ಆ ನಟಿಯನ್ನು ಮದುವೆಯಾಗಿ ನನ್ನ ಮಗನ ಬಾಳು ಹಾಳಾಯಿತು: ನಿರ್ಮಾಪಕನ ಅಳಲು

ನಟಿಸಲು ಅವಕಾಶ ಕೊಡಲಿಲ್ಲವೆಂದು ವಿಚ್ಛೇಧನಕ್ಕೆ ಅರ್ಜಿ

ಅಮಲಾ ಪೌಲ್ ಗೆ ನಟಿಸಲು ಆಕೆಯ ಅತ್ತೆ-ಮಾವ ಅವಕಾಶ ಕೊಡಲಿಲ್ಲವೆಂದು ಅವರು ವಿಚ್ಛೇಧನಕ್ಕೆ ಅರ್ಜಿ ಹಾಕಿದ್ದರು. ಅಮಲಾ ಪೌಲ್ ಅವರು ಅತ್ತೆ-ಮಾವನೊಂದಿಗೆ ಉತ್ತಮ ಬಾಂಧವ್ಯ ಹೊಂದಿರಲಿಲ್ಲ. ಈ ಬಗ್ಗೆ ಎ.ಎಲ್.ವಿಜಯ್ ತಂದೆ ಸ್ವತಃ ನಿರ್ಮಾಪಕರೂ ಆಗಿರುವ ಎ.ಎಲ್.ಅಜಗಪ್ಪನ್ ಮಾತನಾಡಿದ್ದಾರೆ.

''ಅಮಲಾ ಪೌನ್ ಅನ್ನು ಮದುವೆಯಾಗಿ ಮಗನ ಜೀವನ ಹಾಳಾಯ್ತು''

ಅಮಲಾ ಪೌಲ್ ಅನ್ನು ಮದುವೆಯಾಗಿ ನನ್ನ ಮಗನ ಜೀವನ ಹಾಳಾಯಿತು. ಆಕೆ ನನ್ನ ಮಗನ ಜೀವನವನ್ನು ಹಾಳು ಮಾಡಿದಳು ಎಂದು ನೋವಿನಿಂದ ಹೇಳಿದ್ದಾರೆ. ಮದುವೆಯಾದ ನಂತರ ಸಿನಿಮಾದಲ್ಲಿ ನಟಿಸುವುದಿಲ್ಲ ಎಂದು ನಮ್ಮ ಬಳಿ ಹೇಳಿದ್ದ ಅಮಲಾ ನಂತರ ಮದುವೆಯಾದ ಕೂಡಲೇ ಪಸಂಗ-2 ಮತ್ತು ವಡಾಚೆನ್ನೈ ಸಿನಿಮಾ ಒಪ್ಪಿಕೊಂಡರು ಎಂದು ನಿರ್ಮಾಪಕ ಅಜಗಪ್ಪನ್ ಹೇಳಿದ್ದಾರೆ.

ದಿನವೂ ಇದೇ ಕಾರಣಕ್ಕೆ ಜಗಳವಾಗುತ್ತಿತ್ತು

ವಿಜಯ್ ಗೂ ಅಮಲಾ ಪೌಲ್ ಸಿನಿಮಾದಲ್ಲಿ ನಟಿಸುವುದು ಇಷ್ಟವಿರಲಿಲ್ಲ, ಅಮಲಾ ಪೌಲ್ ಪೋಷಕರು ಹೇಳಿದರೂ ಸಹ ಅವರ ಮಾತೂ ಆಕೆ ಕೇಳಲಿಲ್ಲ. ಇದೇ ವಿಷಯಕ್ಕೆ ದಿನವೂ ಜಗಳವಾಗುತ್ತಿತ್ತು, ಕೊನೆಗೆ ನನ್ನ ಮಗನ ಆರೋಗ್ಯ ಮತ್ತು ಭವಿಷ್ಯತ್ತಿನ ಬಗ್ಗೆ ಯೋಚಿಸಿ ವಿಚ್ಛೇಧನ ನಿರ್ಣಯಕ್ಕೆ ಬರಬೇಕಾಯಿತು ಎಂದು ಅಜಗಪ್ಪನ್ ಹೇಳಿದ್ದಾರೆ.

ಭವೀಂದರ್ ಅನ್ನು ಗುಟ್ಟಾಗಿ ಮದುವೆಯಾದ ಅಮಲಾ

ವಿಜಯ್ ಜೊತೆಗೆ ವಿಚ್ಛೇಧನ ಪಡೆದ ಬಳಿಕ ಅಮಲಾ ಪೌಲ್ ಹಾಡುಗಾರ ಭವಿಂದರ್ ಸಿಂಗ್ ನನ್ನು ಗುಟ್ಟಾಗಿ ಮದುವೆಯಾಗಿದ್ದಾರೆ. ಇನ್ನು ನಿರ್ದೇಶಕ ವಿಜಯ್, ಪೋಷಕರ ಇಚ್ಛೆಯಂತೆ ಚೆನ್ನೈ ಮೂಲದ ವೈದ್ಯೆಯೊಬ್ಬರನ್ನು ಮದುವೆಯಾಗಿ ಸಂಸಾರ ಸಾಗಿಸಿದ್ದಾರೆ.