ಪತ್ನಿಯಿಂದ ನಗ್ನ ಚಿತ್ರ ಕ್ಲಿಕ್ಕಿಸಿಕೊಂಡು ಹಂಚಿಕೊಂಡ ತಮಿಳು ನಟ!

ಪತ್ನಿ ಕ್ಲಿಕ್ಕಿಸಿರುವ ಚಿತ್ರಗಳು

ತಮ್ಮ ನಾಲ್ಕು ನಗ್ನ ಚಿತ್ರಗಳನ್ನು ಟ್ವಿಟ್ಟರ್ ಸೇರಿದಂತೆ ಇತರ ಸಾಮಾಜಿಕ ಜಾಲತಾಣ ಖಾತೆಗಳಲ್ಲಿ ಹಂಚಿಕೊಂಡಿರುವ ವಿಷ್ಣು ವಿಶಾಲ್, ''ನಾನೂ ಸಹ ಟ್ರೆಂಡ್ ಸೇರಿಕೊಂಡೆ'' ಎಂದು ಬರೆದಿದ್ದಾರೆ. ಜೊತೆಗೆ ಪತ್ನಿ ಜ್ವಾಲಾ ಗುಟ್ಟಾ ಈ ಚಿತ್ರಗಳನ್ನು ತೆಗೆದಿದ್ದಾರೆ ಎಂದು ಪತ್ನಿಗೂ ಪೋಸ್ಟ್ ಅನ್ನು ಟ್ಯಾಗ್ ಮಾಡಿದ್ದಾರೆ ವಿಷ್ಣು ಶಿವನ್.

ತಮಿಳರು ಸಹಿಸಲ್ಲ ಎಂದ ನೆಟ್ಟಿಗರು

ವಿಷ್ಣು ವಿಶಾಲ್ ಹಂಚಿಕೊಂಡಿರುವ ಚಿತ್ರಕ್ಕೆ ಹಲವರು ಹಲವು ರೀತಿಯ ಕಮೆಂಟ್‌ಗಳನ್ನು ಮಾಡಿದ್ದಾರೆ. ಹಲವರಿಗೆ ವಿಷ್ಣು ವಿಶಾಲ್ ಹಂಚಿಕೊಂಡಿರುವ ಚಿತ್ರಗಳು ಇಷ್ಟವಾಗಿಲ್ಲ. ''ನಿಮಗೆ ಇದು ಸರಿ ಎನ್ನಿಸಬಹುದೇನೋ ಆದರೆ ತಮಿಳರು ಇದನ್ನು ಸಹಿಸುವುದಿಲ್ಲ'' ಎಂದಿದ್ದಾರೆ. ಇನ್ನು ಕೆಲವರು ಆತ ತನ್ನ ಪೂರ್ಣ ಬೆತ್ತಲೆ ದೇಹವನ್ನು ಪ್ರದರ್ಶಿಸಿಲ್ಲ ಮೇಲಿನ ಭಾಗವನ್ನಷ್ಟೆ ಪ್ರದರ್ಶಿಸಿದ್ದಾನೆ ಎಂದಿದ್ದಾರೆ. ಹಲವರು ಈ ಚಿತ್ರಗಳು ಚೆನ್ನಾಗಿಲ್ಲವೆಂದು ಹೇಳಿದ್ದಾರೆ.

ಮ್ಯಾಗಜೈನ್‌ಗಾಗಿ ಬೆತ್ತಲಾದ ರಣ್ವೀರ್‌

ನಟ ರಣ್ವೀರ್ ಸಿಂಗ್, ಪೇಪರ್ ಹೆಸರಿನ ಮ್ಯಾಗಜೈನ್‌ಗಾಗಿ ಸಂಪೂರ್ಣ ಬೆತ್ತಲಾಗಿ ಚಿತ್ರಗಳನ್ನುನ ತೆಗೆಸಿಕೊಂಡಿದ್ದರು. ಸಂಪೂರ್ಣ ಬೆತ್ತಲಾಗಿದ್ದರೂ ನಟನ ಖಾಸಗಿ ಅಂಗ ಕಾಣದಂತೆ ತೆಗೆದ ಫೋಟೊ ಅದಾಗಿತ್ತು. ರಣ್ವೀರ್‌ ಸಿಂಗ್‌ರ ಈ ಚಿತ್ರಗಳು ಸಾಕಷ್ಟು ವೈರಲ್ ಆಗಿವೆ. ಅಲ್ಲದೆ ಸಾಕಷ್ಟು ಚರ್ಚೆಯನ್ನೂ ಎಬ್ಬಿಸಿವೆ. ಬೆತ್ತಲೆಯಾಗಿ ಚಿತ್ರ ತೆಗೆಸಿಕೊಂಡಿದ್ದಕ್ಕೆ ಹಲವರು ರಣ್ವೀರ್ ಅನ್ನು ಟ್ರೋಲ್ ಮಾಡಿದ್ದಾರೆ. ಆದರೆ ಹಲವು ಬಾಲಿವುಡ್ಡಿಗರು ರಣ್ವೀರ್ ಬೆಂಬಲಕ್ಕೆ ನಿಂತಿದ್ದಾರೆ.

ನಟಿ ಹೀಗೆ ಚಿತ್ರ ತೆಗೆಸಿಕೊಂಡಿದ್ದರೆ?

ಇನ್ನು ಕೆಲವರು ರಣ್ವೀರ್ ಸಿಂಗ್ ಬೆತ್ತಲಾಗಿ ಚಿತ್ರ ತೆಗೆಸಿಕೊಂಡಂತೆ ನಟಿಯೊಬ್ಬಾಕೆ ಇದೇ ರೀತಿ ಬೆತ್ತಲಾಗಿ ಚಿತ್ರ ತೆಗೆಸಿಕೊಂಡಿದ್ದರೆ ಸಮಾಜ ಒಪ್ಪುತ್ತಿತ್ತೆ ಎಂದು ಪ್ರಶ್ನೆ ಮಾಡಿದ್ದಾರೆ. ವಿಷ್ಣು ವಿಶಾಲ್ ಹಂಚಿಕೊಂಡಿರುವ ಚಿತ್ರಕ್ಕೂ ಇದೇ ರೀತಿಯ ಕಮೆಂಟ್‌ಗಳು ಬಂದಿವೆ. ಇದೇ ರೀತಿ ವಿಷ್ಣು ವಿಶಾಲ್‌ರ ಪತ್ನಿ ಜ್ವಾಲಾ ಚಿತ್ರ ತೆಗೆಸಿಕೊಂಡಿದ್ದಿದ್ದರೆ ಈತ ಅವನ್ನು ಹಂಚಿಕೊಳ್ಳುತ್ತಿದ್ದನೆ ಎಂದು ಕಮೆಂಟ್ ಮಾಡಿದ್ದಾರೆ.