Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಸೂಪರ್ 30' : ಹೃತ್ತಿಕ್ ನಟನೆಯೇ ಜೀವ... ಕಥೆಯೇ ದೈವ..
ರಿಯಲ್ ಕಥೆ ಇಟ್ಟುಕೊಂಡು ಸಿನಿಮಾ ಮಾಡುವುದರಲ್ಲಿ, ಬಾಲಿವುಡ್ ಸಿನಿ ನಿರ್ದೇಶಕರು ಎತ್ತಿದ ಕೈ ಎನ್ನುವುದು ಮತ್ತೆ ಸಾಬೀತು ಆಗಿದೆ. ಈ ಹಿಂದೆ 'ಕ್ವೀನ್' ಎಂಬ ಸುಂದರ ಸಿನಿಮಾ ಮಾಡಿ ಗೆದಿದ್ದ, ವಿಕಾಸ್ ಬಹ್ಲ್ ಮತ್ತೆ ಗೆಲುವಿನ ಸೂಚನೆ ನೀಡಿದ್ದಾರೆ. ಸೋಲು ಗೆಲುವು ಎಲ್ಲದಕ್ಕಿಂತ ಹೆಚ್ಚಾಗಿ ಒಂದು ಒಳ್ಳೆಯ ಸಿನಿಮಾ ಮಾಡಿದ್ದಾರೆ. 'ಸೂಪರ್ 30' ಸಿನಿಮಾ ಹೆಸರಿಗೆ ತಕ್ಕ ಹಾಗೆ ಸೂಪರ್ ಆಗಿದೆ.
ಅನಂತ್ ಕುಮಾರ್ ಕಥೆ
'ಸೂಪರ್ 30' ಸಿನಿಮಾ ಬಿಹಾರದ ಅನಂತ್ ಕುಮಾರ್ ಅವರ ಕಥೆ. ಖ್ಯಾತ ಗಣಿತಜ್ಞ ಆಗಿರುವ ಅನಂತ್ ಕುಮಾರ್ ಅವರ ಜೀವನದ ಏಳು - ಬೀಳು, ಸಾಧನೆಯ ಕಥೆ ಚಿತ್ರದಲ್ಲಿದೆ. ಅನಂತ್ ಕುಮಾರ್ ತಮ್ಮ 'ಸೂಪರ್ 30' ಕಾರ್ಯಕ್ರಮದ ಮೂಲಕ ದೇಶಾದ್ಯಂತ ಜನಪ್ರಿಯತೆ ಪಡೆದಿದ್ದಾರೆ. IIT ಪ್ರವೇಶ ಪರೀಕ್ಷೆ ಬರೆಯಲು ಬಯಸುವ ಬಡ ವಿದ್ಯಾರ್ಥಿಗಳಿಗೆ ಆನಂದ್ ಉಚಿತವಾಗಿ ಪಾಠ ಮಾಡುತ್ತಾರೆ.
'ಸೂಪರ್ 30' ಸಿನಿಮಾದ ರಿಯಲ್ ಹೀರೋ ಇವರೇ
ಹೃತ್ತಿಕ್ ರೋಷನ್ ಪ್ರಬುದ್ಧ ನಟನೆ
ನಟ ಹೃತ್ತಿಕ್ ರೋಷನ್ ಸಿನಿ ಕೆರಿಯರ್ ನ ಬೆಸ್ಟ್ ಪಾತ್ರಗಳ ಪೈಕಿ ಈ ಚಿತ್ರದ ಪಾತ್ರ ನಿಲ್ಲುವುದರಲ್ಲಿ ಯಾವುದೇ ಅನುಮಾನ ಇಲ್ಲ. 'ಸೂಪರ್ 30'ಯ ಮುಖ್ಯ ಆಕರ್ಷಣೆ ಹೃತ್ತಿಕ್ ನಟನೆ. ಅವರ ಬಾಡಿ ಲಾಂಗ್ವೇಜ್ ಹಾಗೂ ಡೈಲಾಗ್ ಡಿಲೆವರಿ ಸ್ಟೈಲ್ ತುಂಬ ಸೂಕ್ತವಾಗಿದೆ. ಕೇಂಬ್ರಿಜ್ ವಿಶ್ವವಿದ್ಯಾನಿಲಯದಲ್ಲಿ ಸೀಟ್ ಸಿಕ್ಕಾಗ ಅವರು ಖುಷಿಯನ್ನು ವ್ಯಕ್ತ ಪಡಿಸುವ ದೃಶ್ಯವಂತು ಅದ್ಭುತ.
ಚಿತ್ರದ ತುಂಬ ಎಮೋಷನ್ಸ್ ಇದೆ
ಒಂದು ಸಿನಿಮಾಗೆ ಜೀವ ತುಂಬುವುದೇ ಎಮೋಷನ್ಸ್. ಭಾವನೆಗಳು ಇಲ್ಲದೆ, ಬರೀ ದೃಶ್ಯಗಳು ತುಂಬಿದ್ದರೆ ಅದು ಒಳ್ಳೆಯ ಸಿನಿಮಾ ಆಗಲಾರದು. 'ಸೂಪರ್ 30' ಸಿನಿಮಾ ಇಷ್ಟ ಆಗುವುದೇ ಇಲ್ಲಿ. ಸಿನಿಮಾದಲ್ಲಿ ಪ್ರೀತಿ, ಸ್ಫೂರ್ತಿ, ಸಾಧನೆ, ಹಾಸ್ಯ ಎಲ್ಲವೂ ಇದೆ. ಚಿತ್ರದ ತುಂಬ ಎಮೋಷನ್ಸ್ ತುಂಬಿದೆ. ಸಿನಿಮಾದ ಎಲ್ಲ ಪಾತ್ರಗಳು ಕೂಡ ನೈಜವಾಗಿ ಮೂಡಿ ಬಂದಿವೆ.
ಹೃತಿಕ್ ರೋಷನ್ 'ಸೂಪರ್ 30' ಮೊದಲ ದಿನ ಗಳಿಸಿದ್ದೆಷ್ಟು?
ಆನಂದ್ ಕಥೆ ಜೊತೆಗೆ ಶಿಕ್ಷಣ ಪರಿಸ್ಥಿತಿ ಅನಾವರಣ
ಆನಂದ್ ಕುಮಾರ್ ಕಥೆಯೇ ಚಿತ್ರವಾಗಿದ್ದರೂ, ಅದರ ಜೊತೆಗೆ ಪ್ರಸ್ತುತ ಶಿಕ್ಷಣ ಪರಿಸ್ಥಿತಿಯ ಲೋಪಗಳನ್ನು ಅನಾವರಣ ಮಾಡಲಾಗಿದೆ. ಶಿಕ್ಷಣದ ಪ್ರಾಮುಖ್ಯತೆ ತಿಳಿಸಲಾಗಿದೆ. ರಾಜ, ಮಹಾಭಾರತದ ಘಟನೆಗಳನ್ನು ಚಿತ್ರದ ಸಂದರ್ಭಕ್ಕೆ ಹೋಲಿಕೆ ಮಾಡಿರುವುದು ಕಥೆಯ ಸಾಮರ್ಥ್ಯ ಹೆಚ್ಚು ಮಾಡಿದೆ.
ನೋಡಲೇಬೇಕಾದ ಸಿನಿಮಾ
ಕೆಲ ಸಿನಿಮಾಗಳ ಮನರಂಜನೆ ಸೀಮಿತವಾಗಿದ್ದರೆ, ಇನ್ನು ಕೆಲವು ಸಿನಿಮಾಗಳು ಮನಸ್ಸಿಗೆ ಇಷ್ಟ ಆಗುವ ಚಿತ್ರಗಳು. 'ಸೂಪರ್ 30' ಎರಡನೇ ವರ್ಗಕ್ಕೆ ಸೇರುವ ಸಿನಿಮಾ. ಆನಂದ್ ಕುಮಾರ್ ಅವರ ನಿಸ್ವಾರ್ತ ಸಾಧನೆಯನ್ನು ತುಂಬ.. ತುಂಬ.. ಚೆನ್ನಾಗಿ ತೆರೆ ಮೇಲೆ ತೋರಿಸಲಾಗಿದೆ. ಬಾಲಿವುಡ್ ನಲ್ಲಿ ಬಂದ ಒನ್ ಆಫ್ ದಿ ಬೆಸ್ಟ್ ಬಯೋಪಿಕ್ ಗಳಲ್ಲಿ 'ಸೂಪರ್ 30' ಕೂಡ ಒಂದಾಗಬಹುದು.