Don't Miss!
- News Tirumala Property: ತಿರುಪತಿ ತಿರುಮಲ ಶ್ರೀವಾರಿಯ 2023-24ರ ಆಸ್ತಿ ವಿವರ ಇಲ್ಲಿದೆ..
- Automobiles ಭಾರತದ ರಸ್ತೆಯಲ್ಲಿ ಘರ್ಜಿಸುತ್ತಿರುವ ಪವರ್ಫುಲ್ ಎಪ್ರಿಲಿಯಾ ಬೈಕ್ಗಾಗಿ ಅಕ್ಸೆಸರೀಸ್ ಬಿಡುಗಡೆ
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Technology Vivo: ಶೀಘ್ರದಲ್ಲೇ ವಿವೋ Y38 5G ಸ್ಮಾರ್ಟ್ಫೋನ್; ವಿನ್ಯಾಸ ಮತ್ತು ಫೀಚರ್ಸ್ ಲೀಕ್
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಿಎಂ ಮಗನ ಸಿನಿಮಾಕ್ಕೆ ಸ್ಟಾರ್ ನಟನ ಪುತ್ರಿ ನಾಯಕಿ
ತಮಿಳುನಾಡು ವಿಧಾನಸಭೆ ಚುನಾವಣೆ ಕೆಲವು ದಿನಗಳ ಹಿಂದಷ್ಟೆ ಮುಗಿದಿದ್ದು ಡಿಎಂಕೆ ಪಕ್ಷ ಅಧಿಕಾರಕ್ಕೆ ಏರಿ ಸ್ಟ್ಯಾಲಿನ್ ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ.
ಸ್ಟ್ಯಾಲಿನ್ ಪುತ್ರ ಉದಯನಿಧಿ ಸ್ಟ್ಯಾಲಿನ್ ಸಹ ಚುನಾವಣೆಗೆ ಸ್ಪರ್ಧಿಸಿ ಗೆಲುವು ಕಂಡಿದ್ದಾರೆ. ಸಿನಿಮಾ ನಟರೂ ಆಗಿರುವ ಉದಯನಿಧಿ ಸ್ಟ್ಯಾಲಿನ್ಗೆ ಇದು ಮೊದಲ ಚುನಾವಣೆ ಆಗಿತ್ತು. ಉದಯನಿಧಿ ಸ್ಟ್ಯಾಲಿನ್ ಅವರ ತಾತ ಕರುಣಾನಿಧಿ ಅವರ ಸ್ವಂತ ಕ್ಷೇತ್ರದಿಂದ ಸ್ಪರ್ಧಿಸಿ ಅಭೂತಪೂರ್ವ ಗೆಲುವು ಸಾಧಿಸಿದ್ದಾರೆ.
ಚುನಾವಣೆ ಮುಗಿದ ಬಳಿಕ ಮತ್ತೆ ನಟನೆಗೆ ಮರಳಿರುವ ಉದಯನಿಧಿ ಸ್ಟ್ಯಾಲಿನ್ ಹಿಂದಿಯ 'ಆರ್ಟಿಕಲ್ 15' ಸಿನಿಮಾದ ತಮಿಳು ರೀಮೇಕ್ನಲ್ಲಿ ನಟಿಸಲಿದ್ದಾರೆ. ಚಿತ್ರೀಕರಣ ಈಗಾಗಲೇ ಆರಂಭವಾಗಿದ್ದು, ನಾಯಕಿಯ ಆಯ್ಕೆ ಈಗಷ್ಟೆ ಮುಗಿದಿದೆ.
ರಾಜಶೇಖರ್ ಪುತ್ರಿ ಶಿವಾನಿ
ತೆಲುಗಿನ ಸ್ಟಾರ್ ನಟರಲ್ಲಿ ಒಬ್ಬರಾದ ರಾಜಶೇಖರ್ ಅವರ ಮಗಳು ಶಿವಾನಿ ರಾಜಶೇಖರ್ 'ಆರ್ಟಿಕಲ್ 15' ಸಿನಿಮಾದ ತಮಿಳು ರೀಮೇಕ್ನಲ್ಲಿ ಉದಯನಿಧಿ ಸ್ಟ್ಯಾಲಿನ್ ಜೊತೆಗೆ ನಟಿಸಲಿದ್ದಾರೆ. ಶಿವಾನಿ ರಾಜಶೇಖರ್ಗೆ ಇದು ಇನ್ನೂ ಎರಡನೇಯ ಸಿನಿಮಾ. ಇದಕ್ಕೂ ಮುನ್ನಾ ತಮಿಳಿನ 'ಅನ್ಬರಿವ್' ಸಿನಿಮಾದಲ್ಲಿ ನಟಿಸಿದ್ದಾರೆ.
ಆಯುಷ್ಮಾನ್ ಖುರಾನಾ ನಟಿಸಿದ್ದ ಸಿನಿಮಾ
ಹಿಂದಿಯಲ್ಲಿ ಆಯುಷ್ಮಾನ್ ಖುರಾನಾ ನಟಿಸಿದ್ದ 'ಆರ್ಟಿಕಲ್ 15' ಸಿನಿಮಾವು ಜಾತಿ ಪದ್ಧತಿ ವಿರುದ್ಧ ಪೊಲೀಸ್ ಹಿರಿಯ ಅಧಿಕಾರಿಯೊಬ್ಬ ಸಿಡಿದೇಳುವ ಕತೆಯನ್ನು ಹೊಂದಿತ್ತು. ಅದೇ ಸಿನಿಮಾವನ್ನು ತಮಿಳಿನಲ್ಲಿ ನಿರ್ಮಿಸಲಾಗುತ್ತಿದ್ದು ಸಿನಿಮಾವನ್ನು ಅರುಣರಾಜ ಕಾಮರಾಜ್ ನಿರ್ದೇಶನ ಮಾಡುತ್ತಿದ್ದಾರೆ. ಸಿನಿಮಾ ನಿರ್ಮಾಣ ಮಾಡುತ್ತಿರುವುದು ಬಾಲಿವುಡ್ ನಿರ್ಮಾಪಕ ಬೋನಿ ಕಪೂರ್.
ಬುಡಕಟ್ಟು ಸಮುದಾಯದ ಯುವತಿ ಪಾತ್ರದಲ್ಲಿ ಶಿವಾನಿ
'ಆರ್ಟಿಕಲ್ 15' ನಲ್ಲಿ ಎರಡು ಮುಖ್ಯ ಮಹಿಳಾ ಪಾತ್ರಗಳು ಇದ್ದು ಬುಡಕಟ್ಟು ಸಮುದಾಯದ ಯುವತಿಯ ಪಾತ್ರದಲ್ಲಿ ಶಿವಾನಿ ರಾಜಶೇಖರ್ ನಟಿಸುತ್ತಿದ್ದಾರೆ. ನಾಯಕನ ಪ್ರೇಯಸಿ ಪಾತ್ರದಲ್ಲಿ ತಾನ್ಯಾ ರವಿಚಂದ್ರನ್ ನಟಿಸಲಿದ್ದಾರೆ. ಸಿನಿಮಾದಲ್ಲಿ ಬುಡಕಟ್ಟು ಯುವತಿಯ ಪಾತ್ರಕ್ಕೆ ಹೆಚ್ಚಿನ ಪ್ರಾದಾನ್ಯತೆ ಇದೆ. ಇದೇ ಸಿನಿಮಾದಲ್ಲಿ ನಟ ಆರಿ ಸಹ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
Recommended Video
ಶಿವಾನಿ ನಟಿಸಿದ್ದ ಮೊದಲ ಸಿನಿಮಾ ನಿಂತುಹೋಗಿತ್ತು
ಶಿವಾನಿ ರಾಜಶೇಖರ್ ನಟಿಯಾಗುವುದಕ್ಕೆ ಮುನ್ನವೇ ಸಿನಿಮಾ ನಿರ್ಮಾಪಕಿ ಆಗಿದ್ದರು. ಶಿವಾನಿ ನಟಿಸಿದ್ದ 'ಟು ಸ್ಟೇಟ್ಸ್' ತೆಲುಗು ಸಿನಿಮಾ ಸೆಟ್ಟೇರಿತಾದರೂ ಸಿನಿಮಾದ ಚಿತ್ರೀಕರಣ ಮುಗಿಯುವ ಮುನ್ನವೇ ನಿಂತು ಹೋಯಿತು. ಇದೀಗ ದೊಡ್ಡ ಬ್ಯಾನರ್ನಲ್ಲಿ ಸಿಎಂ ಮಗನ ಜೊತೆಗೆ ನಟಿಸುವ ಅವಕಾಶ ಶಿವಾನಿಗೆ ಒದಗಿದೆ.