ಎಲ್ಲೆಲ್ಲೂ 'ಈಗ' ಕಿಚ್ಚ ಸುದೀಪ್ ಚಿತ್ರದ ಭಾರೀ ಹವಾ

ಆದರೆ ಕನ್ನಡದಲ್ಲಿ ಈ ಚಿತ್ರ ನಿರ್ಮಾಣವಾಗಲೀ, ಡಬ್ ಆಗಲೀ ಆಗಿಲ್ಲ. ಕನ್ನಡಿಗರು ಕನ್ನಡನಟನ ಈ ಚಿತ್ರವನ್ನು ತಮಿಳು ಅಥವಾ ತೆಲಗು ಭಾಷೆಯಲ್ಲಿ ನೋಡಬೇಕಾಗಿದೆ. ಈ ಚಿತ್ರ ಕರ್ನಾಟಕದಲ್ಲಿ 100ಕ್ಕಿಂತ ಹೆಚ್ಚು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುವುದು ಪಕ್ಕಾ ಆಗಿದೆ. ಮೇ 30ಕ್ಕೆ ಬರಲಿರುವ ಈ ಚಿತ್ರದ ಪ್ರಚಾರ ಕಾರ್ಯ ಜೋರಾಗಿ ನಡೆಯುತ್ತಿದೆ.

ನಿರ್ದೇಶಕ ಎಸ್ ಎಸ್ ರಾಜಮೌಳಿಯವರ ನಿರ್ದೇಶನದ ಯಾವ ಚಿತ್ರವೂ ಇದುವರೆಗೆ ಸೋತಿಲ್ಲ. ಹಾಗಾಗಿ ಇಡೀ ದಕ್ಷಿಣ ಭಾರತ ಈ ಚಿತ್ರದ ಬಿಡುಗಡೆಗೆ ಕಾದು ಕುಳಿತಿದೆ. ನಾಯಕನ ಪಾತ್ರಕ್ಕಿಂತಲೂ ಮಿಗಿಲಾದ ಖಳನಾಯಕನ ಪಾತ್ರದಲ್ಲಿ ಕನ್ನಡದ ಕಿಚ್ಚ ಸುದೀಪ್ ಅಮೋಘವಾಗಿ ನಟಿಸಿದ್ದಾರೆ ಎಂಬ ಮಾಹಿತ ಜಗಜ್ಜಾಹೀರಾಗಿದೆ. ಹೀಗಾಗಿ ಕನ್ನಡಿಗರಿಗೆ ಈಗಲೇ ಪುಳಕ ಪ್ರಾರಂಭವಾಗಿದೆ. (ಒನ್ ಇಂಡಿಯಾ ಕನ್ನಡ)