Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೇರೆ-ಬೇರೆ ಆದ ಕಮಲ್ಹಾಸನ್ ಕುಟುಂಬ: ಕಾರಣ ಕೊರೊನಾ
ಕರುಣೆಯಿಲ್ಲದ ಕೊರೊನಾ ವೈರಸ್ ಗಂಡ-ಹೆಂಡತಿಯನ್ನು, ತಂದೆ-ಮಕ್ಕಳನ್ನು ಬೇರೆ-ಬೇರೆಯನ್ನಾಗಿ ಮಾಡಿಬಿಟ್ಟಿದೆ.
ಒಂದೇ ಕುಟುಂಬದವರಾದರೂ ರೋಗದ ಭೀತಿಯಿಂದ ಪರಸ್ಪರ ದೂರ ಇರುವಂತೆ ಮಾಡಿದೆ ಕೊರೊನಾ. ನಟಿ ಸುಹಾಸಿನಿ ಮತ್ತು ಮಗ ಪರಸ್ಪರ ದೂರ ಇರುವ ಚಿತ್ರವನ್ನು ಮೊನ್ನೆಯಷ್ಟೆ ಹಂಚಿಕೊಂಡಿದ್ದರು. ಈಗ ಕಮಲ್ಹಾಸನ್ ಕುಟುಂಬದ ಸರದಿ.
ನಟ, ರಾಜಕಾರಣಿ ಕಮಲ್ ಹಾಸನ್ ಕುಟುಂಬ ಹೋಮ್ ಕ್ವಾರೆಂಟೈನ್ನಲ್ಲಿದೆ. ಕಮಲ್ ಹಾಸನ್ ಪುತ್ರಿಯರು ಮತ್ತು ಹೆಂಡತಿ ಪರಸ್ಪರಿಂದ ದೂರ ಉಳಿದಿದ್ದು, ಬೇರೆ-ಬೇರೆ ಮನೆಗಳಲ್ಲಿ ಒಂಟಿಯಾಗಿದ್ದಾರೆ.
ಕೊರೊನಾದ ಕಾರಣದಿಂದ ಬೇರೆ-ಬೇರೆಯಾಗಿರುವ ಕುಟುಂಬ
ಹೌದು, ಕಮಲ್ಹಾಸನ್ ಪುತ್ರಿ ಶ್ರುತಿ ಹಾಸನ್ ಅವರು ಪತ್ರಿಕೆಯೊಂದಿಗೆ ನೀಡಿರುವ ಸಂದರ್ಶನದ ಪ್ರಕಾರ ಕಮಲ್ ಹಾಸನ್ ಕುಟುಂಬ ಕೊರೊನಾದ ಕಾರಣದಿಂದ ಒಟ್ಟಿಗೆ ಇಲ್ಲವಂತೆ.
ಬೇರೆ-ಬೇರೆ ಕಡೆ ಓಡಾಡಿದ್ದೇವೆ, ಹಾಗಾಗಿ ಇದು ಅವಶ್ಯಕ
ನಮ್ಮ ಕುಟುಂಬದವರೆಲ್ಲರೂ ಚಿತ್ರೀಕರಣ ಮತ್ತಿತರೆ ಕಾರಣದಿಂದ ಬೇರೆ-ಬೇರೆ ಕಡೆಗಳಲ್ಲಿ ಓಡಾಡುತ್ತಿರುತ್ತೇವೆ. ವಿದೇಶಗಳಿಗೂ ಹೋಗಿದ್ದೆವು ಹಾಗಾಗಿ ನಾವೆಲ್ಲರೂ ಈ ಸದ್ಯಕ್ಕೆ ಬೇರೆ-ಬೇರೆಯಾಗಿದ್ದೇವೆ ಎಂದು ಶ್ರುತಿ ಹಾಸನ್ ಹೇಳಿದ್ದಾರೆ.
ಬೇರೆ ಬೇರೆ ಮನೆಗಳಲ್ಲಿ ವಾಸಿಸುತ್ತಿರುವ ಕುಟುಂಬ
ಅಕ್ಷರಾ ಹಾಸನ್ ಮತ್ತು ಕಮಲ್ ಹಾಸನ್ ಚೆನ್ನೈನಲ್ಲಿದ್ದರೂ ಪರಸ್ಪರ ಬೇರೆ-ಬೇರೆ ಮನೆಗಳಲ್ಲಿ ವಾಸವಿದ್ದಾರೆ. ಶ್ರುತಿ ಹಾಸನ್ ಮುಂಬೈನಲ್ಲಿದ್ದಾರೆ. ಅವರ ತಾಯಿ ಸಾರಿಕಾ ಸಹ ಮುಂಬೈ ನಲ್ಲಿದ್ದಾರೆ ಆದರೆ ಬೇರೆ ಮನೆಯಲ್ಲಿ ವಾಸವಿದ್ದಾರೆ.
ಸುಹಾಸಿನಿ ಹಾಗೂ ಪುತ್ರನ ನಡುವೆ ಗಾಜಿನ ಗೋಡೆ
ಸುಹಾಸಿನಿ ಪುತ್ರ ನಂದನ್ ಮಣಿರತ್ನಂ ಸಹ ಸೆಲ್ಫ್ ಕ್ವಾರೆಂಟೈನ್ನಲ್ಲಿದ್ದಾರೆ. ಅವರ ಮಗನನ್ನು ಒಮ್ಮೆ ಮಾತ್ರ ಗಾಜಿನ ಗೋಡೆಯ ಆಚೆ ಬದಿಯಿಂದ ಸುಹಾಸಿನಿ ನೋಡಲು ಸಾಧ್ಯವಾಗುತ್ತಿದೆಯಂತೆ. ಈ ಬಗ್ಗೆ ಅವರು ನಿನ್ನೆ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು.