ದಳಪತಿ ವಿಜಯ್ ಬೆನ್ನಲ್ಲೇ ವಿಶಾಲ್ ರಾಜಕೀಯ ಪಕ್ಷ ಸ್ಥಾಪನೆ? ಬಹಿರಂಗ ಪತ್ರ ಬರೆದ ತಮಿಳು ನಟ

ಕಾಲಿವುಡ್‌ನಲ್ಲೀಗ ದಳಪತಿ ವಿಜಯ್ ಪೊಲಿಟಿಕಲ್ ಎಂಟ್ರಿ ವಿಚಾರ ಭಾರೀ ಸದ್ದು ಮಾಡ್ತಿದೆ. ಸ್ವಂತ ಪ್ರಾದೇಶಿಕ ಪಕ್ಷ ಕಟ್ಟಿ ರಾಜಕಿಯರಂಗಕ್ಕೆ ಧುಮುಕುವುದಾಗಿ ಇತ್ತೀಚೆಗೆ ನಟ ವಿಜಯ್ ಘೋಷಣೆ ಮಾಡಿದ್ದರು. ಇದರ ಬೆನ್ನಲ್ಲೇ ಮತ್ತೊಬ್ಬ ನಟ ವಿಶಾಲ್ ರಾಜಕೀಯರಂಗ ಪ್ರವೇಶದ ಬಗ್ಗೆ ಚರ್ಚೆ ಶುರುವಾಗಿತ್ತು. ಈ ಬಗ್ಗೆ ಖುದ್ದು 'ಇರುಂಬು ತಿರೈ' ನಟ ಈಗ ಪ್ರತಿಕ್ರಿಯಿಸಿದ್ದಾರೆ.

ಎಂಜಿಆರ್‌, ಕರುಣಾನಿಧಿ, ಜಯಲಲಿತಾ, ವಿಜಯಕಾಂತ್, ಕಮಲ್ ಹಾಸನ್‌ ಬಳಿಕ ವಿಜಯ್ ರಾಜಕೀಯರಂಗಕ್ಕೆ ಬರುತ್ತಿರುವುದು ತಮಿಳುನಾಡಿನಲ್ಲಿ ಭಾರೀ ಕುತೂಹಲ ಮೂಡಿಸಿದೆ. ನಟ ವಿಶಾಲ್ ಸಹ ಇದೇ ಹಾದಿಯಲ್ಲಿದ್ದಾರೆ ಎನ್ನಲಾಗಿತ್ತು. ಈ ಬಗ್ಗೆ ಬಹಿರಂಗ ಪತ್ರ ಬರೆದು ಸ್ಪಷ್ಟನೆ ನೀಡಿದ್ದಾರೆ. ಸದ್ಯಕ್ಕೆ ಅಂತಹ ಯಾವುದೇ ಪ್ಲ್ಯಾನ್ ಇಲ್ಲ ಎಂದು ಅವರು ವಿವರಿಸಿದ್ದಾರೆ. ಜೊತೆಗೆ ಮುಂದಿನ ದಿನಗಳಲ್ಲಿ ಏನಾಗುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ ಎಂದು ಬರೆದುಕೊಂಡಿದ್ದಾರೆ.

"ನನ್ನ ಆತ್ಮೀಯರಿಗೆ ನಮಸ್ಕಾರ, ಸಮಾಜದಲ್ಲಿ ನಟನಾಗಿ ಸಮಾಜಸೇವಕನಾಗಿ ನಿಮ್ಮಲ್ಲಿ ಒಬ್ಬನಾಗಿ ನನಗೆ ಸ್ಥಾನಮಾನ ಮತ್ತು ಮನ್ನಣೆ ನೀಡಿದ ತಮಿಳುನಾಡಿನ ಜನತೆಗೆ ನಾನು ಚಿರ ಋಣಿ. ನನ್ನ ಕೈಲಾದಷ್ಟು ಸಹಾಯ ಮಾಡುವ ಉದ್ದೇಶದಿಂದ, ಮೊದಲಿನಿಂದಲೂ ನನ್ನ ಅಭಿಮಾನಿಗಳ ಸಂಘವನ್ನು ಬರೀ ಕ್ಲಬ್ ಎಂದು ಪರಿಗಣಿಸದೇ ಜನರಿಗೆ ಅನುಕೂಲವಾಗಬೇಕು ಎಂದು ಭಾವಿಸಿದೆವು. ಇಲ್ಲದಿರುವವರು ನಮ್ಮ ಕೈಲಾದಷ್ಟು ಮಾಡುವ ಉದ್ದೇಶದಿಂದ ನಾವು ಅದನ್ನು ಚಾರಿಟಿ ಆಂದೋಲನವಾಗಿ ಜಾರಿಗೆ ತಂದಿದ್ದೇವೆ".

"ಮುಂದಿನ ಹಂತವಾಗಿ ಜನರ ಪ್ರಗತಿಗಾಗಿ ಜನಕಲ್ಯಾಣ ಆಂದೋಲನ ರೂಪಿಸಿ ಜಿಲ್ಲೆ, ಬ್ಲಾಕ್ ಮತ್ತು ಶಾಖೆವಾರು ಕೆಲಸ ಮಾಡಿ ಅಮ್ಮನ ಹೆಸರಿನಲ್ಲಿ ನಡೆಸುತ್ತಿರುವ 'ದೇವಿ ಫೌಂಡೇಶನ್' ಮೂಲಕ ಅನೇಕ ಬಡವರಿಗೆ ಸಹಾಯ ಮಾಡುತ್ತಿದ್ದೇವೆ. ಜೊತೆಗೆ ಪ್ರತಿ ವರ್ಷ ದಿವಂಗತ ಮಾಜಿ ರಾಷ್ಟ್ರಪತಿ ಸರ್ ಅಬ್ದುಲ್ ಕಲಾಂ ಅವರ ಹೆಸರಿನಲ್ಲಿ ನಿರ್ಗತಿಕ ವಿದ್ಯಾರ್ಥಿಗಳು ಶಿಕ್ಷಣ ಪಡೆಯಲು ಸಂತ್ರಸ್ತ ರೈತರಿಗೆ ಸಹಾಯ ಮಾಡುತ್ತಿದ್ದೇವೆ.

"ಇದೆಲ್ಲರ ಜೊತೆಗೆ ನಾನು ಶೂಟಿಂಗ್‌ಗೆ ಹೋಗುವ ಅನೇಕ ಕಡೆ ಜನರನ್ನು ಭೇಟಿಯಾಗಿ ಅವರ ಮೂಲಭೂತ ಅವಶ್ಯಕತೆಗಳು ಮತ್ತು ಕುಂದುಕೊರತೆಗಳನ್ನು ಆಲಿಸಿ ಅವರ ಬೇಡಿಕೆಗಳನ್ನು ನನ್ನ ಜನ ಕಲ್ಯಾಣ ಆಂದೋಲನದ ಮೂಲಕ ಈಡೇರಿಸುತ್ತೇನೆ."

"ನಾನು ಯಾವಾಗಲೂ ರಾಜಕೀಯ ಲಾಭವನ್ನು ನಿರೀಕ್ಷಿಸಿ ಜನಪರ ಕೆಲಸಗಳನ್ನು ಮಾಡಿಲ್ಲ, ಧನ್ಯವಾದ ಅಪೇಕ್ಷೆ ಇಲ್ಲದೇ ಸಹಾಯ ಮಾಡುವುದು ಒಳ್ಳೆಯದು ಎಂಬ ವಳ್ಳುವನ್ ಮಾತಿನಂತೆ ನಾನು ನನ್ನ ಕೈಲಾದ ಸಹಾಯವನ್ನು ಮಾಡುತ್ತೇನೆ. ಮಾನಸಿಕವಾಗಿ ನಾನು ಅದನ್ನು ನನ್ನ ಕರ್ತವ್ಯವೆಂದು ಪರಿಗಣಿಸುತ್ತೇನೆ.

ಪ್ರಸ್ತುತ ನಾನು ಮಾಡುತ್ತಿರುವ ಜನಪರ ಕಾರ್ಯಗಳನ್ನು ಜನಕಲ್ಯಾಣ ಆಂದೋಲನದ ಮೂಲಕ ಮಾಡುತ್ತೇನೆ. ಮುಂದಿನ ಅವಧಿಯಲ್ಲಿ ವಿಧಿ ಬೇರೆ ಯಾವುದೇ ನಿರ್ಧಾರ ಕೈಗೊಂಡರೆ ಜನರಲ್ಲಿ ಒಬ್ಬನಾಗಿ ಜನರ ಪರವಾಗಿ ಮಾತನಾಡಲು ಹಿಂಜರಿಯುವುದಿಲ್ಲ" ಎಂದು ವಿಶಾಲ್ ಬರೆದುಕೊಂಡಿದ್ದಾರೆ.