Liger Twitter Review: 'ಲೈಗರ್' ಸಿನಿಮಾ ಟ್ವಿಟ್ಟರ್ ವಿಮರ್ಶೆ: ನಡೆಯದ ವಿಜಯ್ ದೇವರಕೊಂಡ ಮ್ಯಾಜಿಕ್

'ಲೈಗರ್' ಸಿನಿಮಾ ಗಾನ್ ಕೇಸ್'

ಪೀಟರ್ ಎನ್ನುವವರು ಸಹ 'ಲೈಗರ್' ಬಗ್ಗೆ ಟ್ವೀಟ್ ಮಾಡಿದ್ದು, ''ಇದೊಂದು ಗಾನ್ ಕೇಸ್, ಇದು ಪ್ಯಾನ್ ಇಂಡಿಯಾ ಸಿನಿಮಾ ಅಂತೂ ಖಂಡಿತ ಅಲ್ಲ. ವಿಜಯ್ ದೇವರಕೊಂಡ ಹೊರತುಪಡಿಸಿದರೆ ಸಿನಿಮಾದಲ್ಲಿ ಇನ್ನೇನೂ ಚೆನ್ನಾಗಿಲ್ಲ. ಬಹಳ ಕೆಟ್ಟದಾದ ಚಿತ್ರಕತೆ, ಅನನ್ಯಾ ಪಾಂಡೆ ನಟನೆ ದೇವರಿಗೇ ಪ್ರೀತಿ. ಬಹಳಷ್ಟು ಕ್ಲೀಷೆ ಸೀನ್‌ಗಳು ಸಿನಿಮಾದಲ್ಲಿವೆ. ಒಟ್ಟಿನಲ್ಲಿ ಇದೊಂದು ಕೆಟ್ಟ ಸಿನಿಮಾ'' ಎಂದಿದ್ದಾರೆ. ರಿಶಿ ಎಂಬುವರು ಟ್ವೀಟ್ ಮಾಡಿ, ''ಮೊದಲಾರ್ಧ ಪರವಾಗಿಲ್ಲ. ಅಮ್ಮ-ಮಗನ ಕೆಲವು ದೃಶ್ಯಗಳು ಚೆನ್ನಾಗಿವೆ. ಕೆಲವು ಕಾಮಿಡಿ ಸೀನ್‌ಗಳು ಸಹ ಚೆನ್ನಾಗಿವೆ. ವಿಜಯ್‌ ಈ ವರೆಗೆ ನೀಡಿರುವ ಪರ್ಫಾಮೆನ್ಸ್‌ಗಳಲ್ಲಿ ಇದೇ ಬೆಸ್ಟ್. ಪುರಿ ಜಗನ್ನಾಥ್, ಭಿನ್ನವಾಗಿ ಚಿತ್ರಕತೆ ಬರೆದಿದ್ದಾರೆ. ಸೆಕೆಂಡ್ ಆಫ್ ಹೇಗಿರಲಿದೆ ಕಾದು ನೋಡಬೇಕಿದೆ'' ಎಂದಿದ್ದಾರೆ.

''ಕೆಟ್ಟದಾಗಿ ನಟಿಸಿದ್ದಾರೆ ಅನನ್ಯಾ ಪಾಂಡೆ''

ಸಿಕೆ ರಿವ್ಯೂ ಮಾಡಿರುವ ಟ್ವೀಟ್‌ನಲ್ಲಿ ''ವಿಜಯ್ ದೇವರಕೊಂಡ ಬಾಡಿ ಟ್ರಾನ್ಸ್‌ಫರ್ಮೇಶನ್ ಹೊರತುಪಡಿಸಿ ಸಿನಿಮಾದಲ್ಲಿ ಇನ್ನೇನೂ ಚೆನ್ನಾಗಿಲ್ಲ. ಅನನ್ಯಾ ಅತ್ಯಂತ ಕೆಟ್ಟದಾಗಿ ನಟಿಸಿದ್ದಾರೆ. ಸಿನಿಮಾದಲ್ಲಿ ವಿಲನ್ ಇಲ್ಲ ಹಾಗಾಗಿ ನಿರ್ದೇಶಕ ಪುರಿ ಜಗನ್ನಾಥ್ ಅನ್ನೇ ವಿಲನ್ ಎನ್ನಬಹುದು. ಸಿನಿಮಾದ ಮೊದಲಾರ್ಧವನ್ನು ಹಾಗೋ ಹೀಗೋ ತಡೆದುಕೊಳ್ಳಬಹುದು ಆದರೆ ದ್ವಿತೀಯಾರ್ಧವನ್ನು ತಡೆದುಕೊಳ್ಳಲಾಗದು. ಮೈಕ್ ಟೈಸನ್ ಸೀನ್‌ ಅನ್ನು ಬಲವಂತವಾಗಿ ಎಳೆದು ತಂದಿದ್ದಾರೆ'' ಎಂದು ಬರೆದಿದ್ದಾರೆ.

''ತೀರಾ ಆವರೇಜ್ ಸಿನಿಮಾ''

''ಒಬ್ಬ ನಿರ್ದೇಶಕ ತನ್ನ ದೊಡ್ಡ ಶಕ್ತಿಯನ್ನು ದೋಷವನ್ನಾಗಿ ಹೇಗೆ ಪರಿವರ್ತಿಸಬಹುದು ಮತ್ತು ಅದು ಕೂಡ ಆತ ಫಾರ್ಮ್‌ನಲ್ಲಿಲ್ಲದೇ ಇರುವಾಗ? ವಿಜಯ್ ದೇವರಕೊಂಡ ಅವರು ತಮ್ಮ ಅತ್ಯುತ್ತಮ ಪ್ರಯತ್ನ ಮಾಡಿದ್ದಾರೆ ಆದರೆ ಒಂದು ಅಥವಾ ಎರಡು ಪುರಿ ಜಗನ್ ಅವರ ಮಾರ್ಕ್ ಸೀನ್‌ಗಳನ್ನು ಹೊರತುಪಡಿಸಿ, ಈ ಸಿನಿಮಾ ತೀರಾ ಆವರೇಜ್ ಆಗಿದೆ. ಪುರಿ ಜಗನ್ನಾಥ್ ಫಾರ್ಮ್‌ ಹೋಗಿಬಿಟ್ಟಿದೆ ಎಂಬ ಆತಂಕ ಶುರುವಾಗಿದೆ'' ಎಂದು ಟ್ವೀಟ್ ಮಾಡಿದ್ದಾರೆ ಆಕಾಶ್ವಾಣಿ ಎಂಬ ಟ್ವಿಟ್ಟರ್ ಖಾತೆ.

'ಲೈಗರ್' ಸಿನಿಮಾವನ್ನು ಹಾಳು ಮಾಡಿರುವ ಪುರಿ

''ಲೈಗರ್ ಸಿನಿಮಾವನ್ನು ಪುರಿ ಜಗನ್ನಾಥ್ ಕೈಯ್ಯಾರೆ ಹಾಳು ಮಾಡಿದ್ದಾರೆ. ಅರ್ಥವೇ ಇಲ್ಲದ ಚಿತ್ರಕತೆ, ಅರ್ಥವೇ ಇಲ್ಲದ ದೃಶ್ಯಗಳು, ತೀರಾ ಕ್ಲೀಷೆ ಎನಿಸುವ ದೃಶ್ಯಗಳು ಸಿನಿಮಾವನ್ನು ಹಾಳುಗೆಡವಿವೆ. ವಿಜಯ್ ದೇವರಕೊಂಡ ಬಾಡಿ ಟ್ರಾನ್ಸ್‌ಫರ್ಮೇಶನ್ ಚೆನ್ನಾಗಿದೆ ಆದರೆ ತೊದಲು ಡೈಲಾಗ್ ಹೇಳುವ ರೀತಿ ಕಿರಿ-ಕಿರಿ ಉಂಟು ಮಾಡುತ್ತದೆ. ಲವ್ ಟ್ರ್ಯಾಕ್ ಬಹಳ ಕೆಟ್ಟದಾಗಿದೆ. ಅಲ್ಲಲ್ಲಿ ಕೆಲವು ದೃಶ್ಯಗಳು ಚೆನ್ನಾಗಿರುವುದು ಬಿಟ್ಟರೆ ಇಡೀ ಸಿನಿಮಾ ಕೆಟ್ಟದಾಗಿದೆ'' ಎಂದು ಟ್ವೀಟ್ ಮಾಡಿದ್ದಾರೆ ವೆಂಕಿ.