ಶಿವಣ್ಣ ನಟನೆಯ ವೇದ ತೆಲುಗು ವರ್ಷನ್ ನೋಡಿದ ಪ್ರೇಕ್ಷಕರು ಹೇಳಿದ್ದೇನು? ಹಿಟ್ಟಾ ಫ್ಲಾಪಾ?

ಚಿತ್ರದ ಹೀರೊ ಶಿವಣ್ಣ ಅಲ್ಲ, ಮಹಿಳೆಯರೇ!

ವೇದ ಚಿತ್ರದಲ್ಲಿ ಶಿವಣ್ಣನಷ್ಟೇ ಸ್ಕೋಪ್ ಹಾಗೂ ಪ್ರಾಮುಖ್ಯತೆ ಚಿತ್ರದಲ್ಲಿ ನಟಿಸಿರುವ ನಟಿಯರಿಗೆ ಇದೆ. ಆಕ್ಷನ್ ದೃಶ್ಯಗಳಲ್ಲೂ ಅಬ್ಬರಿಸಿರುವ ಅದಿತಿ ಸಾಗರ್, ಘಾನವಿ ಲಕ್ಷ್ಮಣ್ ಹಾಗೂ ಶ್ವೇತಾ ಚೆಂಗಪ್ಪ ಚಿತ್ರಮಂದಿರಗಳಲ್ಲಿ ಸಿನಿ ರಸಿಕರಿಂದ ಶಿಳ್ಳೆ, ಚಪ್ಪಾಳೆ ಗಿಟ್ಟಿಸಿಕೊಂಡಿದ್ದರು. ಅದೇ ರೀತಿ ತೆಲುಗು ಸಿನಿ ರಸಿಕನೋರ್ವನೂ ಸಹ ಚಿತ್ರವನ್ನು ವೀಕ್ಷಿಸಿದ ಬಳಿಕ ಚಿತ್ರದಲ್ಲಿ ಶಿವಣ್ಣ ಅಲ್ಲ, ಮಹಿಳೆಯರೇ ಹೀರೊಸ್ ಎಂದು ಹೇಳಬಹುದು ಎಂದಿದ್ದಾರೆ. ಚಿತ್ರ ಎಲ್ಲಿಯೂ ಬೋರ್ ಹೊಡೆಸದೇ, ಕೆಜಿಎಫ್ ರೀತಿ ಎಲಿವೇಶನ್ ಸೀನ್ಸ್‌ಗಳೊಂದಿಗೆ ಸಾಗುತ್ತೆ, ಒಳ್ಳೆಯ ಹಿಟ್‌ನೊಂದಿತೆ ತೆಲುಗು ಇಂಡಸ್ಟ್ರಿಗೆ ಕಾಲಿಟ್ಟ ಶಿವ ರಾಜ್‌ಕುಮಾರ್ ಅವರಿಗೆ ಟಾಲಿವುಡ್‌ಗೆ ಸ್ವಾಗತ ಎಂದು ಹೇಳಿಕೊಂಡಿದ್ದಾರೆ . ಎಎನ್‌ವಿ ಟಾಕೀಸ್ ಯುಟ್ಯೂಬ್ ಚಾನೆಲ್ ನಡೆಸಿದ ಸಂದರ್ಶನದಲ್ಲಿ ಈ ಹೇಳಿಕೆಯನ್ನು ಪ್ರೇಕ್ಷಕರು ನೀಡಿದ್ದಾರೆ.

ಚಿತ್ರಕ್ಕೆ ಮಹಿಳಾ ಸಿನಿ ರಸಿಕರು ಫಿದಾ

ಇನ್ನು ಕನ್ನಡ ಹಾಗೂ ತಮಿಳಿನಲ್ಲಿ ಮಹಿಳೆಯರಿಗೆ ಹೆಚ್ಚು ಇಷ್ಟವಾಗಿದ್ದ ವೇದ ಚಿತ್ರ ತೆಲುಗಿನಲ್ಲೂ ಸಹ ಮಹಿಳಾ ಸಿನಿ ರಸಿಕರಿಂದ ಮೆಚ್ಚುಗೆ ಗಿಟ್ಟಿಸಿಕೊಂಡಿದೆ. ಚಿತ್ರ ನೋಡಿದ ಬಳಿಕ ಕ್ಯಾಮೆರಾ ಮುಂದೆ ಬಂದ ತೆಲುಗು ಮಹಿಳಾ ಸಿನಿ ಪ್ರೇಕ್ಷಕರು ಇಂತಹ ಚಿತ್ರಗಳು ಹೆಚ್ಚೆಚ್ಚು ಬರಬೇಕು, ಇಂತಹ ಕಥೆಗಳಿಂದ ಮಹಿಳೆಯರು ಮತ್ತಷ್ಟು ಬಲಿಷ್ಠರಾಗ್ತಾರೆ, ಶೋಷಣೆಯ ವಿರುದ್ಧ ತಿರುಗಿ ಬೀಳ್ತಾರೆ ಎಂದು ಹೇಳಿಕೆ ನೀಡಿದ್ದಾರೆ.

ತುಸು ಬೇಗನೇ ಬಿಡುಗಡೆ ಮಾಡಬೇಕಿತ್ತು

ಸದ್ಯ ತೆಲುಗಿನಲ್ಲಿ ಬಿಡುಗಡೆಯಾಗಿರುವ ಶಿವ ವೇದ ಚಿತ್ರವನ್ನು ವೀಕ್ಷಿಸಿರುವ ತೆಲುಗು ಸಿನಿ ಪ್ರೇಕ್ಷಕರು ಚಿತ್ರಕ್ಕೆ ನೀಡುತ್ತಿರುವ ಒಳ್ಳೆಯ ಪ್ರತಿಕ್ರಿಯೆಯನ್ನು ನೋಡಿದರೆ, ಚಿತ್ರವನ್ನು ಇನ್ನೂ ತುಸು ಮುಂಚಿತವಾಗಿಯೇ ಬಿಡುಗಡೆ ಮಾಡಬೇಕಿತ್ತು ಎಂಬ ಅಭಿಪ್ರಾಯ ವ್ಯಕ್ತವಾಗುವುದು ಸಹಜ. ಕನ್ನಡ ಹಾಗೂ ತಮಿಳಿನಲ್ಲಿ ಬಿಡುಗಡೆಯಾಗಿ ಒಂದು ತಿಂಗಳು ಕಳೆದ ಬಳಿಕ ತೆಲುಗಿನಲ್ಲಿ ಬಿಡುಗಡೆಯಾಗಿರುವುದು ತೀರಾ ತಡವಾಗಿದ್ದು, ಮೊದಲೇ ಬಿಡುಗಡೆಯಾಗಿದ್ದರೆ ಇನ್ನೂ ಹೆಚ್ಚಿನ ಪ್ರೇಕ್ಷಕರನ್ನು ಸೆಳೆಯಬಹುದಿತ್ತು. ಅಲ್ಲದೇ ಚಿತ್ರ ನಾಳೆ ( ಫೆಬ್ರವರಿ 10 ) ಓಟಿಟಿಯಲ್ಲಿ ಬಿಡುಗಡೆಗೊಳ್ಳುತ್ತಿದ್ದು, ಇದರಲ್ಲಿ ತೆಲುಗು ವರ್ಷನ್ ಸಹ ಸೇರಿರುವುದು ಸದ್ಯ ಹಿನ್ನಡೆಯ ಅಂಶವಾಗಿದೆ