ಮುಖಪುಟ

Tamil

ನಟ ಮತ್ತು ರಾಜಕಾರಣಿ ಕಮಲ್ ಹಾಸನ್ ಸದ್ಯ ರಾಜಕೀಯದಲ್ಲಿ ಬ್ಯುಸಿಯಾಗಿದ್ದಾರೆ. ಇತ್ತೀಚಿಗೆ ಕಮಲ್ ಮಧುರೈನಿಂದ ತಿರುಚಿಗೆ ತೆರಳಲು ಖರ್ಚು ಮಾಡಿದ ಹಣ ಚರ್ಚೆಗೆ ಕಾರಣವಾಗಿದೆ. ಹೌದು, ಕಮಲ್ ಹಾಸನ್ ಮಧುರೈಯಿಂದ ತಿರುಚಿಗೆ ತೆರಳಲು ಬರೋಬ್ಬರಿ 1.5 ಲಕ್ಷರೂ ಖರ್ಚು ಮಾಡಿದ್ದಾರೆ.

ಕಮಲ್ ಹಾಸನ್ ತಿರಿಚಿಯಲ್ಲಿ ನಡೆಯುವ ಸಮಾವೇಶದಲ್ಲಿ ಭಾಗಿಯಾಗಬೇಕಿತ್ತು. ಆದರೆ ತಿರುಚಿ ವಿಮಾನ ನಿಲ್ದಾಣದಲ್ಲಿ ರನ್ ವೇ ಕಾರ್ಪೆಟ್ ಕೆಲಸದಿಂದ ವಿಮಾನವನ್ನು ಮಧುರೈಗೆ ತಿರುಗಿಸಲಾಯಿತು. ಮುಖ್ಯವಾದ ಸಮಾವೇಶ ಆಗಿದ್ದರಿಂದ ಕಮಲ್ ಹಾಸನ್ ಸರಿಯಾದ ಸಮಯಕ್ಕೆ ಆಗಮಿಸಲೇ ಬೇಕಿತ್ತು. ಹಾಗಾಗಿ ಸಮಯ ಉಳಿಸುವ ದೃಷ್ಟಿಯಿಂದ ಕಮಲ್ ಖಾಸಗಿ ಚಾಪರ್ ಮೂಲಕ ತಿರುಚಿಗೆ ಆಗಮಿಸಿದ್ದಾರೆ. ಪ್ರಯಾಣಕ್ಕೆ 1.5 ಲಕ್ಷ ರೂ. ಖರ್ಚಾಗಿದೆ.

ವಿಡಿಯೋ: ಬಿಗ್‌ಬಾಸ್ ಮನೆಯಲ್ಲಿ ಮೊಬೈಲ್ ಫೋನ್ ಬಳಸಿದ ಸ್ಪರ್ಧಿ!

ರಾಜಕಾರಣಿಗಳಿಗೆ ಇದೆಲ್ಲ ದೊಡ್ಡ ವಿಚಾರವಲ್ಲ. ಆದರೆ ತಮಿಳು ನಾಡಿನ ರಾಜಕೀಯ ವಿಚಾರದಲ್ಲಿ ಖಾಸಗಿ ಚಾಪರ್ ಗಳನ್ನು ಬಳಸುವುದು ತೀರ ವಿರಳ. ಹೆಚ್ಚಿನ ರಾಜಕೀಯ ನಾಯಕರು ರಸ್ತೆ ಅಥವಾ ವಾಣಿಜ್ಯ ವಿಮಾನಗಳನ್ನು ಬಳಸುತ್ತಾರೆ. ಆದರೆ ಜೆ ಜಯಲಲಿತಾ ಮಾತ್ರ ಅನಾರೋಗ್ಯದ ಕಾರಣದಿಂದ ಖಾಸಗಿ ಚಾಪರ್ ಬಳಲುತ್ತಿದ್ದರು.

ರನ್ ವೇ ಸಮಸ್ಯೆಯಿಂದ ಕಮಲ್ ಹಾಸನ್ ಕಾರ್ಯಕ್ರಮವನ್ನು ರದ್ದು ಮಾಡಬಹುದಿತ್ತು, ಆದರೆ ಅವರಿಗಾಗಿ ಸೇರಿದ್ದ ಸಾವಿರಾರು ಜನರಿಗಾಗಿ, ಕಾರ್ಯಕರ್ತರಿಗಾಗಿ ದುಬಾರಿ ಪ್ರಯಾಣ ಮಾಡಿದ್ದಾರೆ. ಇದು ಪಕ್ಷದ ಕಾರ್ಯಕರ್ತರಿಗೆ ಸಂತಸ ತಂದಿದೆ.

Recommended Video

ತಿರುಚಿ ವಿಮಾನ ನಿಲ್ದಾಣದಲ್ಲಿ ಕಮಲ್ ಹಾಸನ್ ಅವರನ್ನು ಸ್ವಾಗತ ಮಾಡಲು ನೂರಾರು ಕಾರ್ಯಕರ್ತರು ಕಾಯುತ್ತಿದ್ದರು. ಅಲ್ಲದೆ ಜಾನಪದ ನೃತ್ಯತಂಡ ಕಾಯುತ್ತಿತ್ತು. ಕಮಲ್ ಹಾಸನ್ ವಿಮಾನ ನಿಲ್ದಾಣಕ್ಕೆ ಆಗಮಿಸುತ್ತಿಲ್ಲ, ಚಾಪರ್ ಮೂಲಕ ಬರ್ತಿದ್ದು, ವಿಮಾನ ನಿಲ್ದಾಣದಿಂದ 5 ಕಿ.ಮೀ ದೂರದಲ್ಲಿರುವ ಮೋರಿಸ್ ನಗರದ ಹೆಲಿಪ್ಯಾಡ್ ನಲ್ಲಿ ಲ್ಯಾಂಡ್ ಆಗುತ್ತಿದ್ದಾರೆ ಎಂದು ಗೊತ್ತಾದ ಬಳಿಕ ಎಲ್ಲರೂ ಅಲ್ಲಿಗೆ ತೆರಳಿ ಅದ್ದೂರಿಯಾಗಿ ಸ್ವಾಗತ ಮಾಡಿದ್ದಾರೆ. ಕಮಲ್ ಹಾಸನ್ ನೋಡಲು ಅಭಿಮಾನಿಗಳು ಮುಗಿಬಿದ್ದಿದ್ದರು.