Don't Miss!
- Sports IPL 2024: ಸೋತು ಸುಣ್ಣವಾದರೂ ಪಾರ್ಟಿ ಮಾಡಿದ ಆರ್ಸಿಬಿ ಪ್ಲೇಯರ್ಸ್; ಕೊಹ್ಲಿ ವಿರುದ್ಧ ರೊಚ್ಚಿಗೆದ್ದ ಫ್ಯಾನ್ಸ್
- News ನೇಹಾ ಹತ್ಯೆ: ಸಾವಿನ ಮನೆಯಲ್ಲಿ ರಾಜಕಾರಣ ಸರಿಯಲ್ಲ, 90 ದಿನದಲ್ಲಿ ನ್ಯಾಯ ಸಿಗಲಿದೆ: ಸುರ್ಜೇವಾಲ
- Automobiles Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ!
- Lifestyle 5 ಸೆಕೆಂಡ್ನಲ್ಲಿ ಈ ಚಿತ್ರದಲ್ಲಿರುವ ಮೇಕೆ ಮಾಲೀಕನ ಹುಡುಕಿ..! ಎಲ್ಲಿದ್ದಾನೆ ಗೊತ್ತಾ?
- Technology Bengaluru: ಆ ಆಪ್ ಇನ್ಸ್ಟಾಲ್ ಮಾಡಿದ್ದೇ ತಡ 5.2 ಕೋಟಿ ರೂ. ಮಾಯ.. ನೀವು ಎಚ್ಚರ
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಜಯ್ 65ನೇ ಚಿತ್ರದಿಂದ ಸ್ಟಾರ್ ನಿರ್ದೇಶಕ ಎಆರ್ ಮುರುಗದಾಸ್ ಔಟ್!
ಇಳಯ ದಳಪತಿ ವಿಜಯ್ ಮತ್ತು ಎ ಆರ್ ಮುರುಗದಾಸ್ ಕಾಂಬಿನೇಷನ್ನಲ್ಲಿ ಮತ್ತೊಂದು ಸಿನಿಮಾ ಬರಲಿದೆ ಎಂಬ ಸುದ್ದಿ ಹಲವು ತಿಂಗಳಿನಿಂದ ಸದ್ದು ಮಾಡುತ್ತಿದೆ. ಇದು ವಿಜಯ್ ಅವರ 65ನೇ ಚಿತ್ರ ಆಗಲಿದ್ದು, ಎಲ್ಲ ಅಂದುಕೊಂಡಂತೆ ಆದರೆ 2021ರ ಫೆಬ್ರವರಿಯಲ್ಲಿ ಅಧಿಕೃತವಾಗಿ ಸೆಟ್ಟೇರಲಿದೆ ಎನ್ನಲಾಗಿದೆ.
ಭಾರಿ ನಿರೀಕ್ಷೆ ಮೂಡಿಸಿರುವ ಈ ಪ್ರಾಜೆಕ್ಟ್ ಸೆಟ್ಟೇರುವುದಕ್ಕೆ ಮುಂಚಿತವಾಗಿಯೇ ನಿರಾಸೆ ಮೂಡಿಸಿದೆ. ವಿಜಯ್ ಚಿತ್ರದಿಂದ ಎಆರ್ ಮುರುಗದಾಸ್ ಹೊರಬಂದಿದ್ದಾರೆ ಎಂಬ ಲೇಟೆಸ್ಟ್ ಸುದ್ದಿ ಈಗ ಕಾಲಿವುಡ್ನಲ್ಲಿ ಚರ್ಚೆಯಾಗ್ತಿದೆ. ಮುಂದೆ ಓದಿ....
ಸ್ಕ್ರಿಪ್ಟ್ ಬದಲಾಯಿಸಲು ಸೂಚನೆ
ವಿಜಯ್ ಅವರಿಗಾಗಿ ಮಾಡಲಾಗಿದ್ದ ಸ್ಕ್ರಿಪ್ಟ್ ನಟನಿಗೆ ಇಷ್ಟ ಆಗಿಲ್ಲ. ಹೀಗಾಗಿ, ಕಥೆಯನ್ನು ಕೆಲವು ಬದಲಾವಣೆಗಳನ್ನು ತನ್ನಿ ಎಂದು ನಿರ್ದೇಶಕ ಮುರುಗದಾಸ್ ಅವರಿಗೆ ಸೂಚಿಸಲಾಗಿದೆಯಂತೆ. ಸ್ಕ್ರಿಪ್ಟ್ ಬದಲಾಯಿಸಿದರೂ ವಿಜಯ್ ಅವರನ್ನು ಮೆಚ್ಚಿಸಲು ಕಷ್ಟ ಎಂದು ನಿರ್ದೇಶಕರು ಮೌನವಹಿಸಿದ್ದಾರಂತೆ.
ದಾಖಲೆ ನಿರ್ಮಿಸಿದ ಅಭಿಮಾನಿಗಳ ಜೊತೆಗಿನ ದಳಪತಿ ವಿಜಯ್ ಸೆಲ್ಫಿ
ಸಂಭಾವನೆ ವಿಚಾರದಲ್ಲಿ ಮುರುಗದಾಸ್ ಬೇಸರ
ವಿಜಯ್ ಜೊತೆಗಿನ ಈ ಪ್ರಾಜೆಕ್ಟ್ ಗೆ ಸನ್ ಪಿಕ್ಚರ್ಸ್ ಬಂಡವಾಳ ಹಾಕಲು ನಿರ್ಧರಿಸಿದ್ದರು. ಆದರೆ, ಎಆರ್ ಮುರುಗದಾಸ್ ಸಂಭಾವನೆ ವಿಚಾರದಲ್ಲಿ ನಿರ್ಮಾಪಕರು ಕಾಂಪ್ರುಮೈಸ್ ಆಗಲಿಲ್ಲ. ಮುರುಗದಾಸ್ ನಿರೀಕ್ಷಿಸಿದ ಸಂಭಾವನೆ ಕೊಡಲು ಒಪ್ಪದಿರುವ ಕಾರಣ ನಿರ್ದೇಶಕರು ಹಿಂದೆ ಸರಿಯುತ್ತಿದ್ದಾರೆ ಎಂಬ ಮಾತು ಸಹ ಇದೆ.
ಅಧಿಕೃತ ಮಾಡುವವರೆಗೂ ನಿರೀಕ್ಷೆ ಉಳಿಯಲಿ
ವಿಜಯ್ ಮತ್ತು ಎಆರ್ ಮುರುಗದಾಸ್ ಹಾಗೂ ಸನ್ ಪಿಕ್ಚರ್ಸ್ ಕಾಂಬಿನೇಷನ್ ಚಿತ್ರದ ಬಗ್ಗೆ ಸದ್ಯಕ್ಕೆ ಅಧಿಕೃತವಾಗಿ ಯಾವುದೇ ಮಾಹಿತಿ ಹೊರಬಿದ್ದಿಲ್ಲ. ಹಾಗಾಗಿ, ನಟ, ನಿರ್ದೇಶಕ ಅಥವಾ ನಿರ್ಮಾಪಕರಿಂದ ಹೇಳಿಕೆ ಬರುವವರೆಗೂ ಈ ಪ್ರಾಜೆಕ್ಟ್ ಬಗ್ಗೆ ನಿರೀಕ್ಷೆಯನ್ನು ಹಾಗೆ ಉಳಿಸಿಕೊಳ್ಳಬಹುದು.
ಬಿಜೆಪಿ ಸೇರ್ಪಡೆ ವದಂತಿ ಬಗ್ಗೆ 'ತಳಪತಿ' ವಿಜಯ್ ತಂದೆ ಚಂದ್ರಶೇಖರ್ ಪ್ರತಿಕ್ರಿಯೆ
Recommended Video
ಹಿಟ್ ಕಾಂಬಿನೇಷನ್!
ವಿಜಯ್ ಮತ್ತು ಎಆರ್ ಮುರುಗದಾಸ್ ಜೋಡಿ ಸೌತ್ ಇಂಡಸ್ಟ್ರಿಯ ಹಿಟ್ ಕಾಂಬಿನೇಷನ್ಗಳಲ್ಲಿ ಒಂದು. ಈ ಜೋಡಿಯಿಂದ ಈಗಾಗಲೇ ತುಪಾಕಿ, ಕತ್ತಿ ಹಾಗೂ ಸರ್ಕಾರ್ ಅಂತಹ ಸೂಪರ್ ಹಿಟ್ ಚಿತ್ರಗಳು ಬಂದಿದೆ. ಸದ್ಯಕ್ಕೆ ವಿಜಯ್ 'ಮಾಸ್ಟರ್' ಎಂಬ ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ವಿಜಯ್ ಸೇತುಪತಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.