ಬೆಲೆಕಟ್ಟಲಾಗದ್ದನ್ನು ಕಳೆದುಕೊಂಡ ಸಂಗೀತ ಮಾಂತ್ರಿಕ ಇಳಯರಾಜ: ಪೊಲೀಸರಿಗೆ ದೂರು

25 ವರ್ಷಗಳಿಂದ ಪ್ರಸಾದ್ ಸ್ಟುಡಿಯೋದಲ್ಲಿದ್ದಾರೆ ಇಳಯರಾಜ

ಕಳೆದ 25 ವರ್ಷಗಳಿಂದ ಪ್ರಸಾದ್ ಸ್ಟುಡಿಯೋದಲ್ಲಿಯೇ ಕೆಲಸ ಮಾಡಿದ್ದ ಇಳಯರಾಜ, ಅವರು ತಮ್ಮ ರಾಗ ಸಂಯೋಜನೆಗಳ ನೋಟ್‌ಗಳನ್ನು ಅಲ್ಲಿಯೇ ಇಟ್ಟಿದ್ದರು. ನೂರಾರು, ಸಾವಿರಾರು ರಾಗಗಳ ನೋಟ್‌ಗಳು ಅದರಲ್ಲಿದ್ದವು ಅವನ್ನು ಸಾಯಿ ಪ್ರಸಾದ್ ಕದ್ದಿದ್ದಾರೆಂದು ಇಳಯರಾಜ ದೂರು ದಾಖಲಿಸಿದ್ದಾರೆ.

ಬೆಲೆಕಟ್ಟಲಾಗದ ಸಂಗೀತ ನೋಟ್ಸ್‌ಗಳು: ಇಳಯರಾಜ

'ಬೆಲೆಕಟ್ಟಲಾಗದ ಸ್ವರಚಿತ ಸಂಗೀತದ ಹಲವಾರು ನೋಟ್ಸ್‌ಗಳನ್ನು ನಾನು ಪ್ರಸಾದ್ ಸ್ಟುಡಿಯೋದಲ್ಲಿಟ್ಟಿದ್ದೆ. ನನಗೆ ತಿಳಿದಿರುವ ವ್ಯಕ್ತಿಗಳು ಹೇಳಿದಂತೆ ಅದನ್ನೆಲ್ಲಾ ಸಾಯಿ ಪ್ರಸಾದ್ ತೆಗೆದುಕೊಂಡು ಕಾಳ ಸಂತೆಯಲ್ಲಿ ಸಾಕಷ್ಟು ದೊಡ್ಡ ಮೊತ್ತಕ್ಕೆ ಮಾರಾಟ ಮಾಡಿದ್ದಾರೆ' ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾರೆ ಇಳಯರಾಜ.

ದುಬಾರಿ ಸಂಗೀತ ಉಪಕರಣಗಳನ್ನು ಮಾರಿದ್ದಾನೆ: ಇಳಯರಾಜ

ಅಷ್ಟು ಮಾತ್ರವಲ್ಲದೆ ನನ್ನ ಹಲವಾರು ಸಂಗೀತ ಉಪಕರಣಗಳು ಸ್ಟುಡಿಯೋದಲ್ಲಿದ್ದವು. ಅವುಗಳಲ್ಲಿ ಹಲವನ್ನು ಹಾಳು ಮಾಡಿರುವ ಸಾಯಿ ಪ್ರಸಾದ್, ನನಗೆ ಸೇರಿದ ಕೋಟ್ಯಂತರ ಮೌಲ್ಯದ ಹಲವು ಸಂಗೀತ ಉಪಕರಣಗಳನ್ನು ಮಾರಿಬಿಟ್ಟಿದ್ದಾರೆ' ಎಂದು ಹೇಳಿದ್ದಾರೆ.

ನ್ಯಾಯಾಲಯದಲ್ಲಿ ಮೊಕದ್ದಮೆ ನಡೆಯುತ್ತಿದೆ

ಈ ಮೊದಲಿಗೆ ಪ್ರಸಾದ್ ಸ್ಟುಡಿಯೋ ಎಲ್‌.ವಿ.ಪ್ರಸಾದ್ ಒಡೆತನದಲ್ಲಿತ್ತು. ನಂತರ ಈಗ ಅವರ ಮೊಮ್ಮಗ ಸಾಯಿ ಪ್ರಸಾದ್ ಯಜಮಾನಿಕೆ ವಹಿಸಿಕೊಂಡಿದ್ದು. ಆಗ ಇಳಯರಾಜ ಅನ್ನು ಸ್ಟುಡಿಯೋ ತೊರೆಯಲು ಸೂಚಿಸಲಾಗಿತ್ತು. ಸ್ಟುಡಿಯೋಕ್ಕೆ ಸಮಾನ ಬಂಡವಾಳ ಹೂಡಿದ್ದ ಇಳಯರಾಜ ಇದಕ್ಕೆ ಒಪ್ಪಲಿಲ್ಲ. ಈ ಪ್ರಕರಣ ಸದ್ಯಕ್ಕೆ ನ್ಯಾಯಾಲಯದಲ್ಲಿದೆ.