ಕೈ-ಕೈ ಹಿಡಿದು ಏರ್‌ಪೋರ್ಟ್‌ನಲ್ಲಿ ಕಾಣಿಸಿಕೊಂಡ ನಯನತಾರ-ವಿಘ್ನೇಶ್

ಅಣ್ಣಾತ್ತೆ ಸೆಟ್‌ನಿಂದ ಹಿಂತಿರುಗಿದ ನಯನತಾರಾ

ರಜನಿಕಾಂತ್ ನಟಿಸುತ್ತಿರುವ ಅಣ್ಣಾತ್ತೆ ಸಿನಿಮಾದಲ್ಲಿ ನಯನತಾರಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಡಿಸೆಂಬರ್ 14 ರಿಂದ ಹೈದರಾಬಾದ್‌ನಲ್ಲಿ ನಡೆಯುತ್ತಿರುವ ಚಿತ್ರೀಕರಣದಲ್ಲಿ ಪಾಲ್ಗೊಂಡಿದ್ದ ನಯನತಾರಾ, ಇಂದು ಶೂಟಿಂಗ್ ರದ್ದುಗೊಂಡ ಹಿನ್ನೆಲೆ ಬಾಯ್‌ ಫ್ರೆಂಡ್ ಜೊತೆ ಚೆನ್ನೈಗೆ ಹಾರಿದ್ದಾರೆ.

ಹೊಸ ಚಿತ್ರ ನಿರ್ದೇಶಿಸುತ್ತಿರುವ ವಿಘ್ನೇಶ್ ಶಿವನ್

ಅಂದ್ಹಾಗೆ, ವಿಘ್ನೇಶ್ ಶಿವನ್ ಸಹ ಹೈದರಾಬಾದ್‌ನಲ್ಲಿ ತಮ್ಮ ಹೊಸ ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿ ಇದ್ದರು. ವಿಜಯ್ ಸೇತುಪತಿ, ಸಮಂತಾ ಹಾಗೂ ನಯನತಾರಾ ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಕಳೆದ ವಾರವಷ್ಟೇ ಈ ಸಿನಿಮಾವೂ ಆರಂಭವಾಗಿತ್ತು. ನಯನತಾರಾ ಚೆನ್ನೈಗೆ ಹಿಂತಿರುಗಿದ ಕಾರಣ ವಿಘ್ನೇಶ್ ಶಿವನ್ ಸಹ ಗೆಳತಿ ಜೊತೆ ಹೋಗಿದ್ದಾರೆ.

ನಯನತಾರಾಗೆ ನೆಗಿಟಿವ್

ಸದ್ಯದ ಮಾಹಿತಿ ಪ್ರಕಾರ ನಟಿ ನಯನತಾರಾಗೆ ಕೊರೊನಾ ವೈರಸ್ ಆಂಟಿಜನ್ ಪರೀಕ್ಷೆಯಲ್ಲಿ ನೆಗಿಟಿವ್ ಬಂದಿದೆ ಎಂದು ತಿಳಿದಿದೆ. ಮತ್ತೊಂದೆಡೆ ರಜನಿಕಾಂತ್ ಸಹ ಅಣ್ಣಾತ್ತೆ ಸಿನಿಮಾದ ಕೆಲಸಕ್ಕೆ ಬ್ರೇಕ್ ಹಾಕಿ ಚೆನ್ನೈಗೆ ಹಿಂತಿರುಗಿದ್ದಾರೆ. ಸೋಂಕಿಗೆ ಒಳಗಾಗಿರುವ ಏಂಟು ಜನರು ಯಾರು ಎಂದು ಸ್ಪಷ್ಟವಾಗಿಲ್ಲ.

Recommended Video

ಒಟ್ಟಿಗೆ ಕಾಣಿಸಿಕೊಂಡ ಶಿವಣ್ಣ, ಸುದೀಪ್, ಸಿಂಪಲ್ ಸುನಿ | Filmibeat Kannada

ನಯನತಾರಾ ಸಿನಿಮಾಗಳು

ನಯನತಾರ ನಟಿಸಿದ್ದ ಮೂಕುತ್ತಿ ಅಮ್ಮನ್ ಸಿನಿಮಾ ಒಟಿಟಿಯಲ್ಲಿ ತೆರೆಕಂಡಿತ್ತು. ಮಲಯಾಳಂನಲ್ಲಿ ನಯನತಾರಾ ಅಭಿನಯಿಸಿರುವ ನಿಜಾಲ್ ಚಿತ್ರೀಕರಣ ಮುಗಿದಿದೆ. ವಿಘ್ನೇಶ್ ಶಿವನ್ ನಿರ್ಮಾಣದ ನೆಟ್ರಿಕಣ್ ಸಿನಿಮಾ ಶೂಟಿಂಗ್ ನಡೆದಿದೆ. ರಜನಿ ಜೊತೆ ಅಣ್ಣಾತ್ತೆ ಸಿನಿಮಾ ಮಾಡ್ತಿದ್ದಾರೆ. ಜೊತೆಗೆ ವಿಘ್ನೇಶ್ ನಿರ್ದೇಶನದ ಹೊಸ ಚಿತ್ರದಲ್ಲಿಯೂ ಅಭಿನಯಿಸುತ್ತಿದ್ದಾರೆ.