಿನಿಮಾ
ಪ್ರಣಮ್ ಡ್ಯಾನ್ಸ್ ಸೂಪರ್
ದೇವರಾಜ್ ಅವರ ಪುತ್ರ ಎನ್ನುವ ಕಾರಣಕ್ಕೆ ನಟ ಪ್ರಣಮ್ ದೇವರಾಜ್ ಮೇಲೆ ನಿರೀಕ್ಷೆ ಇತ್ತು. ಅದೇ ರೀತಿ ಅವರು ತಮ್ಮ ಸರಳ ನಟನೆಯ ಮೂಲಕ ಗಮನ ಸಳೆದಿದ್ದರೆ. ಅದರಲ್ಲಿಯೂ ತಮ್ಮ ಡ್ಯಾನ್ಸ್ ಗಾಗಿ ಹೆಚ್ಚು ಅಂಕ ಪಡೆಯುತ್ತಾರೆ.
ಹಾಡುಗಳು ಬದಲಾಗಬಹುದಿತ್ತು
ತೆಲುಗಿನಲ್ಲಿ ಇರುವ ಮ್ಯೂಸಿಕ್ ಅನ್ನು ಈ ಚಿತ್ರದಲ್ಲಿಯೂ ಇಲ್ಲಿಯೂ ಬಳಸಲಾಗಿದೆ. ಆ ಹಾಡುಗಳು ಒಂದೆರಡು ಬಾರಿ ಹೇಳುವುದಕ್ಕೆ ಚೆನ್ನಾಗಿವೆ. ಆದರೆ, ಕನ್ನಡಕ್ಕೆ ತಕ್ಕಂತೆ ಹೊಸ ಹಾಡುಗಳನ್ನು ಮಾಡಿದ್ದರೆ ಚಿತ್ರಕ್ಕೆ ಇನ್ನಷ್ಟು ಮೆರಗು ಸಿಗುತ್ತಿತ್ತು.
ಟೀನೇಜ್ ಹೃದಯಗಳಿಗಾಗಿ
ಮನರಂಜನೆಗಾಗಿ ಸಿನಿಮಾ ನೋಡುವವರು 'ಕುಮಾರಿ 21F' ಚಿತ್ರವನ್ನು ಅಡ್ಡಿ ಇಲ್ಲದೆ ನೋಡಬಹುದು. ಟೀನೇಜ್ ಹೃದಯಗಳಿಗೆ ಈ ಸಿನಿಮಾ ಟಚ್ ಆಗುತ್ತದೆ.