ಪೈರಸಿ ಸಿನಿಮಾಗಳ ಕಿಂಗ್ ತಮಿಳ್ ರಾಕರ್ಸ್‌ 'ಸೇವೆ' ಸ್ಥಗಿತ!?

ತಮಿಳ್ ರಾಕರ್ಸ್ ಸ್ಥಗಿತಗೊಳ್ಳುತ್ತಿದೆ?

ತಮಿಳ್ ರಾಕರ್ಸ್ ತನ್ನ ಸೇವೆಯನ್ನು ಸ್ಥಗಿತಗೊಳಿಸುತ್ತಿದೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಸುದ್ದಿಯ ಜೊತೆಗೆ ತಮಿಳು ರಾಕರ್ಸ್ ಅವರದ್ದು ಎನ್ನಲಾದ ಸಂದೇಶವೊಂದರ ಸ್ಕ್ರೀನ್ ಶಾಟ್ ಸಹ ಹರಿದಾಡುತ್ತಿದೆ.

ಸ್ಕ್ರೀನ್ ಶಾಟ್ ಒಂದು ಹರಿದಾಡುತ್ತಿದೆ

'ಒಂದು ವರ್ಷಕ್ಕೂ ಹೆಚ್ಚು ಕಾಲದ ಸೇವೆಗೆ ಧನ್ಯವಾದಗಳು ತಮಿಳ್ ರಾಕರ್ಸ್‌- ಟಿಎಂವಿ ತಂಡ' ಎಂದು ಬರೆದಿರುವ ಸ್ಕ್ರೀನ್ ಶಾಟ್ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ತಮಿಳ್ ರಾಕರ್ಸ್ ಇನ್ನುಮುಂದೆ ಕೆಲಸ ಮಾಡುವುದಿಲ್ಲ ಎಂದು ಸುದ್ದಿ ಹಬ್ಬಲಾಗುತ್ತಿದೆ.

ತಮಿಳ್ ರಾಕರ್ಸ್ ತಂಡದಿಂದ ಮಾಹಿತಿ ಇಲ್ಲ

ತಮಿಳ್ ರಾಕರ್ಸ್ ಇನ್ನು ಮುಂದೆ ಸ್ಥಗಿತಗೊಳ್ಳಲಿದೆ ಎಂಬ ಬಗ್ಗೆ ತಮಿಳ್ ರಾಕರ್ಸ್ ತಂಡದಿಂದ ಯಾವುದೇ ಅಧಿಕೃತ ಮಾಹಿತಿ ಇಲ್ಲ. ಟ್ವಿಟ್ಟರ್‌ನಲ್ಲೂ ಸಹ ಕೆಲವರು ತಮಿಲ್ ರಾಕರ್ಸ್‌ ಪೈರಸಿ ಮುಂದುವರೆಸಲಿದೆ ಎಂದು ಹೇಳುತ್ತಿದ್ದಾರೆ.

ಕೆಲವೇ ಗಂಟೆಗಳಲ್ಲಿ ಸಿನಿಮಾ ಪೈರಸಿ ಮಾಡುತ್ತದೆ ತಮಿಳ್ ರಾಕರ್ಸ್

ತಮಿಳ್ ರಾಕರ್ಸ್ ತಂಡವು ಬಹುತೇಕ ಎಲ್ಲಾ ಸೂಪರ್ ಸ್ಟಾರ್ ಗಳ ಸಿನಿಮಾವನ್ನು ಪೈರಸಿ ಮಾಡಿ ವೆಬ್‌ಸೈಟ್‌ನಲ್ಲಿ ಪ್ರಕಟಿಸುತ್ತದೆ. ಒಟಿಟಿಗಳು ಬಂದ ನಂತರವಂತೂ ಸಿನಿಮಾ ಬಿಡುಗಡೆ ಆದ ಕೆಲವೇ ಗಂಟೆಗಳಲ್ಲಿ ಅದರ ಪೈರಸಿ ಮಾಡಿ ಹರಿಬಿಡುತ್ತದೆ ತಮಿಳ್ ರಾಕರ್ಸ್ ತಂಡ.