ರಜನೀಕಾಂತ್, ವಿಜಯ್ ಮೇಲೆ ನಟಿ ಆರೋಪ: ಕಾನೂನು ಕ್ರಮದ ಎಚ್ಚರಿಕೆ

ಅಶ್ಲೀಲ ಪದ ಬಳಕೆ ಮಾಡಿರುವ ಮೀರಾ ಮಿಥುನ್

ಟ್ವಿಟ್ಟರ್‌ನಲ್ಲಿ ಅಶ್ಲೀಲ ಪದಗಳನ್ನು ಬಳಸಿರುವ ನಟಿ ಮೀರಾ ಮಿಥುನ್, ರಜನೀಕಾಂತ್ ಒಬ್ಬ ಕನ್ನಡಿಗ, ವಿಜಯ್ ಒಬ್ಬ ಕ್ರಿಶ್ಚಿಯನ್ ಇಬ್ಬರೂ ಸೇರಿ ತಮಿಳುನಾಡನ್ನು ಹಾಳು ಮಾಡಿದ್ದಾರೆ. ನನ್ನ ಮಾನಹಾನಿ ಮಾಡುತ್ತಿದ್ದಾರೆ, ಅವರ ವಿರುದ್ಧ ಕಾನೂನು ಹೋರಾಟ ಮಾಡುತ್ತೇನೆ ಎಂದು ಬರೆದುಕೊಂಡಿದ್ದಾರೆ.

ಮೋದಿ ವಿರುದ್ಧವೂ ಆರೋಪ

ಅಷ್ಟೆ ಅಲ್ಲದೆ, ನರೇಂದ್ರ ಮೋದಿ ವಿರುದ್ಧವೂ ಆರೋಪ ಮಾಡಿರುವ ನಟಿ, ನರೇಂದ್ರ ಮೋದಿ ತಮಿಳುನಾಡನ್ನು ಹಾಳು ಮಾಡಿದ್ದಾರೆ. ತಮಿಳುನಾಡನ್ನು ತಮಿಳರೇ ಆಳಬೇಕು ಆದರೆ ಕನ್ನಡಿಗರು, ಮಲೆಯಾಳಿಗಳು, ಕ್ರಿಶ್ಚಿಯನ್ನರು ಇಲ್ಲಿ ಮೆರೆಯುತ್ತಿದ್ದಾರೆ ಎಂದು ನಟಿ ಪರೋಕ್ಷ ವಾಗ್ದಾಳಿ ನಡೆಸಿದ್ದಾರೆ.

ತಮಿಳು ಸಿನಿಉದ್ಯಮಕ್ಕೆ ನಾಚಿಕೆ ಇಲ್ಲ ಎಂದಿದ್ದ ನಟಿ

ಕಂಗನಾ ರಣಾವತ್ ವಿರುದ್ಧವೂ ಆರೋಪಗಳನ್ನು ಮಾಡಿದ್ದ ಮೀರಾ, ಕಂಗನಾ ರಣಾವತ್ ಅನ್ನು ಜಯಲಲಿತಾ ಜೀವನ ಆಧಾರಿತ ಸಿನಿಮಾದ ನಾಯಕಿಯನ್ನಾಗಿ ಮಾಡಿದ್ದಕ್ಕೆ ಅಸಮಾಧಾನ ಹೊರಹಾಕಿದ್ದರು. ತಮಿಳು ಸಿನಿಮಾ ಉದ್ಯಮಕ್ಕೆ ನಾಚಿಕೆಯಿಲ್ಲ. ತಮಿಳು ನಾಯಕಿ ಪಾತ್ರಕ್ಕೆ ಹೊರರಾಜ್ಯದ ನಟಿಯನ್ನು ಕರೆತಂದಿದೆ ಎಂದಿದ್ದರು.

ಮಾಡೆಲ್ ಆಗಿ ಗುರುತಿಸಿಕೊಂಡಿರುವ ಮೀರಾ

ಮೀರಾ ಮಿಥುನ್ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ ಆದರೆ ಮಾಡೆಲ್ ಆಗಿ ಆಕೆ ಹೆಚ್ಚು ಪರಿಚಿತರು. ಜೊತೆಗೆ ಮೀರಾ ಮಿಥುನ್ ವಿವಾದಾತ್ಮಕ ಹೇಳಿಕೆಗಳಿಗೆ ಸಾಕಷ್ಟು ಖ್ಯಾತರು. ತ್ರಿಷಾ, ನಯನತಾರಾ ವಿರುದ್ಧವೂ ಅವರು ಟ್ವೀಟ್ ಮಾಡಿದ್ದರು.