ನಿರ್ಲಜ್ಜ ನಿರ್ದೇಶಕನ ಚ(ಚಾ)ಳಿ ಬಿಡಿಸಿದ ನಮಿತಾ

ಕೆಲವು ಚಲನಚಿತ್ರ ನಿರ್ದೇಶಕರಿಗೆ ಚಿತ್ರ ವಿಚಿತ್ರ ಚಾಳಿಗಳಿರುತ್ತವೆ. ಒಂದೆರಡು ಹಿಟ್ ಚಿತ್ರಗಳನ್ನು ಕೊಟ್ಟರಂತೂ ಆತ ಹೇಳಿದ್ದೇ ವೇದವಾಕ್ಯ. ಇನ್ನೂ ಕೆಲವರಿರುತ್ತಾರೆ ಐದಾರು ಹಿಟ್ ಚಿತ್ರಗಳನ್ನು ಕೊಟ್ಟರೆ ಗಾಡ್ ಫಾದರ್ ಗೆ ಸಮಾನ.

ಕೆಲವರು ಸುದೀರ್ಘ ಸಮಯ ಚಿತ್ರರಂಗದಲ್ಲೇ ರಾಗಿಬೀಸಿ ಬೀಸಿ ಸೀನಿಯಾರಿಟಿ ಸಂಪಾದಿಸಿಕೊಂಡಿರುತ್ತಾರೆ. ಅಂತಹವರ ಬಳಿ ಹೊಸಬರು ಅವಕಾಶ ಹುಡುಕಿಕೊಂಡು ಹೋದರೆ ಸಾಕು. ಕಾಲು ಮೇಲೆ ಕಾಲು ಹಾಕಿಕೊಂಡು ಒಂದು ಕಾಲನ್ನು ಅಲುಗಾಡಿಸುತ್ತಾ ಡೈ ಹೊಡೀ ಎಂಬಂತೆ ಸೂಚಿಸುತ್ತಿರುತ್ತಾರೆ.

ನಮಿತಾ

ಅಂತಹ ಕೆಟಗರಿಗೆ ಸೇರಿದ ನಿರ್ದೇಶನಕನೊಬ್ಬನಿಗೆ ನಮಿತಾ ತಕ್ಕ ಪಾಠ ಕಲಿಸಿದ್ದಾರೆ. ತಮಿಳಿನಲ್ಲಿ ಕಳೆದ ಒಂದು ವರ್ಷದಿಂದ ಈ ನಿರ್ದೇಶಕ ರೀಲು ಸುತ್ತುತ್ತಲೇ ಇದ್ದಾನೆ. ಚಿತ್ರದ ನಾಯಕಿ ಕಾಣಿಸಿದರೆ ಸಾಕು "ಹಾಯ್ ಡಿಯರ್" ಎಂದು ವಿಶ್ ಮಾಡುತ್ತಾ ತಬ್ಬಿಕೊಳ್ಳುತ್ತಾನೆ. ಬಳಿಕ ಕೆನ್ನೆಗೆ ಕೆನ್ನೆ ತಾಗಿಸುತ್ತಾನೆ.

ಇದೇ ರೀತಿ ಆತ ಸಿಕ್ಕ ತಾರೆಗಳಿಗೆಲ್ಲಾ ತಾರತಮ್ಯ ಮಾಡದೆ ಅಪ್ಪಿಕೋ ಚಳುವಳಿ ಮಾಡುತ್ತಿದ್ದ. ಇದನ್ನು ಗಮನಿಸಿದ ನಮಿತಾ, ತಡಿ ನಿನಗೆ ಮಾಡ್ತೀನಿ ಎಂದುಕೊಂಡು ಸಮಯಕ್ಕಾಗಿ ಕಾಯುತ್ತಿದ್ದರು. ಅಂತಹ ಸಮಯ ಒಂದು ದಿನ ಬಂದೇ ಬಂತು.

ಇನ್ನೇನು ಚಿತ್ರೀಕರಣ ಆರಂಭವಾಗಬೇಕು ನಮಿತಾ ಕಾರಿನಲ್ಲಿ ಬಂದಿಳಿದರು. ಕೂಡಲೆ ಅಲ್ಲಿಗೆ ಬಂದ ಆತ "ಹಾಯ್ ಡಿಯರ್" ಎಂದು ಅಪ್ಪಿಕೊಳ್ಳಲು ಮುಂದಾದ. ಅಷ್ಟರಲ್ಲಿ ಒಂಚೂರು ಹಿಂದಕ್ಕೆ ಸರಿದ ನಮಿತಾ, "ವಣಕ್ಕಂ ಅಣ್ಣಾ" ಎಂದು ಎರಡೂ ಕೈ ಮುಗಿದಿದ್ದಾರೆ. ಅಷ್ಟೇ ನಿರ್ದೇಶಕನ ಮುಖ ಸೂಜಿ ಚುಚ್ಚಿದ ಬಲೂನಿನಂತಾಗಿದೆ. ಇತಿ ವಾರ್ತಾ ಅಂತ್ಯ.