ತಬ್ಬಿಕೊಳ್ಳಲು, ಮುತ್ತಿಕ್ಕಲು ಭಯವಾಗುತ್ತಿದೆ ಎಂದ ಹಾಟ್ ನಟಿ

'ರೊಮ್ಯಾಂಟಿಕ್ ದೃಶ್ಯಗಳಲ್ಲಿ ನಟಿಸುವುದು ರಿಸ್ಕ್ ಎನಿಸುತ್ತಿದೆ'

ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ರೆಜಿನಾ, ಸಿನಿಮಾದಲ್ಲಿ ರೊಮ್ಯಾಂಟಿಕ್ ದೃಶ್ಯಗಳಲ್ಲಿ ನಟಿಸುವುದು ರಿಸ್ಕ್ ಎನಿಸುತ್ತಿದೆ. ತಬ್ಬಿಕೊಳ್ಳುವ, ಮುತ್ತು ಕೊಡುವ ದೃಶ್ಯಗಳಲ್ಲಿ ನಟಿಸುವುದಕ್ಕೆ ಭಯವಾಗುತ್ತದೆ ಎಂದಿದ್ದಾರೆ. ರೆಜಿನಾ ಹೀಗೆ ಹೇಳಲು ಕಾರಣ ಕೊರೊನಾ.

'ಮುತ್ತಿಕ್ಕುವ ದೃಶ್ಯಗಳು ಮುಜುಗರ ತರುತ್ತವೆ'

ಸಿನಿಮಾಗಳಲ್ಲಿ ಮುತ್ತಿಕ್ಕುವ ದೃಶ್ಯಗಳಲ್ಲಿ ನಟಿಸುವುದು ವೈಯಕ್ತಿಕವಾಗಿ ನನಗೆ ಮುಜುಗರ ತರುವಂಥಹದು ಆದರೆ ಪಾತ್ರದ ಅವಶ್ಯಕತೆಗೆ ಮಾಡಲೇ ಬೇಕಾಗಿರುತ್ತದೆ. ಆದರೆ ಕೊರೊನಾ ದೆಸೆಯಿಂದ ಅಂಥಹಾ ದೃಶ್ಯಗಳಲ್ಲಿ ಇನ್ನು ಮುಂದೆ ನಟಿಸುವುದು ಕಷ್ಟವಾಗುತ್ತದೆ ಎಂದಿದ್ದಾರೆ.

ತುಟಿಗೆ-ತುಟಿ ಒತ್ತುವ ದೃಶ್ಯಗಳು ಮಾಮೂಲಿ

ಸಿನಿಮಾಗಳಲ್ಲಿ ತುಟಿಗೆ-ತುಟಿ ಒತ್ತುವ ದೃಶ್ಯಗಳು ಮಾಮೂಲಿ ಎಂಬಂತಾಗಿಬಿಟ್ಟಿವೆ, ಬಾಲಿವುಡ್‌ನಲ್ಲಂತೂ ಮುತ್ತಿನ ದೃಶ್ಯಗಳು ಬಹುತೇಕ ಎಲ್ಲಾ ಸಿನಿಮಾಗಳಲ್ಲೂ ಇರುತ್ತವೆ, ಆದರೆ ಕೊರೊನಾ ಕಾರಣದಿಂದ ಇನ್ನು ಮುಂದೆ ಈ ರೀತಿಯ ದೃಶ್ಯಗಳಿಗೆ ಬ್ರೇಕ್ ಬೀಳುವ ಸಾಧ್ಯತೆ ಇದೆ.

ಕರ್ನಾಟಕದಲ್ಲಿ ಚಿತ್ರೀಕರಣಕ್ಕೆ ಅವಕಾಶ

ಕೊರೊನಾ ಕಾರಣದಿಂದ ಭಾರತದ ಹಲವು ರಾಜ್ಯಗಳಲ್ಲಿ ಚಿತ್ರೀಕರಣಕ್ಕೆ ಬ್ರೇಕ್ ಹಾಕಲಾಗಿದೆ. ಕರ್ನಾಟಕದಲ್ಲಿ ಅರ್ಧಕ್ಕೆ ನಿಂತಿದ್ದ ಸಿನಿಮಾಗಳ ಚಿತ್ರೀಕರಣಕ್ಕೆ ಅವಕಾಶ ನೀಡಿದೆ. ಆದರೆ ಸೂಕ್ತ ನಿಯಮಗಳನ್ನು ಪಾಲಿಸುವಂತೆ ಷರತ್ತು ವಿಧಿಸಿದೆ.