ಅಳುವುದೇ ಇಲ್ಲ ಎಂದಿದ್ದ ಕಂಗನಾ, ವೇದಿಕೆ ಮೇಲೆಯೇ ಕಣ್ಣೀರು ಹಾಕಿದರು

'ನನ್ನ ಜೀವನದಲ್ಲಿ ಇಂಥಹಾ ವ್ಯಕ್ತಿಯನ್ನು ಭೇಟಿಯಾಗಿಲ್ಲ'

ಕಾರ್ಯಕ್ರಮದಲ್ಲಿ 'ತಲೈವಿ' ಸಿನಿಮಾದ ನಿರ್ದೇಶಕ ಎ.ಎಲ್.ವಿಜಯ್ ಬಗ್ಗೆ ಮಾತನಾಡುತ್ತಾ, 'ನಾನು ನನ್ನ ಪ್ರತಿಭೆ ಬಗ್ಗೆ ಕೀಳರಿಮೆಯಿಂದ ಇರದಂತೆ ಬದಲಿಗೆ ನನ್ನ ಪ್ರತಿಭೆ ಬಗ್ಗೆ ಹೆಮ್ಮೆ ಪಡುವಂತೆ ಮಾಡಿದ ನಿರ್ದೇಶಕ ವಿಜಯ್ ಮಾತ್ರ. ಈ ವರೆಗೆ ನನ್ನ ಜೀವನದಲ್ಲಿ ಆ ರೀತಿಯ ವ್ಯಕ್ತಿಯನ್ನು ನಾನು ಭೇಟಿಯಾಗಿಲ್ಲ' ಎಂದರು ಕಂಗನಾ.

ಸೃಜನಶೀಲ ಪಾಲುದಾರಿಕೆ ಬಗ್ಗೆ ನಾನು ಕಲಿತುಕೊಂಡೆ: ಕಂಗನಾ

'ಪುರುಷ ನಟರಿಗೆ ನೀಡಲಾಗುವ ಗೌರವವನ್ನು ನಟಿಯರಿಗೆ ನೀಡಲಾಗುವುದಿಲ್ಲ. ಆದರೆ ವಿಜಯ್ ಇಂದ ಹಾಗಲ್ಲ. ನಟ-ನಟಿಯರೊಂದಿಗೆ ಹೇಗೆ ನಡೆದುಕೊಳ್ಳಬೇಕು. ನಟರು-ನಿರ್ದೇಶಕರ ನಡುವೆ ಸೃಜನಶೀಲ ಪಾಲುದಾರಿಕೆಯಲ್ಲಿ ಹೇಗೆ ಕೆಲಸ ಮಾಡಬೇಕು ಎಂಬುದನ್ನು ಅವರಿಂದ ಕಲಿತುಕೊಂಡೆ' ಎಂದು ಕಣ್ಣೀರು ಒರೆಸಿಕೊಳ್ಳುತ್ತಾ ಭಾಷಣ ಮುಗಿಸಿದರು ಕಂಗನಾ.

ಈ ರೀತಿಯ ಅನುಭವ ಇದೇ ಮೊದಲು: ಕಂಗನಾ

ಸಾಮಾನ್ಯವಾಗಿ ನನ್ನನ್ನು ಸಿನಿಮಾದಿಂದ ಕಿತ್ತೊಗೆಯಲಾಗುತ್ತಿತ್ತು ಆದರೆ ಸಿನಿಮಾಕ್ಕೆ ನನ್ನನ್ನು ರೆಕೆಮೆಂಡ್ ಮಾಡಿ ಪಾತ್ರದಲ್ಲಿ ನಾನೇ ನಟಿಸಬೇಕು ಎಂದು ಒತ್ತಾಯ ಮಾಡಿದ್ದು ವಿಜಯ್. ಈ ರೀತಿಯ ಸಂದರ್ಭ ನನ್ನ ಜೀವನದಲ್ಲಿ ಬಹಳ ಅಪರೂಪ ಎಂದು ಕಂಗನಾ ಅವರು ಕೆಲವು ದಿನಗಳ ಹಿಂದಿನ ಸಂದರ್ಶನವೊಂದರಲ್ಲಿ ಹೇಳಿದ್ದರು.

Recommended Video

ಚಾಂಪಿಯನ್ ಸಿನಿಮಾದ ಹಾಡಿನಲ್ಲಿ ಸನ್ನಿ ಲಿಯೋನ್ ಡ್ಯಾನ್ಸ್ | Filmibeat Kannada

ಕಂಗನಾಗೆ ನಾಲ್ಕನೇ ರಾಷ್ಟ್ರಪ್ರಶಸ್ತಿ

ಕಂಗನಾ ನಟಿಸಿರುವ ತಮಿಳು ಸಿನಿಮಾ 'ತಲೈವಿ'ಯ ಟ್ರೇಲರ್ ಇಂದು ಬಿಡುಗಡೆ ಆಗಿದೆ. ತಮಿಳುನಾಡು ಮಾಜಿ ಸಿಎಂ ಜಯಲಲಿತಾ ಜೀವನ ಕುರಿತಾದ ಈ ಈ ಸಿನಿಮಾ ಭಾರಿ ನಿರೀಕ್ಷೆ ಹುಟ್ಟಿಸಿದೆ. ನಿನ್ನೆಯಷ್ಟೆ ಕಂಗನಾಗೆ ನಾಲ್ಕನೇ ಬಾರಿ ನಟನೆಗೆ ರಾಷ್ಟ್ರ ಪ್ರಶಸ್ತಿ ಘೊಷಣೆ ಆಗಿದೆ. ಮಣಿಕರ್ಣಿಕಾ, ಪಂಗಾ ಸಿನಿಮಾಗಳ ನಟನೆಗಾಗಿ ಕಂಗನಾಗೆ ರಾಷ್ಟ್ರಪ್ರಶಸ್ತಿ ದೊರೆತಿದೆ.