ರಜನೀಕಾಂತ್ ಮಗಳನ್ನು ಧನುಶ್ ಮದುವೆಯಾಗಿದ್ದು ಹೇಗೆ?

ಮೊದಲ ಭೇಟಿಯಲ್ಲಿ ಹಾಯ್ ಮಾತ್ರವೇ ಹೇಳಿದ್ದರು

ಧನುಶ್ ಅವರ ಎರಡನೇ ಚಿತ್ರ ಕಾದಲ್ ಕೊಂಡೇನ್ ಸಿನಿಮಾ ಬಿಡುಗಡೆ ಆದಾಗ ಮೊದಲ ಬಾರಿಗೆ ಐಶ್ವರ್ಯಾ ರಜನೀಕಾಂತ್ ಅವರನ್ನು ಭೇಟಿ ಮಾಡಿದ್ದರಂತೆ ಧನುಶ್. ಅಂದು ಕೇವಲ 'ಹಾಯ್' ಮಾತ್ರವೇ ಹೇಳಿ ಹೊರಟುಹೋಗಿದ್ದರಂತೆ ಧನುಶ್.

ಹೂಗುಚ್ಛ ಕಳಿಸಿದ್ದ ಐಶ್ವರ್ಯಾ ರಜನಿಕಾಂತ್

ಆದರೆ ಸಿನಿಮಾ ನೋಡಿದ್ದ ಐಶ್ವರ್ಯಾ ಧನುಶ್‌ ಗಾಗಿ ಹೂಗುಚ್ಛವೊಂದನ್ನು ಕಳಿಸಿ, 'ಚೆನ್ನಾಗಿ ನಟಿಸಿದ್ದೀರಿ. ಯಶಸ್ಸು ಸಿಗಲಿ, ಸಂಪರ್ಕದಲ್ಲಿರೋಣ' ಎಂದು ಪತ್ರವೊಂದನ್ನು ಬರೆದಿದ್ದರಂತೆ.

ಐಶ್ವರ್ಯಾ ಮಾತು ಗಂಭೀರವಾಗಿ ಪರಿಗಣಿಸಿದ ಧನುಶ್

ಐಶ್ವರ್ಯಾ ಅವರ ಮಾತನ್ನು ಗಂಭೀರವಾಗಿ ಪರಿಗಣಿಸಿದ ಧನುಶ್, ಪದೇ-ಪದೇ ಐಶ್ವರ್ಯಾ ಅವರಿಗೆ ಕರೆ ಮಾಡಿ ಮಾತನಾಡುತ್ತಿದ್ದರಂತೆ. ಭೇಟಿ ಆಗುತ್ತಿದ್ದರಂತೆ. ಈ ಇಬ್ಬರೂ ಪ್ರೇಮದಲ್ಲಿದ್ದಾರೆ ಎಂಬ ಗಾಸಿಪ್ಪು ಆಗ ಶುರುವಾಗಿತ್ತಂತೆ. ಆಗಿನ್ನೂ ಈ ಇಬ್ಬರೂ ಮದುವೆ ಆಗುವ ನಿರ್ಣಯಕ್ಕೆ ಬಂದಿರಲಿಲ್ಲ.

ತಂಗಿಯ ಗೆಳತಿಯಷ್ಟೆ ಎಂದಿದ್ದ ಧನುಶ್

ಧನುಶ್ ಸಹ ಐಶ್ವರ್ಯಾ ನನ್ನ ತಂಗಿಯ ಒಳ್ಳೆಯ ಗೆಳತಿ ಎಂದಷ್ಟೆ ಮಾಧ್ಯಮಗಳಿಗೆ ಹೇಳಿದ್ದರು. ಐಶ್ವರ್ಯಾ ಧನುಶ್‌ ಗಿಂತಲೂ ಎರಡು ವರ್ಷ ದೊಡ್ಡವರು. ಆದರೂ ಇಬ್ಬರೂ ಮದುವೆಯಾಗುವ ನಿರ್ಣಯಕ್ಕೆ ಬಂದು, ನಿರ್ಣಯವನ್ನು ಕುಟುಂಬಗಳ ಮುಂದೆ ಇಟ್ಟಾಗ ಅವರು ಸಂತೋಶದಿಂದ ಒಪ್ಪಿಕೊಂಡರಂತೆ.

ಅದ್ದೂರಿಯಾಗಿ ನಡೆದ ಮದುವೆ

2003 ರಲ್ಲಿ ಮೊದಲ ಬಾರಿಗೆ ಭೇಟಿಯಾದ ಧನುಶ್-ಐಶ್ವರ್ಯಾ 2004 ನವೆಂಬರ್‌ನಲ್ಲಿ ಮದುವೆಯಾದರು. ಭಾರಿ ಅದ್ದೂರಿಯಾಗಿ ನಡೆದ ಮದುವೆಗೆ ಬಾಲಿವುಡ್ ಸೆಲೆಬ್ರಿಟಿಗಳು, ರಾಜ್ಯ, ರಾಷ್ಟ್ರದ ರಾಜಕಾರಣಿಗಳು ಸಹ ಆಗಮಿಸಿದ್ದರು.