ಮಾಜಿ ಬಿಗ್ ಬಾಸ್ ಸ್ಪರ್ಧಿ ಫೇಶಿಯಲ್ ಅವಾಂತರ; ಹೇಗಿದ್ದರೂ ಈಗ ಹೇಗಾಗಿದ್ದಾರೆ ನೋಡಿ

ತಜ್ಞರ ವಿರುದ್ಧ ರೈಜಾ ಅಸಮಾಧಾನ

ಚರ್ಮ ರೋಗ ತಜ್ಞರ ಯಡವಟ್ಟಿನಿಂದ ರೈಜಾ ಅವರ ಮುಖದ ಅಂದವೇ ಹೊರಟು ಹೋಗಿದೆ. ಮುಖ ಊದಿಕೊಂಡಿದ್ದು, ಕಣ್ಣಿನ ಕೆಳಗೆ ಕಪ್ಪಾಗಿ ಮುಖ ಅಂದವೇ ಹಾಳಾಗಿದೆ. ಚರ್ಮ ರೋಗ ತಜ್ಞರ ಬಳಿಹೋಗಿದ್ದ ರೈಜಾ ಅವರು ಫೇಶಿಯಲ್ ಮಾಡಿಸಿದ್ದಾರೆ, ಫೇಶಿಯಲ್ ಮಾತ್ರವಲ್ಲ ಸೌಂದರ್ಯ ಹೆಚ್ಚಾಗುತ್ತೆ ಎಂದು ಮತ್ತೇನೋ ಮಾಡಿದ್ದಾರೆ. ಬೇಡ ಎಂದರೂ ಒತ್ತಾಯ ಮಾಡಿ ಚಿಕಿತ್ಸೆ ನೀಡಿದ್ದಾರೆ.

ಫೋನ್ ಮಾಡಿದರೂ ಸಿಗುತ್ತಿಲ್ಲ ವೈದ್ಯರು

ಮನೆಗೆ ಬಂದ ಬಳಿಕ ರೈಜಾ ಮುಖ ಊದಿಕೊಳ್ಳಲು ಪ್ರಾರಂಭಿಸಿದೆ. ಬೆಳಗ್ಗೆದ್ದು ನೋಡಿದಾಗ ಅವರ ಕಣ್ಣಿನ ಕೆಳ ಭಾಗ ಸಂಪೂರ್ಣವಾಗಿ ಊದಿಕೊಂಡು, ಕಪ್ಪಾಗಿದೆ. ಗಾಬರಿಯಾದ ರೈಜಾ ಚಿಕಿತ್ಸೆ ನೀಡಿದ ಸೌಂದರ್ಯ ತಜ್ಞರಿಗೆ ಕರೆ ಮಾಡಿದ್ದಾರೆ. ಆದರೆ ಅವರು ಕರೆ ಸ್ವೀಕರಿಸಿಲ್ಲ, ಬಳಿಕ ಆಸ್ಪತ್ರೆಗೆ ಫೋನ್ ಮಾಡಿದ್ರೆ ಊರಲ್ಲಿ ಇಲ್ಲ ಎಂದು ಹೇಳುತ್ತಿದ್ದಾರೆ.

ಅಳಲು ತೋಡಿಕೊಳ್ಳುತ್ತಿದ್ದಾರೆ ಇನ್ನು ಅನೇಕರು

ಈ ಬಗ್ಗೆ ರೈಜಾ ಸಾಮಾಜಿಕ ಜಾಲತಾಣದಲ್ಲಿ ಬಹಿರಂಗ ಪಡಿಸಿ, ಚಿಕಿತ್ಸೆ ನೀಡಿದ ಕ್ಲೀನಿಕ್ ವಿಳಾಸವನ್ನು ಹಂಚಿಕೊಂಡಿದ್ದಾರೆ. ಅನೇಕರಿಗೆ ಹೀಗೆ ಆಗಿದ್ದು, ಬಹುತೇಕರು ನಟಿ ರೈಜಾ ಅವರಿಗೆ ಸಂದೇಶ ಕಳುಹಿಸಿದ್ದಾರೆ. ಎಲ್ಲಾ ಮೆಸೇಜ್‌ಗಳನ್ನು ರೈಜಾ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

Recommended Video

ಪವರ್ ಸ್ಟಾರ್ ಗೆ ಕರೆ ಮಾಡಿದ ಎಂಎಸ್ ಧೋನಿ ಹೇಳಿದ್ದೇನು? | Filmibeat Kannada

2017ರಲ್ಲಿ ಬಣ್ಣದ ಲೋಕಕ್ಕೆ ಬಂದ ರೈಜಾ

ರೈಜಾ 2017ರಲ್ಲಿ ಬಣ್ಣದ ಲೋಕಕ್ಕೆ ಕಾಲಿಟ್ಟಿದ್ದಾರೆ. ಪುಟ್ಟ ಪಾತ್ರದ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ರೈಜಾ ಬಳಿಕ ತಮಿಳು ಬಿಗ್‌ಬಾಸ್‌ನಿಂದ ಖ್ಯಾತಿಗಳಿಸಿದ್ದಾರೆ. ಅತ್ಯಂತ ಜನಪ್ರಿಯ ಸ್ಪರ್ಧಿಗಳಲ್ಲಿ ರೈಜಾ ಒಬ್ಬರಾಗಿದ್ದರು. 2018ರಲ್ಲಿ ರಿಲೀಸ್ ಆದ ಪ್ಯಾರ್ ಪ್ರೇಮ ಕಾದಲ್ ಸಿನಿಮಾದಲ್ಲಿ ಪೂರ್ಣ ಪ್ರಮಾಣದ ನಾಯಕಿಯಾಗಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ಸದ್ಯ ರೈಜಾ ಬಳಿ ಸಾಕಷ್ಟು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ.