ಸ್ಟಾರ್ ನಟನ ನಿರ್ದೇಶನದ ಸಿನಿಮಾದಲ್ಲಿ ಸ್ಟಾರ್ ನಟ ನಾಯಕ!

ಭಾರಿ ಬಜೆಟ್‌ನ ಸಿನಿಮಾ

ಐತಿಹಾಸಿಕ ಕತೆಯುಳ್ಳ ಭಾರಿ ದೊಡ್ಡ ಬಜೆಟ್‌ನ ಸಿನಿಮಾವನ್ನು ಧನುಶ್ ನಿರ್ದೇಶಿಸುತ್ತಿದ್ದು, ಇದರಲ್ಲಿ ನಾಗಾರ್ಜುನ ಅವರು ಬಹು ಪ್ರಮುಖ ಪಾತ್ರವನ್ನು ನಿರ್ವಹಿಸಲಿದ್ದಾರೆ.

ಸಿನಿಮಾ ಹೆಸರು ಅಂತಿಮವಾಗಿದೆ

ಸಿನಿಮಾಕ್ಕೆ ನಾನ್ ರುದ್ರನ್ ಎಂಬ ಹೆಸರಿಡಲಾಗಿದ್ದು ಅದಿತಿ ರಾವ್ ಹೈದರಿ ನಾಯಕಿಯಾಗಿ ನಟಿಸಲಿದ್ದಾರೆ. ಈ ಸಿನಿಮಾವು ತೆಲುಗು ಮತ್ತು ತಮಿಳು ಭಾಷೆಯಲ್ಲಿ ಬಿಡುಗಡೆ ಆಗಲಿದೆ. ಧನುಶ್ ಈ ಹಿಂದೆ ಪಾ ಪಾಂಡಿ ಎಂಬ ಸಿನಿಮಾ ನಿರ್ದೇಶಿಸಿದ್ದರು.

ನಾಯಕಿ ಹೆಸರು ಅಂತಿಮ

ಸಿನಿಮಾದಲ್ಲಿ ನಾಗಾರ್ಜುನ ಹೊರತಾಗಿ ಅದಿತಿ ರಾವ್ ಹೈದರಿ, ಶರತ್ ಕುಮಾರ್, ಅನು ಇಮಾನ್ಯುವೆಲ್, ಎಸ್‌.ಜೆ.ಸೂರ್ಯ ಪ್ರಮುಖ ಪಾತ್ರಗಳಲ್ಲಿ ನಟಿಸಲಿದ್ದಾರೆ. ಸಿನಿಮಾವನ್ನು ರಾಮ ನಾರಾಯಣ ನಿರ್ಮಾಣ ಮಾಡುತ್ತಿದ್ದಾರೆ.

ಹಲವು ಸಿನಿಮಾಗಳು ಧನುಶ್ ಕೈಯಲ್ಲಿ

ಇನ್ನು ಧನುಶ್ ಅವರ ಜಗಮೇ ತಾಂಡಿರಮ್ ಸಿನಿಮಾ ತಯಾರಾಗಿದ್ದು ಬಿಡುಗಡೆಗೆ ತಯಾರಾಗಿದೆ. ಅದನ್ನು ಹೊರತುಪಡಿಸಿ ಕರನನ್ ಸಿನಿಮಾ ಚಿತ್ರೀಕರಣ ಪ್ರಗತಿಯಲ್ಲಿದೆ. ಹಿಂದಿಯ ಅತರಂಗಿ ರೇ ಸಿನಿಮಾದಲ್ಲಿ ತೊಡಗಿಸಿಕೊಂಡಿದ್ದಾರೆ.