Jailer: ಕ್ರೇಜ್ ಹೆಚ್ಚಿಸಿದ ಜೈಲರ್ ಟ್ರೈಲರ್; ಎಲ್ಲೆಡೆ ತಲೈವಾ ಟ್ರೆಂಡಿಂಗ್ ದರ್ಬಾರ್

Published: Thursday, August 3, 2023, 13:13 [IST]

ನಿನ್ನೆಯಷ್ಟೇ ( ಆಗಸ್ಟ್ 2 ) ರಜನಿಕಾಂತ್ ಹಾಗೂ ನೆಲ್ಸನ್ ಕುಮಾರ್ ಕಾಂಬಿನೇಶನ್‌ನ ಬಹು ನಿರೀಕ್ಷಿತ ಚಿತ್ರ ಜೈಲರ್ ಟ್ರೈಲರ್ ಬಿಡುಗಡೆಗೊಂಡಿತು. ಜೈಲರ್ ಶೋಕೇಸ್ ಎಂಬ ಹೆಸರಿನ ಅಡಿಯಲ್ಲಿ ಬಿಡುಗಡೆಗೊಂಡ ಈ ಟ್ರೈಲರ್‌ ಚಿತ್ರದ ಮೇಲೆ ಸಿನಿ ರಸಿಕರು ಹಾಗೂ ರಜನಿಕಾಂತ್ ಅಭಿಮಾನಿಗಳಿಗಿದ್ದ ನಿರೀಕ್ಷೆಯನ್ನು ದುಪ್ಪಟ್ಟುಗೊಳಿಸಿದೆ. 2.15 ನಿಮಿಷದ ಈ ಟ್ರೈಲರ್ ಆರಂಭದಿಂದ ಅಂತ್ಯದವರೆಗೂ ಸಾಕಷ್ಟು ಮಾಸ್ ಅಂಶಗಳನ್ನು ಹೊಂದಿದ್ದು, ಟ್ರೈಲರ್ ವೀಕ್ಷಿಸಿದ ಸಿನಿ ರಸಿಕರು ಈ ಚಿತ್ರ ಗೆಲ್ಲುವುದು ಪಕ್ಕಾ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.

ಟ್ರೈಲರ್‌ನಲ್ಲಿ ರಜನಿಕಾಂತ್ ಹಿಂದೆಂದೂ ಕಂಡಿರದ ರೀತಿಯ ವಿಭಿನ್ನ ಲುಕ್‌ನಲ್ಲಿ ಸಖತ್ ಮಾಸ್ ಆಗಿ ಕಾಣಿಸಿಕೊಂಡಿದ್ದು, ನಿರ್ದೇಶಕ ನೆಲ್ಸನ್ ಕುಮಾರ್ ಈ ಬಾರಿ ಸಿಕ್ಸರ್ ಬಾರಿಸುವುದು ಖಚಿತ ಎನ್ನಲಾಗುತ್ತಿದೆ. ಹೀಗೆ ಜೈಲರ್ ಚಿತ್ರ ತನ್ನ ಟ್ರೈಲರ್ ಮೂಲಕ ದೊಡ್ಡ ಮಟ್ಟದ ಹೈಪ್ ಹುಟ್ಟುಹಾಕಿದ್ದು ಟ್ರೈಲರ್ ವೀಕ್ಷಿಸಿದ ಸಿನಿ ರಸಿಕರು ಜೈಲರ್ ಚಿತ್ರದ ಕುರಿತಾಗಿ ಸಾಮಾಜಿಕ ಜಾಲತಾಣದಲ್ಲಿ ಹಾಗೂ ಆನ್‌ಲೈನ್ ಟಿಕೆಟ್ ಬುಕಿಂಗ್ ಅಪ್ಲಿಕೇಶನ್‌ಗಳಲ್ಲಿ ಹುಡುಕಾಡಲು ಆರಂಭಿಸಿದ್ದಾರೆ.

ಹೌದು, ಹೆಸರಾಂತ ಆನ್‌ಲೈನ್ ಟಿಕೆಟ್ ಬುಕಿಂಗ್ ಅಪ್ಲಿಕೇಶನ್ ಬುಕ್‌ಮೈಶೋನಲ್ಲಿಯೂ ಸಹ ಜೈಲರ್ ಕುರಿತು ಹುಡುಕಾಟಗಳು ಜೋರಾಗಿದ್ದು, ಜೈಲರ್ ಬುಕಿಂಗ್ ಶುರುವಾಗುವ ಮುನ್ನವೇ ಟ್ರೆಂಡಿಂಗ್ ಪಟ್ಟಿ ಸೇರಿದೆ. ಕೇವಲ ತಮಿಳುನಾಡಿನ ನಗರಗಳಲ್ಲಿ ಮಾತ್ರವಲ್ಲದೇ ಕರ್ನಾಟಕದ ಪ್ರಮುಖ ನಗರಗಳಲ್ಲಿಯೂ ಸಹ ಜೈಲರ್ ಚಿತ್ರಕ್ಕಾಗಿ ಸಿನಿ ರಸಿಕರು ಬುಕ್ ಮೈ ಶೋನಲ್ಲಿ ಹುಡುಕಾಟ ನಡೆಸಿದ್ದಾರೆ.

ಹಾಗಿದ್ದರೆ ಜೈಲರ್ ಚಿತ್ರ ಯಾವ ನಗರಗಳ ಟ್ರೆಂಡಿಂಗ್ ಸರ್ಚ್ ಪಟ್ಟಿಯಲ್ಲಿ ಯಾವ ಸ್ಥಾನದಲ್ಲಿದೆ ಎಂಬ ಮಾಹಿತಿ ಈ ಕೆಳಕಂಡಂತಿದೆ..