ನಯನತಾರಾಗೆ ಅವಳಿ ಮಕ್ಕಳು.. ನಯನ್ ಸೊಂಟದ ಮೇಲಿನ ಮಚ್ಚೆ ನೋಡಿ ಅಂದೇ ಜ್ಯೂ. ಎನ್‌ಟಿಆರ್ ಭವಿಷ್ಯ?

ರಣ್‌ಲಿಯಾ- 4ಜಿ, ನಯನ್ - ವಿಕ್ಕಿ 5ಜಿ

ಮದುವೆ ಆದ 4 ತಿಂಗಳಿಗೆ ಪೋಷಕರಾದ ವಿಚಾರವನ್ನು ನಯನ್, ವಿಕ್ಕಿ ಘೋಸಿಸುತ್ತಿದ್ದಂತೆ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಟ್ರೋಲ್ ಆಗುತ್ತಿದೆ. ಕ್ರಿಕೆಟಿಗ ಹಾರ್ದಿಕ್ ಪಾಂಡ್ಯ ದಂಪತಿ 2ಜಿ ಸ್ಪೀಡ್, ರಣ್‌ಬೀರ್- ಆಲಿಯಾ ಭಟ್ 4ಜಿ ಸ್ಪೀಡ್, ನಯನ್- ವಿಘ್ನೇಶ್ 5ಜಿ ಎಂದು ಕೆಲವರು ವ್ಯಂಗ್ಯ ಮಾಡ್ತಿದ್ದಾರೆ.

ಅಂದೇ ಜ್ಯೂ. ಎನ್‌ಟಿಆರ್ ಭವಿಷ್ಯ ?

ಕೆಲ ವರ್ಷಗಳ ಹಿಂದೆ ಜ್ಯೂ. ಎನ್‌ಟಿಆರ್ ಹಾಗೂ ನಯನತಾರಾ 'ಅದುರ್ಸ್' ಎನ್ನುವ ತೆಲುಗು ಚಿತ್ರದಲ್ಲಿ ನಟಿಸಿದ್ದರು. ಚಿತ್ರದಲ್ಲಿ ತಾರಕ್ ಅರ್ಚಕನ ವೇಷದಲ್ಲಿ ಪ್ರೇಕ್ಷಕರನ್ನು ರಂಜಿಸಿದ್ದರು. ಚಿತ್ರದ ಸನ್ನಿವೇಶವೊಂದರಲ್ಲಿ ನಾಯಕಿ ನಯನ್ ಸೊಂಟ ನೋಡಿ "ನಿಮ್ಮ ಸೊಂಟದಲ್ಲಿ ಮಚ್ಚೆ ಇದೆ, ನಿಮಗೆ ಅವಳಿ ಮಕ್ಕಳು ಹುಟ್ಟುತ್ತಾರೆ, ಹೀಗಂತ ಮಚ್ಚೆ ಶಾಸ್ತ್ರ ಹೇಳುತ್ತೆ" ಎನ್ನುವ ಕಾಮಿಡಿ ಸೀನ್ ಇದೆ. ಸದ್ಯ ಈ ವಿಡಿಯೋ ಕಟ್ ಮಾಡಿ, ಅಂದು ತಾರಕ್ ಹೇಳಿದ್ದು ನಿಜವಾಯ್ತು ಎಂದು ಟ್ರೋಲ್ ಮಾಡ್ತಿದ್ದಾರೆ.

'ಇರು ಮುಗನ್' ಸಿನಿಮಾ ಕ್ಲೈಮ್ಯಾಕ್ಸ್

ನಯನತಾರಾ ಹಾಗೂ ಚಿಯಾನ್ ವಿಕ್ರಂ ನಟನೆಯ 'ಇರುಮುಗನ್' ಸಿನಿಮಾ ಕ್ಲೈಮ್ಯಾಕ್ಸ್‌ನಲ್ಲೂ ಇಂಥದ್ದೇ ಒಂದು ಸೀನ್ ಇದೆ. ವಿಕ್ರಂ, ನಯನತಾರಾ ಬಳಿ ಬೇಗ ಮಕ್ಕಳು ಬೇಕು ಎನ್ನುವುದು, ಎಷ್ಟು ಬೇಗ, 3 ವರ್ಷನಾ ಅದಕ್ಕಿಂತ ಬೇಗ, ಅಂದ್ರೆ 10 ತಿಂಗಳಲ್ಲಾ? ಅಂದರೆ ಅದಕ್ಕಿಂತ ಬೇಗ ಕೇವಲ 24 ಗಂಟೆಗಳಲ್ಲಿ ಎಂದು ವಿಕ್ರಂ ಹೇಳುವ ಸನ್ನಿವೇಶ ಇದೆ. ವಿಕ್ರಂ ಮುಖಕ್ಕೆ ವಿಘ್ನೇಶ್ ಶಿವನ್ ಮುಖವನ್ನು ಅಂಟಿಸಿ ಕೆಲವರು ವಿಡಿಯೋ ವೈರಲ್ ಮಾಡಿದ್ದಾರೆ.

ಮದುವೆಗೂ ಮೊದಲೇ ಪ್ಲ್ಯಾನ್ ಮಾಡಿದ್ದ ಜೋಡಿ

ಮದುವೆ ಮೊದಲೇ ಅಂದರೆ ಮಾರ್ಚ್‌ನಲ್ಲಿಯೇ ನಯನತಾರಾ ಹಾಗೂ ವಿಘ್ನೇಶ್ ಶಿವನ್ ಜೋಡಿ ಬಾಡಿಗೆ ತಾಯಿಯ ಸಹಾಯದಿಂದ ಮಗು ಪಡೆಯುವ ಪ್ಲ್ಯಾನ್ ಮಾಡಿಕೊಂಡಿದ್ದರು. ಆಗ ಇಂತಾದೊಂದು ಸುದ್ದಿ ಕೇಳಿಬಂದಾಗ ಬರೀ ಗಾಸಿಪ್ ಅಂತಲೇ ಎಲ್ಲರೂ ಅಂದುಕೊಂಡಿದ್ದರು. ಆದರೆ ಈಗ ಅದೇ ಸುದ್ದಿ ನಿಜವಾಗಿದೆ. ಇತ್ತೀಚೆಗೆ ಮೂವರು ಮಕ್ಕಳೊಂದಿಗೆ ಇರುವ ಫೋಟೋವನ್ನು ಹಂಚಿಕೊಂಡಿದ್ದ ವಿಘ್ನೇಶ್ "ನಾವು ಮಕ್ಕಳೊಂದಿಗೆ ಸಮಯ ಕಳೆಯುತ್ತಿದ್ದೇವೆ. ಭವಿಷ್ಯಕ್ಕಾಗಿ ಅಭ್ಯಾಸ ಮಾಡಬೇಕಲ್ಲವೇ?" ಎಂದು ಬರೆದುಕೊಂಡಿದ್ದರು. ಆಗಲೇ ಕೆಲವರಿಗೆ ಅನುಮಾನ ಮೂಡಿತ್ತು.