ರಜನಿಕಾಂತ್ 'ದರ್ಬಾರ್'ಗೆ ಅದೃಷ್ಟ ತಂದ ಎಸ್.ಪಿ ಬಾಲಸುಬ್ರಹ್ಮಣ್ಯಂ

24 ಗಂಟೆಯಲ್ಲಿ 8 ಮಿಲಿಯನ್

ಅನಿರುದ್ಧ್ ರವಿಚಂದ್ರನ್ ಸಂಗೀತ, ವಿವೇಕ್ ಸಾಹಿತ್ಯ ರಚಿಸಿ ಎಸ್ ಪಿ ಬಾಲಸುಬ್ರಹ್ಮಣ್ಯಂ ಹಾಡಿರುವ ದರ್ಬಾರ್ ಚಿತ್ರದ 'ಚುಮ್ಮ ಕಿಳಿ' ಹಾಡು ಈ ಹಿಂದಿನ ಎಲ್ಲ ದಾಖಲೆಗಳನ್ನು ಉಡೀಸ್ ಮಾಡಿದ. 24 ಗಂಟೆಯಲ್ಲಿ 8 ಮಿಲಿಯನ್ ವೀಕ್ಷಣೆ ಕಂಡಿರುವ ಲಿರಿಕಲ್ ವಿಡಿಯೋ ಸಾಂಗ್ ಎಂಬ ರೆಕಾರ್ಡ್ ಮಾಡಿದೆ.

ಎಸ್.ಪಿ.ಬಿ ಮತ್ತು ತಲೈವಾ ಜುಗಲ್ ಬಂದಿ

ದರ್ಬಾರ್ ಹಾಡು ಬಹುದೊಡ್ಡ ಹಿಟ್ ಆಗಿದೆ. ಈ ಯಶಸ್ಸಿನಲ್ಲಿ ಎಸ್ ಪಿ ಬಾಲಸುಬ್ರಹ್ಮಣ್ಯಂ ಅವರ ಪಾಲು ದೊಡ್ಡದಿದೆ. ಈ ಹಿಂದೆ ಪೇಟಾ ಸಿನಿಮಾದಲ್ಲಿ ಎಸ್ ಪಿ ಬಿ ಹಾಡಿದ್ದ 'ಮರಣ ಮಾಸ್ ಮರಣ....' ಹಾಡು ಅಷ್ಟೇ ಎಲ್ಲ ದಾಖಲೆಗಳನ್ನು ಚಿಂದಿ ಮಾಡಿತ್ತು.

ಎಸ್ ಪಿ ಬಿ ಮತ್ತು ರಜನಿ ಹಿಟ್ ಹಾಡುಗಳು

ರಜನಿಕಾಂತ್ ಚಿತ್ರಗಳಲ್ಲಿ ಎಸ್ ಪಿ ಬಾಲಸುಬ್ರಹ್ಮಣ್ಯಂ ಅವರು ಹಾಡಿರುವ ಪ್ರಮುಖ ಹಾಡುಗಳನ್ನ ಪಟ್ಟಿ ಮಾಡುವುದಾದರೇ....ಪಡೆಯಪ್ಪಾ ಚಿತ್ರದಲ್ಲಿ ಯ ಪೇರು ಪಡೆಯಪ್ಪಾ....., ಅರುಣಾಚಲಂ ಚಿತ್ರದಲ್ಲಿ ಅದಂಡಾ ಇದಂಡಾ...., ಮುತ್ತು ಚಿತ್ರದಲ್ಲಿ ಒರುವನ್ ಒರುವನ್ ಮೊದಲಾಳಿ....., ಬಾಷಾ ಚಿತ್ರದಲ್ಲಿ ನಾನ್ ಆಟೋಕಾರನ್...., ಅಣ್ಣಾಮಲೈ ಚಿತ್ರದಲ್ಲಿ ವಂದಂಡಾ ಪಾಲಕಾರಾ.....ಹೀಗೆ ಹಲವು ಹಿಟ್ ಗೀತೆಗಳೇ ಇವೆ.

25 ವರ್ಷದ ಬಳಿಕ ಪೊಲೀಸ್

ಎಆರ್ ಮುರುಗದಾಸ್ ನಿರ್ದೇಶನದ ದರ್ಬಾರ್ ಚಿತ್ರದಲ್ಲಿ ರಜನಿಕಾಂತ್ ಪೊಲೀಸ್ ಆಫೀಸರ್ ಆಗಿ ಕಾಣಿಸಿಕೊಂಡಿದ್ದಾರೆ. ಸುಮಾರು 25 ವರ್ಷಗಳ ಬಳಿಕ ರಜನಿ ಕಾಪ್ ಆಗಿ ಅಬ್ಬರಿಸುತ್ತಿದ್ದಾರೆ. ಈಗಾಗಲೇ ದರ್ಬಾರ್ ಶೂಟಿಂಗ್ ಮುಗಿದಿದ್ದು, ಸಂಕ್ರಾಂತಿ ಹಬ್ಬಕ್ಕೆ ತೆರೆಗೆ ಬರಲಿದೆ.