ಈ ಸುದ್ದಿ ಹರಡಿಸಿದ ನೀವೆಲ್ಲ ಜೋಕರ್ಸ್ ಎಂದ ನಯನತಾರಾ!

ನಾವು ಬದುಕಿದ್ದೇವೆ

ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಸುದ್ದಿಯನ್ನು ನಯನತಾರಾ ತಮಾಷೆಯಾಗಿ ಸ್ವೀಕರಿಸಿದ್ದಾರೆ. 'ಹಾಯ್, ನಾವು ಬದುಕಿದ್ದೇವೆ, ಆರೋಗ್ಯವಂತರಾಗಿದ್ದೇವೆ ಮತ್ತು ಖುಷಿಯಾಗಿದ್ದೇವೆ' ಎಂದು ನಯನತಾರಾ ತಿಳಿಸಿದ್ದಾರೆ.

ನಾವು ಆರೋಗ್ಯದಿಂದ ಇದ್ದೇವೆ

ಇನ್‌ಸ್ಟಾಗ್ರಾಂನಲ್ಲಿ ಮಕ್ಕಳಿಬ್ಬರು ಮ್ಯೂಸಿಕ್‌ಗೆ ಖುಷಿಯಿಂದ ಕುಣಿದಾಡುವ ವಿಡಿಯೋ ಹಾಕಿರುವ ನಯನತಾರಾ, ತಾವು ಸಂತೋಷದಿಂದ ಇದ್ದೇವೆ ಎಂಬ ಮಾಹಿತಿ ನೀಡಿದ್ದಾರೆ. ಅವರ ಅಧಿಕೃತ ವಕ್ತಾರ ಕೂಡ ಇಬ್ಬರೂ ಆರೋಗ್ಯವಾಗಿದ್ದಾರೆ ಎಂದು ತಿಳಿಸಿದ್ದಾರೆ.

ದೇವರು ಶಕ್ತಿ ನೀಡಿದ್ದಾನೆ

'ನೀವೆಲ್ಲ ಜೋಕರ್‌ಗಳನ್ನು ಹಾಗೂ ನಿಮ್ಮ ಬಾಲಿಶ ಜೋಕ್‌ಗಳ ಕಲ್ಪನೆಗಳನ್ನು ನೋಡಲು ದೇವರು ನಮಗೆ ಸಾಕಷ್ಟು ಬಲ ಹಾಗೂ ಸಂತೋಷ ನೀಡಿದ್ದಾನೆ' ಎಂದು ನಯನತಾರಾ, ಈ ರೀತಿ ಸುದ್ದಿ ಹರಿಬಿಟ್ಟವರನ್ನು ವ್ಯಂಗ್ಯವಾಡಿದ್ದಾರೆ.

ನೀವೆಲ್ಲ ನಮ್ಮ ಹಿತೈಷಿಗಳು!

'ನಾವು ಈ ಸುದ್ದಿಯನ್ನು ಹೀಗೆ ನೋಡುತ್ತಿದ್ದೇವೆ. ಕೊರೊನಾ ಮತ್ತು ಎಲ್ಲ ಪತ್ರಿಕೆ ಹಾಗೂ ಸಾಮಾಜಿಕ ಮಾಧ್ಯಮದ ಸ್ವೀಟ್ ಹಾರ್ಟ್‌ಗಳ ಕಲ್ಪನೆ. ನಮ್ಮ ಹಿತೈಷಿಗಳು. ನಾವು ಸಂತಸದಿಂದ ಇದ್ದೇವೆ' ಎಂದು ವಿಘ್ನೇಶ್ ಶಿವನ್ ಕೂಡ ನಯನತಾರಾ ಹಾಕಿರುವ ವಿಡಿಯೋವನ್ನೇ ಪೋಸ್ಟ್ ಮಾಡಿದ್ದಾರೆ. ನಂತರ ಇಬ್ಬರೂ ರೊಮ್ಯಾಂಟಿಕ್ ಫೋಟೊವೊಂದನ್ನು ಶೇರ್ ಮಾಡಿದ್ದಾರೆ.