ತಮಿಳ್ ರಾಕರ್ಸ್ ಗೆ ಪಾಠ ಕಲಿಸಲು ರಜನಿ ಫ್ಯಾನ್ಸ್ ಹೊಸ ಪ್ಲಾನ್

ಥಿಯೇಟರ್ ನಲ್ಲೇ ನೋಡಲು ನಿರ್ಧಾರ

ದರ್ಬಾರ್ ಸಿನಿಮಾ ಪೈರಸಿ ಆಗುವುದನ್ನು ತಡೆಯಲು ಕಷ್ಟಸಾಧ್ಯ ಎಂದು ತಿಳಿದಿರುವ ರಜನಿಕಾಂತ್ ಅಭಿಮಾನಿಗಳು, ಪೈರಸಿ ಕಾಪಿ ನೋಡದಿರಲು ತೀರ್ಮಾನಿಸಿದ್ದಾರೆ. ಸಿನಿಮಾವನ್ನು ಚಿತ್ರಮಂದಿರದಲ್ಲೇ ನೋಡುವಂತೆ ಇತರೆ ಫ್ಯಾನ್ಸ್ ಗೆ ಮನವಿ ಮಾಡಿಕೊಳ್ಳುತ್ತಿದ್ದಾರೆ.

ಮತ್ತೆ ಮತ್ತೆ ನೋಡಲು ಚಿಂತನೆ

ದರ್ಬಾರ್ ಚಿತ್ರವನ್ನು ಮತ್ತೆ ಮತ್ತೆ ಚಿತ್ರಮಂದಿರದಲ್ಲಿ ನೋಡುವಂತೆ ಮಾಡುವ ಚಿಂತನೆ ಮಾಡಿದ್ದಾರೆ. ಇದರಿಂದ ದರ್ಬಾರ್ ಕಲೆಕ್ಷನ್ ಮೇಲೆ ಕೂಡ ಯಾವುದೇ ವ್ಯತಿರಿಕ್ತ ಪರಿಣಾಮ ಆಗದಂತೆ ಮಾಡುವುದು. ಆನ್ ಲೈನ್ ನಲ್ಲಿ ಲೀಕ್ ಆದರೆ ಆ ಕಾಪಿಗೆ ಮಹತ್ವ ಸಿಗಬಾರದು ಎನ್ನುವುದು ಅಭಿಮಾನಿಗಳು ಉದ್ದೇಶ.

ಪೇಟಾ ಲೀಕ್ ಆಗಿತ್ತು

ಈ ಹಿಂದೆ ರಜನಿಕಾಂತ್ ಅಭಿನಯದ ಪೇಟಾ ಸಿನಿಮಾ ಮೊದಲ ಶೋ ಮುಗಿದ ತಕ್ಷಣ ಲೀಕ್ ಆಗಿತ್ತು. ಆದರೂ ಚಿತ್ರಕ್ಕೆ ಯಾವುದೇ ಸಂಕಷ್ಟ ಆಗಲಿಲ್ಲ. ಕಲೆಕ್ಷನ್ ಚೆನ್ನಾಗಿತ್ತು, ಸಿನಿಮಾಗೆ ಪ್ರತಿಕ್ರಿಯೆಯೂ ಚೆನ್ನಾಗಿತ್ತು. ಹಾಗಾಗಿ, ಪೇಟಾ ಸಿನಿಮಾ ಬಾಕ್ಸ್ ಆಫೀಸ್ ನಲ್ಲಿ ಹಿಟ್ ಆಯ್ತು.

ಸಕ್ಸಸ್ ಆಗುತ್ತಾ ರಜನಿ ಫ್ಯಾನ್ಸ್ ಪ್ಲಾನ್?

ಎಲ್ಲ ಭಾಷೆಯ ಎಲ್ಲಾ ಸ್ಟಾರ್ ನಟರ ಚಿತ್ರಗಳನ್ನು ಮೊದಲ ಶೋ ಮುಗಿಯುವಷ್ಟರಲ್ಲಿ ಲೀಕ್ ಮಾಡುತ್ತಿರುವ ಕುಖ್ಯಾತ ವೆಬ್ ಸೈಟ್ ತಮಿಳ್ ರಾಕರ್ಸ್ ವಿರುದ್ಧ ಯಾವುದೇ ಕಟ್ಟುನಿಟ್ಟಾದ ಕ್ರಮ ತೆಗೆದುಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಜನರಲ್ಲಿ ಅರಿವು ಮೂಡಿಸಿದರೆ ಆ ಪೈರಸಿ ನೋಡುವುದು ಕಮ್ಮಿಯಾಗಬಹುದು ಎಂಬ ಅಭಿಪ್ರಾಯ ರಜನಿಕಾಂತ್ ಅಭಿಮಾನಿಗಳದ್ದು. ಒಂದು ವೇಳೆ ಇವರ ಈ ಪ್ಲಾನ್ ಸಕ್ಸಸ್ ಆದರೆ ಮುಂದಿನ ದಿನದಲ್ಲಿ ಸಿನಿಮಾ ಜಗತ್ತಿಗೆ ಅನುಕೂಲವೇ ಆಗುತ್ತೆ. ಆಗದಿದ್ದಲ್ಲಿ?