ನಯನತಾರ-ವಿಘ್ನೇಶ್ ಮದುವೆ ವಿಳಂಬವಾಗಲು ಕಾರಣ 'ಹಣ'

ನಯನತಾರಾನ ಮದ್ವೆ ಯಾವಾಗ ಆಗ್ತೀರಾ?

ನಯನತಾರಾ ಮತ್ತು ವಿಘ್ನೇಶ್ ಶಿವನ್ ಮದುವೆ ಆಗ್ತಾರಾ? ಇಲ್ವಾ? ಎನ್ನುವುದು ಅಭಿಮಾನಿಗಳನ್ನು ಕಾಡ್ತಿರುವ ವಿಷಯ. ಏಕಂದ್ರೆ ಈ ಬಗ್ಗೆ ಇಬ್ಬರು ಅಧಿಕೃತವಾಗಿ ಸ್ಪಷ್ಟನೆ ಕೊಡ್ತಿಲ್ಲ. ಭಾನುವಾರ ಅಭಿಮಾನಿಗಳ ಜೊತೆ ಸಂವಾದ ನಡೆಸಿದ ವಿಘ್ನೇಶ್‌ಗೆ ಓರ್ವ ವ್ಯಕ್ತಿ ''ನೀವು ನಯನತಾರಾ ಅವರನ್ನು ಯಾವಾಗ ಮದ್ವೇ ಆಗ್ತೀರಾ, ಇದಕ್ಕಾಗಿ ನಾನು ಬಹಳ ಕಾತುರದಿಂದ ಕಾಯುತ್ತಿದ್ದೇನೆ'' ಎಂದು ಕೇಳಿದ್ದಾರೆ. ಇದಕ್ಕೆ ವಿಘ್ನೇಶ್ ಕೊಟ್ಟ ಉತ್ತರ ಹಾಸ್ಯಾಸ್ಪದ ಎನಿಸಿದೆ.

ಹಣ ಸಂಗ್ರಹಿಸಿ ಇಡುತ್ತಿದ್ದೇವೆ

ಮದುವೆ ಯಾವಾಗ ಎಂದು ಕೇಳಿದ ಅಭಿಮಾನಿಗೆ ಉತ್ತರ ಕೊಟ್ಟ ವಿಘ್ನೇಶ್ ಶಿವನ್ 'ಹಣಕ್ಕಾಗಿ ಕಾಯ್ತಿದ್ದೇವೆ' ಎಂದಿದ್ದಾರೆ. ''ಮದುವೆ ಮತ್ತು ಎಲ್ಲಾದಕ್ಕೂ ಬಹಳ ಖರ್ಚು ಆಗುತ್ತದೆ. ಅದಕ್ಕಾಗಿ ಹಣ ಸಂಗ್ರಹಿಸಿ ಇಡ್ತಿದ್ದೇವೆ. ಈ ಕೊರೊನಾ ಹೋದ್ಮೇಲೆ ಆಗೋಣ'' ಎಂದು ಉತ್ತರಿಸಿದ್ದಾರೆ.

ಹಣ ಇಲ್ಲ ಎನ್ನುವುದು ನಂಬುವ ವಿಚಾರವೇ?

ದಕ್ಷಿಣದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿ ನಯನತಾರಾ. ವಿಘ್ನೇಶ್ ಶಿವನ್ ಸಹ ಯಶಸ್ವಿ ನಿರ್ದೇಶಕ. ಶೂಟಿಂಗ್ ಹಾಗೂ ಹಾಲಿಡೇ ಎಂಜಾಯ್ ಮಾಡಲು ಎಲ್ಲಾದರೂ ಹೋಗಬೇಕು ಎನಿಸಿದಾಗ ಖಾಸಗಿ ವಿಮಾನದಲ್ಲಿ ಪ್ರಯಾಣ ಮಾಡುವ ಜೋಡಿ ಇದು. ದುಬಾರಿ ಜೀವನ, ಇಷ್ಟಪಟ್ಟ ಸ್ಥಳ, ತಿಂಡಿ, ಬಟ್ಟೆ, ಹೀಗೆ ಲೈಫ್ ಎಂಜಾಯ್ ಮಾಡ್ತಿರುವ ನಯನತಾರ ಮತ್ತು ವಿಘ್ನೇಶ್‌ನ್‌ಗೆ ಹಣದ ಕೊರತೆಯೇ ಎಂದು ನೆಟ್ಟಿಗರು ಚರ್ಚಿಸುತ್ತಿದ್ದಾರೆ.

ಎಂಗೇಜ್‌ಮೆಂಟ್ ಆಗಿದೆ?

'ನಾನುಮ್ ರೌಡಿ ಧಾನ್' ಎಂಬ ಚಿತ್ರದ ವೇಳೆ ನಯನತಾರಾ ಮತ್ತು ವಿಘ್ನೇಶ್ ಪ್ರೀತಿಯಲ್ಲಿ ಬಿದ್ದರು. ಈ ಸಿನಿಮಾ ಬಂದು ಆರು ವರ್ಷ ಆಗಿದೆ. ಒಂದಿಷ್ಟು ವರದಿಗಳ ಪ್ರಕಾರ, ನಯನತಾರ ಮತ್ತು ವಿಘ್ನೇಶ್ ಪರಸ್ಪರ ಉಂಗುರ ಬದಲಿಸಿಕೊಂಡು ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. ಎರಡು ಮನೆಯವರು ಮದುವೆ ಮಾಡಲು ತಯಾರಿ ನಡೆಸಿದ್ದಾರೆ ಎಂಬ ಗುಮಾನಿಯೂ ಇದೆ. ಆದರೆ ಆ ಸಮಯ ಯಾವುದು ಎನ್ನುವುದೇ ಅಭಿಮಾನಿಗಳ ಪ್ರಶ್ನೆಯಾಗಿದೆ.