ರಿಲೀಸ್ ಗೂ ಮುಂಚೆ 'ದರ್ಬಾರ್' ದಾಖಲೆ ಕಲೆಕ್ಷನ್: ಗಳಿಕೆ ನಿರೀಕ್ಷೆ ಎಷ್ಟಿದೆ?

ದರ್ಬಾರ್ ಬಜೆಟ್ ಎಷ್ಟು?

2.0 ಚಿತ್ರ ನಿರ್ಮಿಸಿದ್ದ ಲೈಕಾ ಪ್ರೊಡಕ್ಷನ್ ದರ್ಬಾರ್ ಚಿತ್ರಕ್ಕೂ ಬಂಡವಾಳ ಹಾಕಿದ್ದಾರೆ. ನಿಖರವಾದ ಬಜೆಟ್ ಎಷ್ಟು ಎನ್ನುವುದನ್ನು ಘೋಷಿಸಿಲ್ಲ. ಆದರೂ ದೊಡ್ಡ ಮೊತ್ತದ ಬಜೆಟ್ ನಲ್ಲಿ ಸಿನಿಮಾ ತಯಾರಾಗಿದೆ ಎಂಬ ಮಾತಿದೆ. ಇದೀಗ, ಸಿನಿಮಾ ರಿಲೀಸ್ ಗೂ ಮುಂಚೆಯೇ ಹಾಕಿದ ಬಂಡವಾಳ ವಾಪಸ್ ಆಗಿದೆ ಎಂಬ ಸುದ್ದಿ ಬಹಿರಂಗವಾಗಿದೆ.

220 ಕೋಟಿ ಗಳಿಕೆಯಂತೆ!

ಸಿನಿಮಾ ಬಿಡುಗಡೆಗೂ ಮುಂಚೆ ಸುಮಾರು 220 ಕೋಟಿವರೆಗೂ ಗಳಿಕೆ ಆಗಿದೆ ಎಂದು ಲೆಕ್ಕಾಚಾರ ನಡೆಯುತ್ತಿದೆ. ವಿತರಣೆ ಹಕ್ಕು, ಡಿಜಿಟಲ್ ಹಕ್ಕು, ಸ್ಯಾಟ್ ಲೈಟ್ ಹಕ್ಕು, ಆಡಿಯೋ ಹಕ್ಕು, ಜಾಹೀರಾತು ಹೀಗೆ ವಿವಿದ ಕಡೆಯಿಂದ ಒಟ್ಟಾರೆ 220 ಕೋಟಿ ಬಿಸಿನೆಸ್ ಆಗಿದೆ ಎನ್ನಲಾಗುತ್ತಿದೆ.

ನಿರ್ಮಾಪಕರ ಕೈ ಹಿಡಿಯುತ್ತಾ ದರ್ಬಾರ್?

ರಜನಿಕಾಂತ್ ಮತ್ತು ಲೈಕಾ ಪ್ರೊಡಕ್ಷನ್ ನಲ್ಲಿ 2.0 ಸಿನಿಮಾ ಬಂದಿತ್ತು. 450 ಕೋಟಿಗೂ ಅಧಿಕ ಬಜೆಟ್ ನಲ್ಲಿ ತಯಾರಾಗಿದ್ದ ಈ ಸಿನಿಮಾ ನಿರ್ಮಾಪಕರಿಗೆ ನಿರೀಕ್ಷಿತ ಲಾಭ ತಂದುಕೊಟ್ಟಿರಲಿಲ್ಲ. ಈಗ ದರ್ಬಾರ್ ಸಿನಿಮಾ ಮಾಡ್ತಿದ್ದು, ಕಳೆದ ಸಿನಿಮಾದಲ್ಲಿ ಸಿಗದ ಲಾಭ ಈ ಚಿತ್ರದಲ್ಲಿ ಮಾಡಲಿ ಎಂಬ ನಿರೀಕ್ಷೆ ಇದೆ.

ಕರ್ನಾಟಕದಲ್ಲಿ ಏನಾಗಬಹುದು?

ದರ್ಬಾರ್ ಸಿನಿಮಾ ಬಿಡುಗಡೆಗೆ ಕರ್ನಾಟಕದಲ್ಲಿ ಭಾರಿ ವಿರೋಧ ವ್ಯಕ್ತವಾಗುತ್ತಿದೆ. ಕನ್ನಡ ಪರ ಸಂಘಟನೆಗಳು ಸಿನಿಮಾ ರಿಲೀಸ್ ಮಾಡದಂತೆ ಎಚ್ಚರಿಕೆ ಕೂಡ ನೀಡಿದೆ. ಇಷ್ಟೆಲ್ಲಾ ಆತಂಕದ ನಡುವೆ ದರ್ಬಾರ್ ಕನ್ನಡ ನಾಡಿನಲ್ಲಿ ರಿಲೀಸ್ ಆಗುತ್ತಾ? ಇಲ್ಲಿ ಉತ್ತಮ ಗಳಿಕೆ ಕಾಣುತ್ತಾ? ಕಾದು ನೋಡಬೇಕಿದೆ.