ಕಮಲ್ ಹಾಸನ್ ಚಿತ್ರದಲ್ಲಿ 80 ವರ್ಷದ ಮುದುಕಿಯಾದ ಸ್ಟಾರ್ ನಟಿ

ಕಮಲ್ ಹಾಸನ್ ಮತ್ತು ನಿರ್ದೇಶಕ ಶಂಕರ್ ಕಾಂಬಿನೇಷನ್ ನಲ್ಲಿ ಆರಂಭವಾಗಿದ್ದು ಇಂಡಿಯನ್-2 ಸಿನಿಮಾದ ಚಿತ್ರೀಕರಣ ಸ್ಥಗಿತವಾಗಿತ್ತು. ಕಮಲ್ ಹಾಸನ್ ಅವರ ಅನಾರೋಗ್ಯದ ಕಾರಣ ಶೂಟಿಂಗ್ ಬ್ರೇಕ್ ಹಾಕಲಾಗಿತ್ತು.

ಈ ನಡುವೆ ಆರ್ಥಿಕ ಕಾರಣಗಳಿಂದ ಸಿನಿಮಾದ ಶೂಟಿಂಗ್ ನಿಂತು ಹೋಗಿದೆ ಎಂದು ಸುದ್ದಿ ಕೇಳಿಬಂತು. ಇದೀಗ, ಇಂಡಿಯನ್ 2 ಚಿತ್ರ ಮತ್ತೆ ಟೇಕ್ ಆನ್ ಆಗಿದೆ. ಫೆಬ್ರವರಿ ತಿಂಗಳಲ್ಲಿ ಮತ್ತೆ ಶೂಟಿಂಗ್ ಆರಂಭಿಸುತ್ತಿದೆಯಂತೆ ಚಿತ್ರತಂಡ.

ಸರ್ಪ್ರೈಸ್ ಅಂದ್ರೆ ಈ ಚಿತ್ರದಲ್ಲಿ ಕಾಜಲ್ ಅಗರ್ ವಾಲ್ ನಟಿಸುತ್ತಿದ್ದಾರೆ. ಕಮಲ್ ಹಾಸನ್ ಎದುರು ವಿಲನ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಸುಮಾರು 80 ವರ್ಷದ ವಯಸ್ಸಿನ ಮುದುಕಿ ಪಾತ್ರ ಇದಾಗಿದೆಯಂತೆ.

ಲೈಕಾ ಪ್ರೊಡಕ್ಷನ್ ಈ ಚಿತ್ರಕ್ಕೆ ಬಂಡವಾಳ ಹಾಕುತ್ತಿದ್ದು, ಪ್ರಿಯಾ ಭವಾನಿ ಶಂಕರ್, ಬಾಬಿ ಸಿಂಹ, ಸಿದ್ಧಾರ್ಥ್, ವಿವೇಕ್, ರಕುಲ್ ಪ್ರೀತ್ ಸಿಂಗ್ ಈ ಸಿನಿಮಾದಲ್ಲಿ ನಟಿಸಲಿದ್ದಾರೆ ಎಂದು ತಿಳಿದು ಬಂದಿದೆ.

ಸದ್ಯದ ಪ್ಲಾನ್ ಪ್ರಕಾರ ಈ ವರ್ಷದ ಅಂತ್ಯಕ್ಕೆ ಇಂಡಿಯನ್ 2 ಸಿನಿಮಾ ಶೂಟಿಂಗ್ ಮುಗಿಸಿಲಿದೆ. 2021ರ ಆರಂಭದಲ್ಲಿ ತೆರೆಗೆ ತರಲು ಚಿತ್ರತಂಡ ನಿರ್ಧರಿಸಿದೆ.