ಕಥೆ ಕೇಳಿದ ಕಮಲ್ ಹಾಸನ್ ಈ ಸ್ಕ್ರಿಪ್ಟ್ ಗೆ 'ಅವರೇ' ಬೆಸ್ಟ್ ಎಂದು ಸೂಚಿಸಿದ್ದು ಯಾರನ್ನ?

ರಜನಿ ಕಡೆ ಬೆರಳು ಮಾಡಿದ ಕಮಲ್!

ಲೋಕೇಶ್ ಕನಕರಾಜ್ ಎಂಬ ನಿರ್ದೇಶಕ ಕಮಲ್ ಹಾಸನ್ ಅವರನ್ನು ಗಮನದಲ್ಲಿಟ್ಟುಕೊಂಡು ಒಂದೊಳ್ಳೆ ಕಥೆ ಮಾಡಿದ್ದಾರೆ. ಈ ಕಥೆಯನ್ನು ಕಮಲ್ ಗೂ ವಿವರಿಸಿದ್ದಾರೆ. ಪೂರ್ತಿ ಕಥೆ ಕೇಳಿದ ಕಮಲ್ ಹಾಸನ್ ಚಿತ್ರದ ಬಗ್ಗೆ ಥ್ರಿಲ್ ಆಗಿದ್ದಾರೆ. ಆದರೆ, ಈ ಸ್ಕ್ರಿಪ್ಟ್ ನಾನು ಮಾಡುವುದಕ್ಕಿಂತೆ ರಜನಿಕಾಂತ್ ಮಾಡಿದ್ರೆ ಉತ್ತಮ ಎಂದು ಅಭಿಪ್ರಾಯ ಪಟ್ಟು ನಿರ್ದೇಶಕನಿಗೆ ಸಲಹೆ ನೀಡಿ ಕಳುಹಿಸಿದರಂತೆ.

ರಜನಿಗೂ ಕಥೆ ಕೇಳಿದ್ದಾರಂತೆ!

ಕಮಲ್ ಹಾಸನ್ ನಂತರ ಈ ಕಥೆಯನ್ನು ರಜನಿಕಾಂತ್ ಅವರು ಕೇಳಿದ್ದಾರೆ ಎನ್ನಲಾಗಿದೆ. ಸ್ಕ್ರಿಪ್ಟ್ ವಿವರಣೆ ಕೇಳಿ ಪಾಸಿಟೀವ್ ಆಗಿ ಪ್ರತಿಕ್ರಿಯಿಸಿರುವ ತಲೈವಾ ಈ ಚಿತ್ರಕ್ಕೆ ಓಕೆ ಎನ್ನುವ ಸಾಧ್ಯತೆ ಇದೆ ಅಂತೆ. ಒಂದು ವೇಳೆ ಇದು ಪಕ್ಕಾ ಆದರೆ ಈ ಚಿತ್ರವನ್ನು ಕಮಲ್ ಹಾಸನ್ ಮಾಲೀಕತ್ವದ ರಾಜ್ ಕಮಲ್ ಬ್ಯಾನರ್ ನಿರ್ಮಿಸಲಿದೆಯಂತೆ.

ಅತಿಥಿ ಪಾತ್ರದಲ್ಲಿ ಕಮಲ್ ಹಾಸನ್!

ರಜನಿಕಾಂತ್ ಮತ್ತು ಲೋಕೇಶ್ ಕನಕರಾಜ್ ಕಾಂಬಿನೇಷನ್ ನಲ್ಲಿ ಸೆಟ್ಟೇರಲಿರುವ ಈ ಚಿತ್ರದಲ್ಲಿ ಕಮಲ್ ಹಾಸನ್ ಅತಿಥಿ ಪಾತ್ರ ಮಾಡಲು ಮುಂದಾಗಿದ್ದಾರೆ. ಈ ಮೂಲಕ ಸುಮಾರು 35 ವರ್ಷದ ಬಳಿಕ ರಜನಿ ಮತ್ತು ಕಮಲ್ ಒಟ್ಟಿಗೆ ಸ್ಕ್ರೀನ್ ಶೇರ್ ಮಾಡುತ್ತಿದ್ದಾರೆ ಎಂಬ ವಿಷಯ ಸೌತ್ ಇಂಡಸ್ಟ್ರಿಯಲ್ಲಿ ಸಂಚಲನ ಸೃಷ್ಟಿಸಿದೆ.

ಬೇರೆ ಬೇರೆ ಸಿನಿಮಾದಲ್ಲಿ ನಟನೆ!

ಸದ್ಯ ಶಿವ ನಿರ್ದೇಶನದಲ್ಲಿ ರಜನಿಕಾಂತ್ ನಟಿಸುತ್ತಿದ್ದಾರೆ. ಶಂಕರ್ ನಿರ್ದೇಶನದಲ್ಲಿ ಕಮಲ್ ಹಾಸನ್ 'ಇಂಡಿಯನ್ 2' ಮಾಡ್ತಿದ್ದಾರೆ. ಲೋಕೇಶ್ ಕನಕರಾಜ್ ಅವರು ವಿಜಯ್ ಗೆ 'ಮಾಸ್ಟರ್' ಸಿನಿಮಾ ನಿರ್ದೇಶನ ಮಾಡ್ತಿದ್ದಾರೆ. ಇದೆಲ್ಲವೂ ಆದ್ಮೇಲೆ ಸೂಪರ್ ಸ್ಟಾರ್ ಹೊಸ ಚಿತ್ರ ಸೆಟ್ಟೇರಬಹುದು.