'ಹೆಬ್ಬುಲಿ' ನಾಯಕಿ ಅಮಲಾ ಪೌಲ್ ಮಾಜಿ ಪತಿಗೆ ಗಂಡು ಮಗು

ಕಳೆದ ವರ್ಷ ಮದುವೆ

ಚೆನ್ನೈನ ಖಾಸಗಿ ಆಸ್ಪತ್ರೆಯಲ್ಲಿ ಐಶ್ವರ್ಯಾ ಅವರು ಶನಿವಾರ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ವೈದ್ಯಕೀಯ ವೃತ್ತಿಯಲ್ಲಿರುವ ಐಶ್ವರ್ಯಾ ಜತೆಗೆ ಕಳೆದ ವರ್ಷದ ಜುಲೈ 11ರಂದು ವಿಜಯ್ ಸಾಂಸಾರಿಕ ಜೀವನಕ್ಕೆ ಕಾಲಿರಿಸಿದ್ದರು.

ಖಾಸಗಿ ಸಮಾರಂಭ

ಕುಟುಂಬದ ಸದಸ್ಯರು ಮತ್ತು ಕೆಲವೇ ಆಪ್ತ ಸ್ನೇಹಿತರ ಸಮ್ಮುಖದಲ್ಲಿ ಖಾಸಗಿಯಾಗಿ ನಡೆದ ಸಮಾರಂಭದಲ್ಲಿ ಇಬ್ಬರೂ ಮದುವೆಯಾಗಿದ್ದರು. ಇದು ಕುಟುಂಬದವರು ನೋಡಿ ಮಾಡಿದ ಮದುವೆ ಎಂದು ವರದಿಯಾಗಿತ್ತು. ಅವರ ಬಯಕೆಯಂತೆ ಒಂದು ವರ್ಷದಲ್ಲಿಯೇ ಮನೆಗೆ ಮುದ್ದಾದ ಮಗು ಆಗಮಿಸಿದೆ

ಮೂರು ವರ್ಷದ ನಂತರ ವಿಚ್ಚೇದನ

ಇದಕ್ಕೂ ಮೊದಲು ವಿಜಯ್, ನಟಿ ಅಮಲಾ ಪೌಲ್ ಅವರನ್ನು ವರಿಸಿದ್ದರು. 2011ರಲ್ಲಿ ದೈವ ತಿರುಮಗಳ್ ಚಿತ್ರದ ಚಿತ್ರೀಕರಣದ ವೇಳೆ ಇಬ್ಬರೂ ಪ್ರೀತಿಯನ್ನು ಬಿದ್ದಿದ್ದರು. ಮೂರು ವರ್ಷಗಳ ಪ್ರೇಮ ಪಯಣದ ಬಳಿಕ 2014ರಲ್ಲಿ ಇಬ್ಬರೂ ಹಸೆಮಣೆ ಏರಿದ್ದರು.

ಅಮಲಾ ನಿರ್ಧಾರಕ್ಕೆ ಕಾರಣ ಇದು

ಆದರೆ ಇಬ್ಬರ ಸಾಂಸಾರಿಕ ಬದುಕು ಆರಂಭದಲ್ಲಿಯೇ ಬಿರಕು ಕಂಡಿತ್ತು. ಪ್ರತ್ಯೇಕವಾಗಿ ವಾಸಿಸಲು ಆರಂಭಿಸಿದ್ದರು. 2017ರಲ್ಲಿ ಇಬ್ಬರೂ ಪರಸ್ಪರ ಸಹಮತದೊಂದಿಗೆ ವಿಚ್ಚೇದನ ಪಡೆದುಕೊಂಡಿದ್ದರು. ಮದುವೆಯ ನಂತರವೂ ಸಿನಿಮಾಗಳಲ್ಲಿ ನಟಿಸುವುದಕ್ಕೆ ವಿಜಯ್ ಪೋಷಕರು ಒಪ್ಪಿರಲಿಲ್ಲ. ಮದುವೆಯಾದ ಕೂಡಲೇ ಇಬ್ಬರೂ ಸಂಸಾರ ಆರಂಭಿಸಬೇಕು, ಮಗು ಪಡೆಯಬೇಕು ಎನ್ನುವುದು ಪೋಷಕರ ಒತ್ತಾಯವಾಗಿದ್ದು. ಇದಕ್ಕೆ ಒಪ್ಪದೆ ಅಮಲಾ ಹೊರಬಂದಿದ್ದರು ಎನ್ನಲಾಗಿದೆ.