ಲಾಕ್ ಡೌನ್ ನಲ್ಲಿ ನಾಟಿ ಮಾಡುತ್ತಿರುವ ನಟಿ ಕೀರ್ತಿ: ವಿಡಿಯೋ ವೈರಲ್

ಟ್ರ್ಯಾಕ್ಟರ್ ಹತ್ತಿ ಹೊಲ ಉಳುಮೆ ಮಾಡಿದ್ದ ನಟಿ

ಇತ್ತೀಚಿಗೆ ನಟಿ ಕೀರ್ತಿ ಟ್ರ್ಯಾಕ್ಟರ್ ಹತ್ತಿ ಹೊಲ ಉಳುಮೆ ಮಾಡುತ್ತಿರುವ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಲಾಕ್ ಡೌನ್ ಅವಧಿಯನ್ನು ಹೊಲದಲ್ಲಿ ಕೆಲಸ ಮಾಡುತ್ತ ಎಂಜಾಯ್ ಮಾಡುತ್ತಿರುವ ನಟಿಗೆ ಅಭಿಮಾನಿಗಳಿಂದ ಮೆಚ್ಚುಗೆ ವ್ಯಕ್ತವಾಗಿತ್ತು.

ಅದೇ ಹೊಲದಲ್ಲಿ ನಾಟಿ ಮಾಡುತ್ತಿದ್ದಾರೆ ಕೀರ್ತಿ

ನಟಿ ಕೀರ್ತಿ ಉಳುಮೆ ಮಾಡಿದ್ದ ಹೊಲದಲ್ಲಿ ಈಗ ನಾಟಿ ಮಾಡುತ್ತಿದ್ದರೆ. ತಮಿಳುನಾಡಿನ ತಿರುನೆಲ್ಲೇಲಿಯಲ್ಲಿರುವ ಕೀರ್ತಿ ಅವರ ಸ್ವಂತ ಜಮೀನಿನಲ್ಲಿ ಕೃಷಿ ಕೆಲಸ ಮಾಡುತ್ತಿದ್ದಾರೆ. ಕೀರ್ತಿ ಸಸಿ ನಡುತ್ತಿರುವ ವಿಡೀಯೋ ವೈರಲ್ ಆಗಿದ್ದು, ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

ಅತ್ಯಂತ ಕೃತಜ್ಞತೆಯ ಕೆಲಸಗಳಲ್ಲಿ ಒಂದಾಗಿದೆ

"ನಾನು ಮಾಡಿದ ಅತ್ಯಂತ ಕೃತಜ್ಞತೆಯ ಕೆಲಸಗಳಲ್ಲಿ ಇದು ಒಂದಾಗಿದೆ. ಈ ಸಮಯದಲ್ಲಿ ಕೃಷಿ ಮಾಡುವುದನ್ನು ಕಲಿಯುತ್ತಿದ್ದೀನಿ. ಇದಕ್ಕಾಗಿ ದ್ರಿಯಾ ಮಗವನ್ನು ಕರೆದುಕೊಂಡು ಬರಬೇಕಾಯಿತು" ಎಂದು ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

ಅಪ್ಪ ಮಾಡಿರುವ ವಿಡಿಯೋ

ಕೀರ್ತಿ ಪಾಂಡಿಯನ್ ನಾಟಿ ಮಾಡುತ್ತಿರುವ ವಿಡಿಯೋವನ್ನು ಅವರ ತಂದೆ ಅರುಣ್ ಪಾಂಡಿಯನ್ ಮಾಡಿರುವುದಾಗಿ ಹೇಳಿದ್ದಾರೆ. "ಇದು ನಮ್ಮ ಮನೆಯ ಆಸ್ತಿ. ಸಂಪರ್ಕ ತಡೆಯನ್ನು ಹೊಂದಿದೆ. ಇದು ಸಾರ್ವಜನಿಕ ಪ್ರದೇಶವಲ್ಲ" ಅಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ಕೀರ್ತಿ ಪಾಂಡಿಯನ್ ಬಗ್ಗೆ

ನಟಿ ಕೀರ್ತಿ ಪಾಂಡಿಯನ್ ತಮಿಳು ಚಿತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ. ತಂದೆ ಅರುಣ್ ಪಾಂಡಿಯನ್ ರಾಜಕಾರಣಿ, ನಿರ್ಮಾಪಕ ಮತ್ತು ನಟರು. ತಮಿಳು ಮಾತ್ರ ವಲ್ಲದೆ ತೆಲುಗು ಮತ್ತು ಕನ್ನಡ ಸಿನಿಮಾದಲ್ಲಿಯೂ ಅರುಣ್ ಅಭಿನಯಿಸಿದ್ದಾರೆ. ಮಗಳು ಕೀರ್ತಿಗೆ ಕೃಷಿ ಅಂದರೆ ತುಂಬ ಇಷ್ಟವಂತೆ. ಹಾಗಾಗಿ ಕೃಷಿ ಮಾಡುತ್ತಿದ್ದಾರೆ.

ಕೀರ್ತಿ ಸಿನಿಮಾಗಳು

ಕೀರ್ತಿ ಕಳೆದ ವರ್ಷ ತುಂಬ ಸಿನಿಮಾದಲ್ಲಿ ನಟಿಸುವ ಮೂಲಕ ಮೊದಲ ಬಾರಿಗೆ ತೆರೆಮೇಲೆ ಮಿಂಚಿದ್ದಾರೆ. ಇನ್ನು ತಮಿಳು ವೆಬ್ ಸಿರೀಸ್ ನಲ್ಲಿಯೂ ಕಾಣಿಸಿಕೊಳ್ಳುತ್ತಿದ್ದಾರೆ. ಜೊತೆಗೆ ಮಲಯಾಳಂನ ತಮಿಳು ರಿಮೇಕ್ ಹೆಲನ್ ಸಿನಿಮಾದಲ್ಲೂ ಕೀರ್ತಿ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸಿನಿಮಾದಲ್ಲಿ ಅಭಿನಯಿಸುವ ಮೊದಲು ಕೀರ್ತಿ ಅಪ್ಪನ ನಿರ್ಮಾಣ ಸಂಸ್ಥೆ ನೋಡಿಕೊಳ್ಳುತ್ತಿದ್ದರು.