'ಅಂಧಾದುನ್' ತಮಿಳು ರೀಮೇಕ್‌ನಲ್ಲಿ ಐಶ್ವರ್ಯ ರೈ ನಟನೆ!

ಮಾತುಕತೆ ಆಗಿದೆ, ಖಚಿತ ಆಗಿಲ್ಲ

ಅಂಧಾದುನ್ ಚಿತ್ರದಲ್ಲಿ ಟಬು ನಿರ್ವಹಿಸಿದ್ದ ಪಾತ್ರವನ್ನು ತಮಿಳಿನಲ್ಲಿ ಐಶ್ವರ್ಯ ರೈ ಮಾಡಿದ್ರೆ ಚೆನ್ನಾಗಿರುತ್ತೆ ಎಂದು ನಿರ್ಧರಿಸಿರುವ ನಿರ್ಮಾಪಕ ಹಾಗೂ ಹಿರಿಯ ನಟ ತ್ಯಾಗರಾಜನ್ ಐಶ್ ಜೊತೆ ಮಾತುಕತೆ ಸಹ ಮಾಡಿದ್ದಾರೆ. ಆದ್ರೆ, ಐಶ್ವರ್ಯ ಕಡೆಯಿಂದ ಪಕ್ಕಾ ಆಗಿಲ್ಲ. ಇನ್ನು ನಿರ್ಧಾರ ತಿಳಿಸಿಲ್ಲ ಎಂದು ಮಾಹಿತಿ ನೀಡಿದ್ದಾರೆ.

ಆಯುಷ್ಮಾನ್ ಪಾತ್ರದಲ್ಲಿ ಪ್ರಶಾಂತ್

ಅಂಧಾದುನ್ ಚಿತ್ರದಲ್ಲಿ ಆಯುಷ್ಮಾನ್ ಖುರಾನ್ ನಾಯಕನಾಗಿ ನಟಿಸಿದ್ದರು. ಈ ಪಾತ್ರಕ್ಕಾಗಿ ರಾಷ್ಟ್ರ ಪ್ರಶಸ್ತಿ ಸಹ ಲಭಿಸಿತ್ತು. ತಮಿಳಿನಲ್ಲಿ ಈ ಪಾತ್ರವನ್ನು ಖ್ಯಾತ ನಟ ಪ್ರಶಾಂತ್ ಮಾಡಲಿದ್ದಾರೆ. ಪ್ರಶಾಂತ್ ಅವರ ತಂದೆ ತ್ಯಾಗರಾಜನ್ ಈ ಚಿತ್ರ ನಿರ್ಮಾಣ ಮಾಡಲಿದ್ದಾರೆ.

ನಿರ್ದೇಶಕ ಬದಲಾದ್ರು!

ತಮಿಳಿನ ಅಂಧಾದುನ್ ಚಿತ್ರವನ್ನು ಮೋಹನ್ ರಾಜ್ ನಿರ್ದೇಶಿಸಬೇಕಿತ್ತು. ಮೋಹನ್ ರಾಜ್ ಜಾಗಕ್ಕೆ ಈಗ ಹೊಸ ನಿರ್ದೇಶಕ ಜೆಜೆ ಫ್ರೆಡ್ರಿಕ್ ಆಯ್ಕೆಯಾಗಿದ್ದಾರೆ. ಈ ಹಿಂದೆ ಜ್ಯೋತಿಕಾ ನಟನೆಯ 'ಪೊನ್‌ ಮಗಳ್ ವಂದಾಲ್' ಚಿತ್ರವನ್ನು ಜೆಜೆ ಫ್ರೆಡ್ರಿಕ್ ನಿರ್ದೇಶಿಸಿದ್ದರು.

22 ವರ್ಷದ ಬಳಿಕ ಪ್ರಶಾಂತ್-ಐಶ್ವರ್ಯ

ಒಂದು ವೇಳೆ ಐಶ್ವರ್ಯ ರೈ ಈ ಸಿನಿಮಾ ಒಪ್ಪಿಕೊಂಡರೆ, ನಟ ಪ್ರಶಾಂತ್ ಜೊತೆ 22 ವರ್ಷದ ಬಳಿಕ ತೆರೆ ಹಂಚಿಕೊಳ್ಳಲಿದ್ದಾರೆ. ಈ ಹಿಂದೆ 1998ರಲ್ಲಿ ಬಿಡುಗಡೆಯಾಗಿದ್ದ ಜೀನ್ಸ್ ಸಿನಿಮಾದಲ್ಲಿ ಇಬ್ಬರು ಒಟ್ಟಿಗೆ ಕಾಣಿಸಿಕೊಂಡಿದ್ದರು.

ತೆಲುಗಿನಲ್ಲಿ ಅಂಧಾದುನ್ ರೀಮೇಕ್

ತೆಲುಗಿನಲ್ಲಿ ಅಂಧಾದುನ್ ಸಿನಿಮಾ ರೀಮೇಕ್ ಆಗುತ್ತಿದೆ. ಆಯುಷ್ಮಾನ್ ಖುರಾನ್ ಪಾತ್ರದಲ್ಲಿ ನಿತೀನ್ ನಟಿಸಲಿದ್ದಾರೆ. ಆದ್ರೆ, ನಾಯಕಿಯ ವಿಚಾರದಲ್ಲಿ ಬಹಳ ಹೆಸರುಗಳು ಚರ್ಚೆಯಾಗುತ್ತಿದೆ. ರಮ್ಯಾಕೃಷ್ಣ, ಕೀರ್ತಿ ಸುರೇಶ್, ನಭಾ ನಟೇಶ್ ಹಾಗೂ ತಮನ್ನಾ ಹೆಸರುಗಳು ಬಂದು ಹೋಗಿವೆ. ಆದ್ರೆ, ಅಧಿಕೃತವಾಗಿ ಯಾರು ಪಕ್ಕಾ ಆಗಿಲ್ಲ.