6 ವರ್ಷದ ಹಿಂದೆಯೇ ಮದುವೆ? ನಯನ್- ವಿಕ್ಕಿ ಸರೋಗಸಿ ವಿವಾದಕ್ಕೆ ದುಬೈ ಟ್ವಿಸ್ಟ್.. ಸಂಕಷ್ಟದಿಂದ ದಂಪತಿ ಬಚಾವ್?

ಸರೋಗಸಿ ವಿವಾದಕ್ಕೆ ದುಬೈ ಟ್ವಿಸ್ಟ್?

ದಂಪತಿ ಕಾನೂನಿನ ಪ್ರಕಾರವೇ ಸರೋಗಸಿ ವಿಧಾನದ ಮೂಲಕ ಅವಳಿ ಮಕ್ಕಳಿಗೆ ಪೋಷಕರಾಗಿದ್ದಾರಂತೆ. ಈ ವಿವಾದದಲ್ಲಿ ನಯನ್ ಹಾಗೂ ವಿಕ್ಕಿ ದಂಪತಿ ಸಮಸ್ಯೆ ಇರುವುದಿಲ್ಲವಂತೆ. ಯಾಕಂದರೆ ಸರೋಗಸಿ ವಿಧಾನದಲ್ಲಿ ಅವಳಿ ಮಕ್ಕಳಿಗೆ ಜನ್ಮ ನೀಡಿದ ತಾಯಿ ದುಬೈನಲ್ಲಿದ್ದಾರೆ. ನಯನತಾರ ಸಹೋದರ ಆಕೆಯನ್ನು ಒಪ್ಪಿಸಿದ್ದಾರಂತೆ. ದುಬೈನಲ್ಲಿ ಸರೋಗಸಿ ವಿಧಾನಕ್ಕೆ ಅವಕಾಶ ಇದೆ ಹಾಗಾಗಿ ನಯನತಾರ ಹಾಗೂ ವಿಘ್ನೇಶ್ ದಂಪತಿಗೆ ಸಮಸ್ಯೆ ಇಲ್ಲ ಎನ್ನಲಾಗುತ್ತಿದೆ.

ದುಬೈನಲ್ಲಿರುವ ಆ ಮಹಿಳೆ ಯಾರು?

ಒಂದಷ್ಟು ವರದಿಗಳ ಪ್ರಕಾರ ದಂಪತಿಗೆ ಅವಳಿ ಮಕ್ಕಳನ್ನು ಹೆತ್ತು ಕೊಟ್ಟ ಮಹಿಳೆ ನಯನತಾರಾಗೆ ದೂರದ ಸಂಬಂಧಿ ಆಗಬೇಕಂತೆ. ಆಕೆಯೇ ದುಬೈನಲ್ಲಿ ನಟಿಗೆ ಸಂಬಂಧಿಸಿದ ಬ್ಯುಸಿನೆಸ್‌ ಎಲ್ಲವನ್ನು ನೋಡಿಕೊಳ್ಳುತ್ತಾಳಂತೆ. ಕೇರಳ ಮೂಲದ ಆ ಮಹಿಳೆ ಹಲವು ವರ್ಷಗಳಿಂದ ದುಬೈನಲ್ಲಿ ನೆಲೆಸಿದ್ದಾಳಂತೆ. ಹಾಗಾಗಿ ವಿಕ್ಕಿ- ನಯನ್ ದಂಪತಿಗೆ ಈ ಸರೋಗಸಿ ವಿಧಾನದಿಂದ ಮಕ್ಕಳು ಪಡೆದಿದ್ದಕ್ಕೆ ಸಮಸ್ಯೆ ಇಲ್ಲ ಎನ್ನುವ ಮಾತುಗಳು ಕೇಳಿಬರ್ತಿದೆ.

ಮದುವೆಗೂ ಮೊದಲೇ ನಿರ್ಧಾರ

ಮದುವೆಗಿಂತ ಸುಮಾರು 5 ತಿಂಗಳ ಮೊದಲೇ ನಯನ್-ವಿಕ್ಕಿ ದಂಪತಿಯ ಅವಳಿ ಮಕ್ಕಳ ಸರೋಗಸಿ ಪ್ರಾಸೆಸ್ ಶುರುವಾದಂತೆ ಕಾಣುತ್ತಿದೆ. ಮದುವೆಗೂ ಮೊದಲೇ ಬಾಡಿಗೆ ಗರ್ಭದಲ್ಲಿ ಮಕ್ಕಳು ಬೆಳೆಯಲು ಪ್ರಾರಂಭಿಸಿದ ಸಾಧ್ಯತೆಯಿದೆ. ಹಲವು ವರ್ಷಗಳಿಂದ ದಂಪತಿ ಪ್ರೀತಿಸುತ್ತಿದ್ದರು. ಆದರೆ ಈ ಬಗ್ಗೆ ಎಲ್ಲೂ ಮಾತನಾಡಿರಲಿಲ್ಲ. ಸಹಜೀವನ ನಡೆಸುತ್ತಿದ್ದ ಜೋಡಿ ಮದುವೆಗೂ ಮೊದಲೇ ಸರೋಗಸಿ ವಿಧಾನದಿಂದ ಮಕ್ಕಳನ್ನು ಪಡೆಯಲು ನಿರ್ಧರಿಸಿದ್ದರು ಎನ್ನುವುದು ಗೊತ್ತಾಗುತ್ತಿದೆ.

ಸರೋಗಸಿ ವಿಧಾನ ಎಂದರೇನು?

ಬಾಡಿಗೆ ಗರ್ಭದ ಮೂಲಕ ಮಕ್ಕಳನ್ನು ಪಡೆಯುವುದಕ್ಕೆ ಸರೋಗಸಿ ವಿಧಾನ ಎನ್ನುತ್ತಾರೆ. ಅಂದರೆ ಬೇರೆ ಮಹಿಳೆ ಹಾಗೂ ಪುರುಷನಿಗೆ ಸೇರಿದ ಮಗುವನ್ನು ಮತ್ತೊಬ್ಬ ಮಹಿಳೆ ತನ್ನ ಗರ್ಭದಲ್ಲಿ ಹೊತ್ತು ಹೆರುವ ವಿಧಾನ. ಪ್ರಸವದ ನಂತರ ಮಗುವನ್ನು ಹೊತ್ತು ಹೆತ್ತ ಮಹಿಳೆಗೆ ಆ ಮಗುವಿನ ಮೇಲೆ ಯಾವುದೇ ಹಕ್ಕು ಇರುವುದಿಲ್ಲ. ಅಂಡಾಣು, ವೀರ್ಯ ಕೊಟ್ಟವರೇ ಆ ಮಗುವಿಗೆ ಪೋಷಕರಾಗುತ್ತಾರೆ. ಈ ವಿಧಾನದಲ್ಲಿ ಪ್ರಿಯಾಂಕ ಚೋಪ್ರಾ, ಮಂಚು ಲಕ್ಷ್ಮಿ, ಶಾರುಕ್ ಖಾನ್ ಸೇರಿದಂತೆ ಸಾಕಷ್ಟು ಸೆಲೆಬ್ರೆಟಿಗಳು ಮಕ್ಕಳನ್ನು ಪಡೆದಿದ್ದಾರೆ.

6 ವರ್ಷದ ಹಿಂದೆ ವಿಕ್ಕಿ- ನಯನ್ ಕಲ್ಯಾಣ?

ತಮಿಳುನಾಡು ಸರ್ಕಾರ ಕೂಡ ನಯನ್- ವಿಕ್ಕಿ ದಂಪತಿ ಹೇಗೆ ಮಕ್ಕಳನ್ನು ಪಡೆದರು ಎನ್ನುವ ಮಾಹಿತಿ ಕೇಳಿತ್ತು. 6 ವರ್ಷಗಳ ಹಿಂದೆಯೇ ಜೋಡಿ ಮದುವೆ ರಿಜಿಸ್ಟರ್ ಮಾಡಿಸಿತ್ತು ಎನ್ನಲಾಗ್ತಿದ್ದು, ಇದಕ್ಕೆ ಸಂಬಂಧಿಸಿದ ಅಫಿಡವಿಟ್‌ ಅನ್ನು ಸರ್ಕಾರಕ್ಕೆ ಸಲ್ಲಿಸಲಿದೆಯಂತೆ. ಹಾಗಾಗಿ ಯಾವುದೇ ಸಮಸ್ಯೆ ಇಲ್ಲದೇ ಈ ವಿವಾದದಿಂದ ಹೊರಬರುವ ಸಾಧ್ಯತೆಯಿದೆ.