ವಿಡಿಯೋ: ವೇದಿಕೆ ಮೇಲೆ ನಟಿಯೊಂದಿಗೆ ನಿರ್ದೇಶಕನ ಅನುಚಿತ ವರ್ತನೆ

ಸಿಂಭು ಬಗ್ಗೆ ಮಾತನಾಡುವಂತೆ ಒತ್ತಾಯ

ನಿಧಿ ಮಾತು ಆರಂಭಿಸುತ್ತಿದ್ದಂತೆ, ಸುಸೀಂದ್ರನ್, 'ಸಿಂಭು ಮಾಮ ಬಗ್ಗೆ ಮಾತನಾಡು' ಎಂದಿದ್ದಾರೆ. ಅದಕ್ಕೆ ನಟಿ ನಿಧಿ, 'ಮಾತನಾಡುತ್ತೇನೆ' ಎಂದು, 'ನನಗೆ ಸಿನಿಮಾದಲ್ಲಿ ಅವಕಾಶ ಕೊಟ್ಟಿದ್ದಕ್ಕೆ ನಿಮಗೆ ಧನ್ಯವಾದ' ಎಂದು ಸುಸೀಂದ್ರನ್ ಗೆ ಹೇಳುತ್ತಾರೆ. ಇದು ಒಪ್ಪದ ಸುಸೀಂದ್ರನ್, 'ನನ್ನ ಬಗ್ಗೆ ಮಾತನಾಡಿದರೆ ಜನ ಕೇಳುವುದಿಲ್ಲ, ಸಿಂಭುಮಾಮಾ ಬಗ್ಗೆ ಮಾತನಾಡು' ಎನ್ನುತ್ತಾರೆ.

'ಸಿಂಭು ಐ ಲವ್ ಯೂ' ಎನ್ನುವಂತೆ ಒತ್ತಾಯ

ನಿರ್ದೇಶಕರ ಒತ್ತಾಯದಿಂದ ಮುಜುಗರಕ್ಕೆ ಒಳಗಾಗಿ ಸುಮ್ಮನಾಗುವ ನಿಧಿಗೆ, 'ಸಿಂಭುಮಾಮ ಐ ಲವ್ ಯೂ' ಎಂದು ಹೇಳು' ಎಂದು ಒತ್ತಾಯಿಸುತ್ತಾರೆ ನಿರ್ದೇಶಕ ಸುಸೀಂದ್ರನ್. ಮುಜುಗರಕ್ಕೆ ಒಳಗಾಗುವ ನಿಧಿ ಹಾಗೆ ಹೇಳುವುದಿಲ್ಲ, ಆದರೂ ನಿರ್ದೇಶಕ ಸುಸೀಂದ್ರನ್ ಒತ್ತಾಯ ಮಾಡುತ್ತಾರೆ.

'ತಮಿಳಿನಲ್ಲಿ ಮಾತನಾಡು' ಎಂದು ಒತ್ತಾಯ

ಸಿನಿಮಾದ ಬಗ್ಗೆ ತಮಗೆ ದೊರೆತ ಅವಕಾಶದ ಬಗ್ಗೆ ನಿಧಿ ಮಾತು ಮುಂದುವರೆಸಿದ್ದಾರೆ. ಆಗ ಮತ್ತೆ ಮಧ್ಯೆ ಬಾಯಿ ಹಾಕುವ ನಿರ್ದೇಶಕ ಸುಸೀಂದ್ರನ್, 'ತಮಿಳಿನಲ್ಲಿ ಮಾತನಾಡು' ಎಂದು ತಾಕೀತು ಮಾಡುತ್ತಾರೆ. ತೆಲುಗು ಮೂಲದ ನಿಧಿ ತಮಿಳಿನಲ್ಲಿಯೇ ತುಸು ಮಾತನಾಡಿ, ತಮ್ಮ ಮಾತು ಮುಗಿಸುತ್ತಾರೆ.

ಸುಸೀಂದ್ರನ್ ವಿರುದ್ಧ ತೀವ್ರ ಆಕ್ರೋಶ

ಸುಸೀಂದ್ರನ್ ನ ಈ ಅನುಚಿತ ವರ್ತನೆಯ ವಿಡಿಯೋ ಸಖತ್ ವೈರಲ್ ಆಗಿದ್ದು, ಸುಸೀಂದ್ರನ್ ವರ್ತನೆಗೆ ತೀವ್ರ ಆಕ್ರೋಶ ವ್ಯಕ್ತವಾಗಿದೆ. ಸುಸೀಂದ್ರನ್ 'ಪಿಂಪ್' ರೀತಿ ವರ್ತಿಸುತ್ತಿದ್ದಾರೆ. ಮಹಿಳೆಯೊಂದಿಗೆ ಹೇಗೆ ನಡೆದುಕೊಳ್ಳಬೇಕು ಎಂಬುದು ಆತನಿಗೆ ಗೊತ್ತಿಲ್ಲವೆಂದು ತೀವ್ರ ಆಕ್ರೋಶ ಹೊರಹಾಕಿದ್ದಾರೆ ನೆಟ್ಟಿಗರು.