ಜನವರಿ 2ರಿಂದ ಸೂಪರ್ ಸ್ಟಾರ್ ರಜನಿ ಹೊಸ ಚಿತ್ರ

ಸೂಪರ್ ಸ್ಟಾರ್ ರಜನಿಕಾಂತ್ ಅವರ ಹೊಸ ಚಿತ್ರಕ್ಕೆ ವೇದಿಕೆ ಸಿದ್ಧವಾಗುತ್ತಿದೆ. ಈ ಚಿತ್ರದ ಮೂಲಕ ರಜನಿ ಕಿರಿಯ ಪುತ್ರಿ ಸೌಂದರ್ಯ ಭಾರತೀಯ ಚಿತ್ರರಂಗಕ್ಕೆ ನಿರ್ದೇಶಕಿಯಾಗಿ ಪರಿಚಯವಾಗಲಿದ್ದಾರೆ. ತಮಿಳಿನಲ್ಲಿ ಈ ಚಿತ್ರಕ್ಕೆ 'ಕೊಚ್ಚಡಯಾನ್' ಎಂದು ಹೆಸರಿಡಲಾಗಿದೆ.

'ರಾಣಾ' ಚಿತ್ರ ಆರಂಭವಾದ ನಂತರ ರಜನಿ ಅನಾರೋಗ್ಯಕ್ಕೆ ತುತ್ತಾಗಿ ಚಿಕಿತ್ಸೆ ಪಡೆದು, ವಿಶ್ರಾಂತಿ ತೆಗೆದುಕೊಂಡಿದ್ದು ಗೊತ್ತೇ ಇದೆ. ಹಾಗಾಗಿ ಆ ಚಿತ್ರವನ್ನು ಸದ್ಯಕ್ಕೆ ಪಕ್ಕಕ್ಕಿಡಲಾಗಿದೆ. ಈ ಬಾರಿ ಕೆ ಎಸ್ ರವಿಕುಮಾರ್ ಅವರ ಕತೆಯ ಆಧಾರವಾಗಿ 'ಕೊಚ್ಚಡಯಾನ್' ಚಿತ್ರ ಸೆಟ್ಟೇರುತ್ತಿದೆ.

ಜನವರಿ 2ರಿಂದ ಚೆನ್ನೈನಲ್ಲಿ ಚಿತ್ರೀಕರಣ ಆರಂಭವಾಗಲಿದೆ. ಈ ಚಿತ್ರದಲ್ಲಿ ನಾಯಕಿ ಅನುಷ್ಕಾ, ಅಸಿನ್ ಎಂದು ನಿರ್ಧರಿಸಲಾಗಿದೆ. ಎ ಆರ್ ರೆಹಮಾನ್ ಅವರ ಸಂಗೀತ ಸಂಯೋಜನೆ ಹಾಗೂ ರಾಜೀವ್ ಮೆನನ್ ಛಾಯಾಗ್ರಹಣ ಚಿತ್ರಕ್ಕಿರುತ್ತದೆ. (ಏಜೆನ್ಸೀಸ್)